Jeksenbi, 9 Tamız 2020
COVID-19 QAZAQSTANDA. Jwqtırğandar — 97829. Jazılğandar — 71609. Qaytıs bolğandar — 1058
Anıq 1583 7 pikir 2 Jeltoqsan, 2019 sağat 11:16

«Şeteldik investorlar Qazaqstan ekonomikasına salmaqtı üles qosuı kerek» 

Azat Peruaşev 29 qaraşada Mäjiliste «Atameken» WKP-men kezdesude söylegen sözinde: «İri şeteldik investorlardıñ Qazaqstan ekonomikasına salmaqtı üles qosuı kerek», - dedi. 

Sonday-aq, deputat QR Prezidenti Q.Toqaevtıñ biılğı Joldaudağı orta biznesti qoldau turalı tapsırmasınıñ özektiligine toqtaldı. «Sebebi, soñğı 10 jılda orta käsipkerliktiñ sanı 3,5 ese kürt tömendegen», - dep tüsindirdi A. Peruaşev.

Bwl mäseleni şeşu jaña käsiporındardıñ jappay payda boluın talap etedi. Tabiği resurstardı öñdeudegi ülken qorlar men alpauıttardıñ jabdıqtar satıp alu men servistik qızmetterdi qazaqstandıq seriktesterge berui jasırılğan.  

Bwl jerde elimizdiñ Täuelsizdiktiñ alğaşqı jıldarında iri investorlar aldındağı qabıldağan kelisim-şart mindettemeleri tejegiş faktor bolıp otır. Alayda, qanşama jıldar boyı köptegen şeteldik kompaniyalar bizdiñ tabiği resurstarımızdı tolığımen paydalandı.

«Şeteldik tauar alpauıttarınıñ Qazaqstan ekonomikasın damıtu men modernizaciyalauğa neğwrlım belsendi qatısuın, olardıñ öndirisi men körsetetin qızmetinde Qazaqstannıñ ülesin arttıru mäselesin köteretin kez keldi. 

Mäselen, şirek ğasır işinde barlıq investorlar men şeteldik merdigerler jwmısşılardı älemniñ är tükpirinen tartpay-aq, qazaq jastarı üşin qajet mamandar men menedjerlerdi dayınday aladı. Tipti jergilikti käsipkerlerge qajetti qwral-jabdıqtar öndirisin qwruğa kömektese aladı» dep sanaydı Azat Peruaşev.

Osığan baylanıstı ol Prezident Qasım-Jomart Toqaevtıñ ağımdağı jıldıñ 13 qaraşasında Qıtaydıñ CNPC basşılığımen kezdesuinde qazaqstandıq jwmısşılardıñ qwqığın qorğau mäseleleri köterilgenin atap ötti. Sonday-aq, Ükimet pen Energetika ministrligi KRO-dağı Qazaqstannıñ ülesin arttıru boyınşa jwmıs jürgizip jatqanı belgili.

«Aq jol» partiyası wlttıq ekonomikalıq müddelerdi qoldau bağıtında osınday bastamalardı qoldaydı. Bwl mäsele Ükimet pen «Atameken» WKP-nıñ basım bağıttarınıñ biri boluı kerek dep sanaymız», - dedi A.Peruaşev.

Abai.kz

7 pikir