ۇقك تاراتقان حابارلامادا ا.ج.بىتىمباەۆ ەسىمدى ادامعا "تەراكتى ازىرلەۋ، تەرروريزمدى ناسيحاتتاۋ، ءدىني الاۋىزدىقتى قوزدىرۋ جانە اتىس قارۋىن زاڭسىز ساقتاۋ فاكتىلەرى" بويىنشا ايىپ تاعىلعانى جازىلعان.

تەكسەرۋ كەزىندە "ونىڭ قوعامدىق ورىندا تەراكت جاساماق بولعانى تۋرالى" اقپارات تۇسكەن. سوت ۇكىمىن المالى اۋداندىق سوتى شىعارعان.

تەرگەۋ ورىندارىنىڭ دەرەگىنشە، ءساۋىر ايىندا الماتىدا ۇستالعان كۇدىكتى سودىرلارعا قوسىلۋ ءۇشىن سيرياعا بارۋدى جوسپارلاعان. ءتىنتۋ كەزىندە ودان "تراۆماتيكالىق قارۋ، قولدان جارىلعىش زاتتار جاسايتىن بولشەكتەر، ءۇش ساۋدا ورتالىعىنىڭ سىزباسى، بەتپەردە مەن قولعاپ" تابىلعان.

2018 جىلى شىلدە ايىندا قازاقستان ۇلتتىق قاۋىپسىزدىك كوميتەتى (ۇقك) تاياۋ شىعىستا سوعىس باستالعالى بەرى سيريا مەن يراكقا قازاقستاننىڭ 800-گە جۋىق ازاماتى كەتكەنىن حابارلاعان. 2019 جىلى قازاقستان بيلىگى "جۋسان" وپەراتسياسى بارىسىندا سيريادان 516 ادامدى جەتكىزگەن، ولاردىڭ 360-ى - بالا. سيريادان ورالعانداردىڭ كەيبىرىنىڭ ۇستىنەن قىلمىستىق ءىس قوزعالىپ، سوتتالدى.

Abai.kz