Senbi, 7 Jeltoqsan 2019
723 3 pikir 14 Qaraşa, 2019 sağat 11:17

"Qazaqstannan kiik müyizin alıp ötpek bolğan" Resey azamatı wstaldı

Şekara qızmetiniñ dereginşe, reseyliktiñ köligindegi sport sömkesinen kiiktiñ 64 jwp müyizi tabılğan. Müyizdiñ salmağı 29 keli. Resey azamatı Batıs Qazaqstan oblısındağı Aqsay postında wstalıp, aymaqtağı policiyağa tapsırılğan.

Batıs Qazaqstan policiyasınan Resey azamatı qamauğa alınğanın ya oğan qatıstı qılmıstıq is qozğalğanın anıqtau mümkin bolmadı.

Şekara qızmetiniñ dereginşe, müyizder 242 million teñgege (şamamen 620 mıñ dollar) bağalanğan. Şekaraşılardıñ habarlauınşa, bwl fakti Qılmıstıq kodekstiñ 339-babımen ("Ösimdikterdiñ nemese januarlardıñ sirek kezdesetin jäne qwrıp ketu qaupi töngen türlerimen zañsız aynalısu") tergelui tiis.

Kiikter Qazaqstanda memleket qorğauına alınğan. Brakon'erler kiikterdiñ müyizin kesip, şığıs medicinası üşin saudalaydı.

Aqbökenniñ sanı bir ğasırğa juıq uaqıt işinde birneşe ret kürt azayıp, keyin qayta köbeygen. 1920 jıldarı Sovet biligi qwrıp bituge şaq qalğan kiikti atuğa tıyım salğan. 2015 jılı Qazaqstanda indet saldarınan birneşe apta işinde 150 mıñnan asa kiik (älemdegi sanınıñ 62 procenti) qırılğan.

Qazaqstan biligi 2020 jılğa deyin kiikterdi aulauğa şekteu qoydı. Biraq soğan qaramastan kiikterdi zañsız atu faktileri tirkelgen. Biıl kiikterdi zañsız aulağandardı wstamaq bolğan "Ohotzooprom" mekemesiniñ eki inspektorı brakon'erler qolınan mert boldı.

Abai.kz

3 pikir