Júma, 2 Qazan 2020
COVID-19 QAZAQSTANDA. Júqtyrghandar — 107979. Jazylghandar — 102937. Qaytys bolghandar — 1725
Jer dauy 2810 20 pikir 11 Qarasha, 2019 saghat 16:05

Jer jekede. Malshylar jayylymdy qaytedi?

Abai.kz saytynyn әleumettik jelidegi paraqshasyna Almaty oblysy, Qarasay audanynan Núradil Rahmetolla deytin azamat ýshbu hat jazyp, dat aytypty.

Álgi hattan úqqanymyz, Fabrichnyi, Qasymbek auyldarynyn manyndaghy jayylymdyq jerdi Telman esimdi jeke sharua qojylyqtyn iyesi aynalasyn 3 metr or qylyp qazypty. Auyl túrghyndary búghan narazy kórinedi.

Bizge shaghym aytyp, hat jazghan Núrәdil Rahmetolla myrzanyn ózine habarlasyp, mәselenin mәn-jayyn súrap bildik.

Núradil Rahmetolla, Qarasay audanynyn túrghyny:

- Men Núradil Rahmetolla, Almaty oblysy, Qarasay audany, Rayymbek auylynda túramyn. Jeke kәsipkermin. Menin Jambyl audany, Qasymbek auylyna qarasty jayylym jerlerde jeke sharua qojalyghym bar. Menin qasymda shaghyn-shaghyn basqa da sharua qojalyqtar bar.

Bizdin janymyzda Telman degen últy әzirbayjan azamattyn sharua qojalyghy da bar bolatyn. Ol jer - Qarasay men Jambyl audandarynyn týyisken túsy. Sol jerdegi 700 gektar jayylymdy menin jeke menshigim dep aynaldyra qorshap, ýsh metrdey terendikte qazyp tastady. Qorshalghan jerdin ishinde menin de qojalyghym qalyp qaldy.

Ol jerdegi tau, ózen, su bәrin qazyp ótip ketti. Ar jaghynda Fabrichnyi auylynyn jayylymdyq jeri bar. Eldin maly jayylatyn, su ishetin jeri týgel aynaldyra qazyldy.

Biraq, sharua qojalyqtyn iyesi Telman "ol menin jeke menshik jerim" deydi. Biz onyn qújattaryn kórgen joqpyz. Sóytip ol, býkil Fabrichnyi, Qasymbek auyldarynyn manyndaghy búrynnan mal jayylymdyq jerlerdi 3 metr or qylyp qazyp tastady. Qazylghan jerdin terendigi sonday, ana jerge mal týgili adam týsip ketse aman qalmaydy.

Biz qojalyqtyn qojayynyn kórgen joqpyz. Tek, adamdaryn jiberip qazdyrdy. Býkil Fabrichnyi auylynyn túrghyndary qarsy shyqty. Biraq, eshtene jasay almaghan. Sol kýyi qaldy.

Menin sharua qojalyghymnyn gosaktisi boyynsha, ol jerdin bir jaq búryshy memlekettin jeri. Sonda ol memlekettik jerlerdi qorshap tastaytyn kim? Kimnen rúqsat alghan? Jәne ol jayylym jerdi jyrtyp, egis egedi. Oghan jayylym jerdi egistikke aynaldyrugha kim rúqsat bergen?

Sosyn menin sharua qojalyghymnyn qasynda kól bar. Ol - barlyq auyldyn maly kelip su ishetin jer. Taudan aghyp kelip jatqan ózen. Sonyn bәrin qazyp ótip ketti.

Búl jaghdaygha eki audannyn qosylghan túsyndaghy Fabrichnyi, Qasymbek, Bekbolat, Sauynshy auyldarynyn barlyq halqy qarsy shyghyp jatyr.

Taghy aytarym, ol jerdi qazu ýshin rúqsat alu kerek. Álgi qojalyqtyn iyesi rúqsat almaghan. Ekinshiden, óz jerin qorshaghysy kelse setka tartyp, basqalargha jol qaldyru kerek. Óytkeni ana jayylym Ýshqonyrdyn tauynan búghy, elikter týsip jýretin jer. Sol suatty qazyp tastaghan.

Bylaysha aytqanda, soghysqa dayarlyq jasaghanday qylyp shamamen, 20 km jerdi qazdy.

Búl qanday Zansyzdyq? Eger osylay kete berse, biz bolashaqta vertoletpen úshyp jýruimiz kerek shyghar, onda?

Núradil myrza búl mәsele boyynsha Jambyl audanynyn әkimi Baqyt Qazanbasovqa, Almaty oblysynyn әkimi Amandyq Batalovqa jәne Auyl sharuashylyghy ministrligine shaghymdanghan. Almaty oblysy әkimdigi búl mәseleni resmiy qarastyrugha jibergeni turaly jauap jazghan.

Biz jogharyda sóz bolyp otyrghan sharua qojalyghynyn qojayyny Telman myrzanyn ózine habarlasyp, atalghan mәsele boyynsha ol kisinin sózin tyndadyq.

Soy atyn aytudan bas tartty. "Ony neghylasyz, men qazir sheteldemin. Kelgen son kezdeseyik. Kezdeskende aytamyn, kórsetemin...", dedi.

