Biylik basynda halyqqa ýlgi kórsetetin últshyl túlghalardyng bolmaghanynan shyghar, songhy 30 jylda rushyldyq qatty asqynyp, rushyldyqtyng eng jabayy týri payda boldy.

"Ystyq suda" demalyp jatqan kýni bir jigittermen dastarhandas boldyq. Sol jerdegi auyldardyng birinen kelgender eken. Ángime arasynda bireui Rayymbek batyr turaly sóz qozghap, batyrdyng alban ekenin, ózining rulasy ekenin aityp әbden maqtandy. Men oghan: «Bauyrym, Rayymbek batyr qazir tirilip kelse, eng birinshi seni nayzagha shanshyp óltiretin edi!» - dedim. Tang qalyp, sebebin súrady. Rayymbek batyrdan albannyng batyry jasap otyrghan ózderi ekenin, Rayymbek batyrdyng kezinde qazaq ýshin soghysyp ólgenin, qazaqtyng batyry bolghanyn, qazaqtyng batyry bolghandyqtan arghynnan shyqqan Malaysarynyng da úrpaqqa ýlgi bolsyn dep anau tóbening etegindegi albannyng jerinde jatqanyn aittym. Áli jigit sosyn sabasyna týsip, qateligin moyyndap, raqmet aityp elpektep qaldy.

Bir rudyng tónireginen shygha almaytyn osynday byqsyma әngimeni kóp estiymin. «Kelesi preziydent nayman boluy kerek. Sol kezde ghana elde temirdey tәrtip bolady!» dep ótkende taghy bir aghamyz kókip ketti.

Maghan alban bolsa da, arghyn ne aday bolsa da bәribir, últty úiystyra alatyn úly túlgha bolyp shyqsa boldy!

Jolymbet Mәkishting facebook paraqshasynan

Abai.kz