Särsenbi, 19 Aqpan 2020
Bilik 1304 15 pikir 17 Qañtar, 2020 sağat 14:45

Memleket basşısı Roza Mwqanova men Aqan Bijanovtı qabıldadı

Memleket basşısı «Aqorda» rezidenciyasında jazuşı-dramaturg Roza Mwqanova men Filosofiya, sayasattanu jäne dintanu institutınıñ direktorı Aqan Bijanovtı qabıldadı.

Roza Mwqanova Memleket basşısına Qazaq wlttıq öner universitetiniñ jas mamandardı dayarlau bağıtında atqarıp jatqan jwmıstarı jayında ayttı. Äñgimelesu barısında otandıq dramaturgiya men teatr önerin damıtudıñ özekti mäseleleri talqılandı.

Aqan Bijanov Prezidentke Filosofiya, sayasattanu jäne dintanu institutınıñ jwmısı turalı bayandap, Qazaqstan ğılımınıñ, ideologiyası men mädenietiniñ qazirgi ahualı men damu perspektivaları jönindegi oy-pikirimen bölisti.

Sonımen qatar kezdesu kezinde Äl-Farabidiñ 1150 jäne Abay Qwnanbaywlınıñ 175 jıldıq mereytoyların ötkizuge dayındıq mäseleleri söz boldı.

Qasım-Jomart Toqaev Qazaqstandı äleumettik-sayasi jañğırtu, sonday-aq, öskeleñ wrpaqtıñ boyında wlttıq qwndılıqtardı qalıptastıru barısında Äl-Farabi men Abay Qwnanbaywlınıñ ğılımi jäne ruhani mwraların negizge aludıñ mañızdı ekenin atap ötti.

Abai.kz

15 pikir