Särsenbi, 19 Aqpan 2020
Jağımdı jañalıq 2017 6 pikir 1 Qaraşa, 2019 sağat 12:48

Qoş bol, keñestik ataular!

Redakciyadan: Temirtau qalasındağı birqatar köşelerdiñ keñestik atauın özgertkeni jaylı aqparat aldıq. Bizdiñ jağdayımızda jağımdı jaqsı jañalıq. Neokolonizaciya sayasatı tegeurindi jürgen bwrınğı ksrolıqtar üşin bwl jañalığımız külkili boluı da mümkin. Äytkenmen de, jağımdı jañalıqtarıñız jalğastı bolsın deymiz!

Söytip, Temirtau jwrtı "Qoş bol, sovettik ataular" depti. Naqtılap aytsaq, Tol'yatti köşesine – dañqtı metallurg Elaman Bayğazievtiñ, Kalinin köşesine – Säken Seyfullinniñ, Gercen köşesine – Ahmet Baytwrsınwlınıñ, Dimitrov köşesine – Abaydıñ, al Komsomol dañğılına – Bauırjan Momışwlınıñ atın beru turalı wsınıs qwptalıptı. 

Kördik, közimiz süysindi. Bärekeldi, destik. Osı turalı egjey-tegjeyli tömendegi maqaladan oqıp, bilersizder...


Bügin Temirtaudağı qalıñ qazaq üşin «aq tüyeniñ qarını jarılğan» kün boldı! Bwğan deyin Tol'yatti, Kalinin, Gercen, Dimitrov atındağı wzınnan-şwbaq kösilip jatqan köşeler men ortalıqtağı jarıq ta keñ Komsomol dañğılınıñ atauın özgertuge baylanıstı qoğamdıq tıñdau ötip, wsınılğan wsınıstar tartıstı talqılandı. Nätijesinde, wtımdı oy-pikirlerimen de, sanı jağınan da özgelerden basım tüsken qalıñ qazaq quanıştarı qoyındarına simay, süyinşilep tarastı.

Tartıstı talqılanğanı – Komsomol dañğılı boldı, «Komsomol bizdiñ ata-anamızdıñ jastıq şağı», «Temirtaudı salğan komsomoldar, olardıñ eñbegin qalay joqqa şığarasıñdar», «Ötkendi wmıtuğa bolmaydı, bwl qala tarihına qiyanat» degen sıñaydağı qarısılıqtar köp boldı. Degenmen, köpşilik Bauırjanday batırdıñ atın berudi layıq jäne öte orındı dep sanaytındarın jetkizdi.

Temirtaudıñ bas aqını Qasım Botanov «Eger tarihqa jasalğan qiyanat» deseñizder, onda sonau bir kezderi Leningrad, Stalingrad qalalarınıñ attarı özgertilgenin esteriñizge salayın, sonda komsomolıñız Vladimir Il'iç pen Iosif Stalinnen de artıq bolğanı ma?» . Tağı bir mısal aytayın, osı Temirtaudağı Lenin dañğılın Respublika dañğılı dep özgertken de siz ben biz edik" dep kesimdi sözin ayttı.

Sonımen, Tol'yatti köşesi – dañqtı metallurg Elaman Bayğaziev, Kalinin köşesi – Säken Seyfullin, Gercen köşesi – Ahmet Baytwrsınwlı, Dimitrov köşesi – Abay, al Komsomol dañğılı – Bauırjan Momışwlınıñ atına beru wsınısı qwptaldı. Mädeniet sarayında ötken qoğamdıq tıñdauğa qatısqan 900-ge juıq twrğınnıñ 830-dan astamı bwl wsınıstardı qoldap dauıs berdi.

Ruza Aldaşeva

Abai.kz

6 pikir