بەلگىلى جۋرناليست، رەسپۋبليكالىق "ايقىن" گازەتىنىڭ ديرەكتور-باس رەداكتورى نۇرتورە ءجۇسىپ قر پارلامەنتى سەناتىنىڭ دەپۋتاتى بولىپ تاعايىندالدى. بۇل تۋرالى اقوردا سايتى حابارلادى. 

"مەملەكەت باسشىسىنىڭ جارلىقتارىمەن قازاقستان رەسپۋبليكاسى پارلامەنتى سەناتىنىڭ دەپۋتاتتارى بولىپ نۇرتورە بايتىلەسۇلى ءجۇسىپ پەن اسقار ورازالىۇلى شاكىروۆ تاعايىندالدى", دەلىنگەن رەسمي حابارلامادا.

ءجۇسىپ نۇرتورە بايتىلەسۇلى 1961 جىلى 29 ساۋىردە قىزىلوردا وبلىسى شيەلى اۋدانى كەردەلى اۋىلدىق كەڭشارىندا تۋعان.

س.م. كيروۆ اتىنداعى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن بىتىرگەن (1984), جۋرناليست. قر جۋرناليستەر اكادەمياسىنىڭ اكادەميگى (1999 جىلدان). «ءبىز كىمنەن كەمبىز؟» (2001), «قازاقتىڭ قىزى» (2004), «ەلەس پەن بەلەس» (2006) پۋبليتسيستيكالىق جيناقتىڭ; 500-گە جۋىق ماقالالاردىڭ اۆتورى.

1984 جىلدان - «قىزىل تۋ» (قازىر «سارىارقا سامالى») پاۆلودار وبلىستىق گازەتىنىڭ ءتىلشىسى، اعا ءتىلشىسى، كولىك جانە قاتىناس ءبولىمىنىڭ مەڭگەرۋشىسى، باس رەداكتوردىڭ ورىنباسارى. 1990 جىلدان - «ەگەمەن قازاقستان» گازەتىنىڭ ءبولىم مەڭگەرۋشىسى، باس رەداكتوردىڭ ورىنباسارى. 1996 جىلدان - «جاس الاش» گازەتىنىڭ باس رەداكتورى. 2002 جىلدان - «اق جول، قازاقستان» گازەتىنىڭ باس رەداكتورى. 2005 جىلدان - «ەگەمەن قازاقستان» رەسپۋبليكالىق گازەتى» اق باس ديرەكتورى. 2007 جىلدان - «استانا حابارى» گازەتىنىڭ باس رەداكتورى. 2008 جىلدان بەرى - «ايقىن» گازەتىنىڭ باس رەداكتورى.

«قۇرمەت» وردەنىمەن (2009); «قازاقستان رەسپۋبليكاسىنىڭ تاۋەلسىزدىگىنە 10 جىل» (2001), «قازاقستان كونستيتۋتسياسىنا 10 جىل» (2000) مەدالدارىمەن ماراپاتتالعان.

قازاقستان جۋرناليستەر وداعىنىڭ ب. بۇلقىشەۆ اتىنداعى سىيلىعىنىڭ (1995), باق سالاسىنداعى پرەزيدەنتتىك سىيلىقتىڭ (1998), «التىن ادام» سىيلىعىنىڭ (2000) لاۋرەاتى.

Abai.kz