Senbi, 8 Tamız 2020
COVID-19 QAZAQSTANDA. Jwqtırğandar — 97829. Jazılğandar — 70680. Qaytıs bolğandar — 1058
2069 8 pikir 6 Jeltoqsan, 2019 sağat 13:53

Aymağambetov: 2020 jılı mektepterge latın älipbii engizilmeydi

2020 jılı mektepterge latın älipbii engizilmeydi. Bwl turalı Senattıñ jalpı otırısında Bilim jäne Ğılım ministri Ashat Aymağambetov mälimdedi.

Aymağambetovtıñ aytuınşa, jaña älipbidiñ äli de jetildiretin twstarı bar. Onı ayaqtau qazir Mädeniet ministrligine jüktelgen. Sondıqtan, älipbidiñ naqtı nwsqası bekitilgennen keyin ğana bilim ministrligi tiisti jwmıstar jürgizbek. Al, äzirge bwl jaylı aytuğa erte deydi ministr.

Onıñ aytuınşa, alfavittiñ tüpkilikti jäne bekitilgen nwsqası joq. Sondıqtan, "2020 jılı biz mektepterde latın tiline köşemiz dep aytudıñ qajeti joq"

Ashat Aymağambetov, BjĞM ministri:

-Bwl wzaq process. Aldımen onı bekitu kerek. Özindik erejeleri boladı. Oğan birte-birte köşedi. Sodan keyin biz tiisti dayındıqtı jürgizuimiz kerek. Sonda ğana oqu qwraldarı men oqulıq dayındaladı. YAğni, bwl köp jwmıs. Osı jwmıstar atqarılğannan keyin ğana latın älipbiin engizemiz.

Eske sala keteyik, elimizde 2025 jılğa qaray barlıq is qağazdardı latın grafikasına köşiru josparlanğan. Osı jıldıñ aqpan ayında joba jasalıp, 2019 jılı halıqtı jaña emle boyınşa oqıtu jäne osığan mwğalimderdi dayarlau josparlanğan bolatın.

Al, bwrınğı bilim jäne ğılım ministri Erlan Sağadiev "2020 jıldıñ qırküyeginen bastap mektepaldı dayarlıq sınıbında oqitın balalar latın tiline köşedi" degen bolatın. Alayda, osı jıldıñ qazan ayında memleket basşısı Qasım-Jomart Toqaev latın grafikasındağı qazaq älipbiin jetildirudi tapsırdı.

Abai.kz

8 pikir