2. ارىس قالانىڭ ماسەلەسى. كوپ جۇمىس اتقارىلدى، مويىندايمىن. بىراق كەي تۇرعىندار ءالى دە ءماز ەمەس. قۇرىلىس كومپانيالار سنوسقا كەتەتىن ۇيلەردى رەمونتتايمىز دەپ جاتىر. بۇل جەردە كىنا - تولىعىمەن مەملەكەتتىڭ جاعىندا عوي، سوندىقتان جەرگىلىكتى حالىقتى تولىعىمەن قاناعاتتاندىرۋ كەرەكپىز.

3. تارازداعى "رودنيچوك" دەگەن تۇرعىن ءۇيدىڭ ماسەلەسى. اناۋ 1990-شى جىلداردان كەلە جاتقان پروبلەما بۇل. بۇل جەردە 15 مىڭداي ادام تۇرادى، بىراق ۇيلەرى ءالى زاڭداستىرىلماعان. ونىڭ كەسىرىنەن ەش ينفراقۇرىلىم جوق - مەكتەپ، بالاباقشا، اۋرۋحانا ت.ب. سوندىقتان بۇل تۇرعىن ءۇيدى زاڭداستىرۋ كەرەكپىز دەپ ءوتىندىم.

4. اتىراۋ وبلىسىنىڭ ەكولوگيا ماسەلەسىن كوتەردىم. جايىققا ءبارىمىزدىڭ جانىمىز اشيدى. پرەزيدەنت توقاەۆ بۇل پروبلەمانى جاقسى بىلەدى ەكەن.

5. ماڭعىستاۋ وبلىسىن باسقا قازاقستانمەن بايلانىستىراتىن تاس-جولدى ايتتىم - بەينەۋ-سەكسەۋىل. ءبىر ميلليرد دوللار تۇرسا دا سالۋ كەرەك ەكەنىن جەتكىزدىم. ويتكەنى ول تەك قانا باتىس وبلىستارعا ەمەس، بارىمىزگە قاجەت. ءجون تاس-جول بولسا ىشكى تۋريزم داميدى، وڭتۇستىكتىڭ كوكىنىستەرىن باتىسقا تىكەلەي اپارا الامىز، ينفلياتسيا تومەندەيدى، جۇك كولىكتەر كاسپي تەڭىزىندەگى پورتتارىمىزعا تىكەلەي جەتە الادى، ءارى قاراي ازەربايجان ارقىلى ەۆروپاعا بارا الادى، يرانعا. باتىس وبلىستار رەسپۋبليكالىق بيۋدجەتىنە جىل سايىن قانشاما مۇناي مەن گازدى قۇيىپ جاتىر عوي!

6. جەر ماسەلەسىن تۇبەگەيلى قالاي شەشۋگە بولادى ءوزىمنىڭ بارشاڭىزعا بەلگىلى ۇستانىمدى جەتكىزدىم. ءموراتوريدىڭ اياقتالۋىنا ەكى-اق جىل قالىپ وتىر. جەردىڭ جەكە مەنشىك ينستيتۋتتىڭ ورنىنا جال ينستيتۋتىن ورناتۋ كەرەك - تەك قانا قر ازاماتتارىنا، جانە 100% قر زاڭدى تۇلعالار ءۇشىن. لاتيفۋنديزمگە قارسى كوسمومونيتورينگتى ەنگىزۋ كەرەك ەكەنىن ايتتىم. ول ءۇشىن اشم ءتيىستى بۇيرىعىن جىلدام شىعارۋ كەرەك.

7. دوستار، جەتىنشى ماسەلە دە بولدى، بىراق مەن بۇنى ازىرشە اشىق ايتپاي-اق قويايىن. بىراق جىلدىڭ اياعىنا دەيىن بۇل قانداي ماسەلە بولدى مىندەتتى تۇردە جاريالايمىن. ازىرشە كۇتۋ كەرەك.

سولاي، دوستارىم، اعايىن! كەزدەسۋدەن كوڭىلىم تولدى. ءبىزدىڭ جۇمىسىمىز جالعاسۋدا. ەرلان قاريننىڭ ەلگە كورىنبەيتىن بىراق ەلگە وتە پايدالى اتقارىپ جاتقان جۇمىسى ءۇشىن شەكسىز العىسىمدى بىلدىرەم!

مۇحتار تايجاننىڭ facebook پاراقشاسىنان

Abai.kz