Tútqyn almasu 29 jeltoqsanda Donesk oblysy týbindegi "Mayorsk" ótkizu beketinde ótti. Jeksenbi kýni keshkisin Kiyevke qaytarylghan adamdar bar úshaq Borispoli әuejayyna qondy. Olardy Ukraina preziydenti Vladimir Zelenskiyding ózi kýtip aldy.
Ukraina preziydentining baspasóz qyzmeti kýndiz "DHR" jәne LHR" ókilderimen tútqyn almasu prosesining suretin jariyalady. Mәlimdemede Kiyevke 76 adam berilgeni aitylghan. Ukraina qauipsizdik qyzmetining mәlimetinshe, olardyng 12-si әskeri, qalghandary beybit túrghyndar.
Ukraina bolsa separatisterge 127 adam qaytarghan.
Azattyqtyng ukrain qyzmeti jurnalist Stanislav Aseevting de bosatylghanyn habarlady. Ol separatister baqylaytyn aumaqtaghy túrghyndar tirshiliginen habar taratyp kelgen. Ony 2017 jyly tynshylyq jasady degen aiyppen ústap, 15 jylgha sottaghan.
Kiyevke sonymen birge Ukraina tútastyghyn qoldap, ústalghan belsendiler de qaytaryldy. Olardyng arasynda bloger Oleg Galazuk, Olena Sorokina jәne Viktoriya Voronina da bar.
29 jeltoqsanda bolghan tútqyn almasudy Germaniya, Litva, Resey, Slovakiya, Qúrama Shtattar men Fransiya qúptady.
Azat Europa /Azattyq radiosynyng preziydenti Djeymy Flay 29 qarashada Ukraina preziydentimen jeke kezdesuinde Aseev pen Galazukti bosatugha shaqyrghan.
"Biz Stas pen Olegting bosatylghanyna quanyshtymyz. Olardy qylmys jasaghany ýshin emes, Resey anneksiyasy jayynda shyndyqty ashyq aitqany ýshin syrtqy әlemmen baylanyssyz eki jarym jyl boyy ústap otyrdy", – dedi ol.
Abai.kz
