قىزىلوردادا مۇناي-گاز سالاسىنىڭ قىزمەتكەرلەرىن كاسىبي مەرەكەسىمەن جانە قازاقستاندىق مۇناي ونەركاسىبىنىڭ 120 جىلدىعى اتالىپ ءوتتى، - دەپ حابارلايدى اباي-اقپارات.

شاراعا قاتىسقان وبلىس اكىمى قۋانىشبەك ىسقاقوۆ:

– كەزىندە قۇمكول كەنىشىنىڭ اشىلۋى - سىر ءوڭىرىنىڭ مۇنايلى ولكە رەتىندە دامۋى مەن ونەركاسىپتىك ايماققا اينالۋىنىڭ نەگىزىن قالادى. وڭىرىمىزدە تولىقتاي مۇناي-گاز كلاستەرى قالىپتاستى. سودان بەرگى ۋاقىتتا سىر مۇنايى ەكونوميكامىزدىڭ دامۋىنا زور ۇلەسىن تيگىزدى. ءوڭىر ەكونوميكاسىنىڭ نەگىزگى لوكوموتيۆى بولدى. وكىنىشكە قاراي، سوڭعى 6 جىلدا وبلىستا مۇناي ءوندىرۋ كولەمى 4,3 ملن تونناعا قىسقاردى. بولجام بويىنشا، بيىلعى جىلى تاعى 1,1 ملن تونناعا قىسقارادى دەپ وتىرمىز، - دەدى ول.

ساراپشىلاردىڭ سوزىنشە، ءوڭىردىڭ مۇناي-گاز سالاسىنىڭ رەسۋرستىق الەۋەتىن ودان ءارى ارتتىرۋعا پەرسپەكتيۆالى شوگىندى باسسەيندەر مەن ارال تەڭىزىنىڭ اكۆاتورياسىن كەڭ اۋقىمدى زەردەلەۋ ىقپال ەتەتىن بولادى.

بۇدان ءارى ايماق باسشىسى وڭىردەگى ىرگەلى كاسىپورىنداردى مەملەكەتتىك-جەكەمەنشىك ارىپتەستىك اياسىندا جاڭا كەن ورىندارىن بارلاۋ بويىنشا بىرلەسىپ جۇمىس ىستەۋگە شاقىردى.

– قازىردىڭ وزىندە قازاقستان رەسپۋبليكاسى ۇكىمەتىنىڭ قاۋلىسىمەن قىزىلوردا وبلىسىنىڭ الەۋمەتتىك-ەكونوميكالىق دامۋىنىڭ كەشەندى جوسپارى بەكىتىلدى. كەشەندى جوسپاردا شۋ-سارىسۋ، وڭتۇستىك - تورعاي، سىرداريا شوگىندى باسسەيندەرىن گەولوگيالىق زەرتتەۋ دە قامتىلعان، وندا كومىرسۋتەك قورلارىن انىقتاۋ قاراستىرىلعان، - دەپ اتاپ ءوتتى.

سالتاناتتى كەش بارىسىندا مۇناي سالاسىنىڭ قۇرمەتتى ارداگەرى، قازاقستاننىڭ «ەڭبەك ەرى» ۇزاقباي قارابالين سالا قىزمەتكەرلەرىن ايتۋلى مەرەكەمەن قۇتتىقتاپ، ءسوز سويلەدى.

سىربويىلىق مۇناي-گاز سالاسىنىڭ ۇزدىك قىزمەتكەرلەرىنە ماراپاتتار تابىستالىپ، ءىس-شارا مەرەكەلىك كونتسەرتتىك باعدارلامامەن جالعاستى. ەلەنا ابدىحالىقوۆا، ءمادينا سادۋاقاسوۆا، اقىلبەك جەمەنەي سىندى ونەر جۇلدىزدارى اننەن شاشۋ شاشتى.

ال كەشكىلىك ورتالىق الاڭدا مۇنايشىلار كۇنىنە ارنالعان گالا-كونتسەرت ءوتتى

Abai.kz