بەيسەنبى, 28 ناۋرىز 2024
انىق 3982 7 پىكىر 2 جەلتوقسان, 2019 ساعات 11:16

«شەتەلدىك ينۆەستورلار قازاقستان ەكونوميكاسىنا سالماقتى ۇلەس قوسۋى كەرەك» 

ازات پەرۋاشەۆ 29 قاراشادا ماجىلىستە «اتامەكەن» ۇكپ-مەن كەزدەسۋدە سويلەگەن سوزىندە: «ءىرى شەتەلدىك ينۆەستورلاردىڭ قازاقستان ەكونوميكاسىنا سالماقتى ۇلەس قوسۋى كەرەك»، - دەدى. 

سونداي-اق، دەپۋتات قر پرەزيدەنتى ق.توقاەۆتىڭ بيىلعى جولداۋداعى ورتا بيزنەستى قولداۋ تۋرالى تاپسىرماسىنىڭ وزەكتىلىگىنە توقتالدى. «سەبەبى، سوڭعى 10 جىلدا ورتا كاسىپكەرلىكتىڭ سانى 3,5 ەسە كۇرت تومەندەگەن»، - دەپ ءتۇسىندىردى ا. پەرۋاشەۆ.

بۇل ماسەلەنى شەشۋ جاڭا كاسىپورىنداردىڭ جاپپاي پايدا بولۋىن تالاپ ەتەدى. تابيعي رەسۋرستاردى وڭدەۋدەگى ۇلكەن قورلار مەن الپاۋىتتاردىڭ جابدىقتار ساتىپ الۋ مەن سەرۆيستىك قىزمەتتەردى قازاقستاندىق سەرىكتەستەرگە بەرۋى جاسىرىلعان.  

بۇل جەردە ەلىمىزدىڭ تاۋەلسىزدىكتىڭ العاشقى جىلدارىندا ءىرى ينۆەستورلار الدىنداعى قابىلداعان كەلىسىم-شارت مىندەتتەمەلەرى تەجەگىش فاكتور بولىپ وتىر. الايدا، قانشاما جىلدار بويى كوپتەگەن شەتەلدىك كومپانيالار ءبىزدىڭ تابيعي رەسۋرستارىمىزدى تولىعىمەن پايدالاندى.

«شەتەلدىك تاۋار الپاۋىتتارىنىڭ قازاقستان ەكونوميكاسىن دامىتۋ مەن مودەرنيزاتسيالاۋعا نەعۇرلىم بەلسەندى قاتىسۋىن، ولاردىڭ ءوندىرىسى مەن كورسەتەتىن قىزمەتىندە قازاقستاننىڭ ۇلەسىن ارتتىرۋ ماسەلەسىن كوتەرەتىن كەز كەلدى. 

ماسەلەن، شيرەك عاسىر ىشىندە بارلىق ينۆەستورلار مەن شەتەلدىك مەردىگەرلەر جۇمىسشىلاردى الەمنىڭ ءار تۇكپىرىنەن تارتپاي-اق، قازاق جاستارى ءۇشىن قاجەت ماماندار مەن مەنەدجەرلەردى دايىنداي الادى. ءتىپتى جەرگىلىكتى كاسىپكەرلەرگە قاجەتتى قۇرال-جابدىقتار ءوندىرىسىن قۇرۋعا كومەكتەسە الادى» دەپ سانايدى ازات پەرۋاشەۆ.

وسىعان بايلانىستى ول پرەزيدەنت قاسىم-جومارت توقاەۆتىڭ اعىمداعى جىلدىڭ 13 قاراشاسىندا قىتايدىڭ CNPC باسشىلىعىمەن كەزدەسۋىندە قازاقستاندىق جۇمىسشىلاردىڭ قۇقىعىن قورعاۋ ماسەلەلەرى كوتەرىلگەنىن اتاپ ءوتتى. سونداي-اق، ۇكىمەت پەن ەنەرگەتيكا مينيسترلىگى كرو-داعى قازاقستاننىڭ ۇلەسىن ارتتىرۋ بويىنشا جۇمىس جۇرگىزىپ جاتقانى بەلگىلى.

«اق جول» پارتياسى ۇلتتىق ەكونوميكالىق مۇددەلەردى قولداۋ باعىتىندا وسىنداي باستامالاردى قولدايدى. بۇل ماسەلە ۇكىمەت پەن «اتامەكەن» ۇكپ-نىڭ باسىم باعىتتارىنىڭ ءبىرى بولۋى كەرەك دەپ سانايمىز»، - دەدى ا.پەرۋاشەۆ.

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525