Telman, Sharua qojalyghynyn iyesi: 

- Tyndanyzshy, men óz jerimdi qazdym ghoy. Menin 3 myn qoyym, 200 jylqym bar. Mende barlyghy tirkelgen. Men búl jerlerdi júrttan satyp aldym. Jeke túlghalardan satyp aldym. Jogharghy jaqtan fabrichnyilyqtar maldaryn aydap týsedi. Olar últaralyq mәseleni kóterip otyr. "Týrik, әzirbayjan... ketinder" dep... Men she? Men ne isteuim kerek? Men bireudin jerin qorshap alghan joqpyn ghoy. Óz jerimdi qorshadym. 

Men sol auyldan, adamdardan satyp aldym. Mende qansha gosakti bar. Jeke menshik. Olar: "Sen qazaq emessin, әzirbayjansyn. Senin ol jerdi qazugha haqyn joq. Búl qazaqtyn jeri. Biz múnda búryn qalay mal baqsaq, qazir de solay bagha beremiz. Joq, biz seni órteymiz, pyshaqtaymyz (zarejem).." deydi. Bilmeymin, búl ne әngime?!

Meniki shamamen 500 gektarday jer.  Iishinde 49 jyl degen bar. Ol shamamen 10 payyzday. Maratoriy jariyalaghan son, satyp ala almaytyn boldyq qoy. Mine, sol 10 payyz ghana. Al 90 payyzy jeke menshigim. Men ol jerlerdi jeke azamattardan aldym. Memleketten eshtene alghan joqpyn. 

Olar menen mal aydap ótetin jer (progon) súrady. Adam siyaqty súrady. Men úzyndyghy shamamen 3,50-3 killometr  jer (progon) qaldyrdym. Al qazudy bastaghanda olar maghan keldi. "Meyli, jerindi qorshap jatyrsyn. Endeshe biz mal aydap óte alatyn jer (progon) qaldyr. Qarasaydyn jeri jaghynan 20-40 metr jer qaldyra alasyn ba" dedi. Men: "sóz joq, jaqsy" dedim. Men plyus-minus qansha jer keri shegindirdim. Olargha "progon" qaldyrdym. Bireudin bir metr jerin de alghan joqpyn. 

Telearnany da shaqyrghan. Jer basqarmasynan adamdar shaqyrtty. Olar da keldi. Kórdi. Barlyghy meniki dúrys ekenin kórsetti. Shekara búzylghan joq.

Olar endi últaralyq mәsele kóterip otyr. Tipti, meni "óltiruge" de dayyn boldy. Men olargha adam siyaqty ayttym. Men óz malymdy jaylaugha aydap shyghamyn. Jazda ýsh aygha, mausym, shilde, tamyzda, keyde qyrkýyekke deyin. Sol aralyqta olar óz maldaryn menin territoriyamda baghady.

Men olargha: "Jigitter, egin bolsyn, shóp bolsyn dep, men әdeyi óz malymdy jaylaugha alyp ketemin. Men ol jaqta jәne 150-200 gektargha arpa, biday egemin. Kelsem, joq. Senesiz be, biyl men 40 tonna ghana arpa aldym. Al 200-250 tonna aluym kerek edi. Barlyghyn solardyn maldary taptap tastady. Kelip, aytsam, maghan agressivti týrde jauap beredi.  Bilmeymin, endi qalay júmys jasauym kerek?! 

Mende qújattarymnyn barlyghy dúrys. Telearna da kelgen. Qújattardyn barlyghyn teksergen. Ákimderdi, jer basqarmasynan adamdardy shaqyrghan. Barlyghy tekserdi. Býkil Jambyl audany biledi. Mende barlyghy zandy. Ol jeke menshik. 

Aytpaqshy, olargha әkimdik jer úsyndy. Jogharghy jaqta qoqys tógeteni oryn (svalka) bolghan. Sol jaqtan jer bermek te boldy. Tipti, men óz tehnikamdy kómekke úsyndym. ""Jigitter mende tiyegish (pogruzchiyk) bar. Óz esebimnen bereyin. Senderdi de týsinemin. Senderdin jayylym jerlerin edi" dedim. Audannyn әkiminin kózinshe ayttym. "Tiyegish (pogruzchiyk) jaldap bereyin, ol jerdi tazartyp bersin" dedim de. Joq. "Biz osynda baqtyq, әri qaray da bagha beremiz" dep otyr. 

Menin sharua qojalyghym oblystaghy aldynghy qatarly. Men qoylarymdy Amerikadan, Angliyadan әkelgem. Mynbaev institutymen de júmys jasaymyn. Maghan shynymen jer jetpeydi. Memleketten dotasiya almaymyn. Memleketten bir tiyn da alghan emespin. 

Týyin. Abai.kz aqparattyq portaly erkin aqparat alany. Múnday oy jarystyryp, pikir almasugha әrkim qúqyly.

Qos taraptyn pikirin tyndadyq. Biz, atalghan daugha qatysty kesip-púshyp ýkim aytatyn Sot emespiz. Qúzyrly organ emispiz.

Redaksiyamyzdyn әleumettik jelidegi paraqshasyna ýshbu hat jazyp, minber súraghan Núradil Rahmatolla myrzanyn da, ol sóz etip otyrghan Telman myrzanyn da pikirin estidik. Jer dauyna, jayylym dauyna minber úsyndyq. Mәselenin sheshimin jergilikti әkimdik, Amandyq Ghabbasúly basqaratyn Almaty oblysynyn әkimdigi men ondaghy qúzyrly organdar sheshui kerek-aq!

Núrbiyke Beksúltanqyzy

Abai.kz

20 pikir