Sәrsenbi, 18 Qarasha 2026
Janalyqtar 70 0 pikir 18 Qarasha, 2026 saghat 15:22

Europa jolayryqta túr: Manyzdy 2 tandau…

Suret: korabelov.info saytynan alyndy.

Finlyandiya preziydenti býideydi:

«Biz Europanyng atynan Reseymen kelisim jasaudy tym úzaq uaqyt ózgelerge tapsyryp keldik, men múny jauapsyzdyq dep sanaymyn. Endi bizde ortaq negiz qalyptasty. Europa kóshbasshylary Putinmen tikeley baylanysqa shyghyp, oghan birtútas ústanymymyzdy, kelisken tezisterdi jetkizui tiyis dep esepteymin», — dedi Finlyandiya preziydenti Aleksandr Stubb Financial Times basylymyna bergen súhbatynda.

Sonymen qatar Stubb Mәskeu men Kiyev arasyndaghy túiyqqa tirelgen dialogty qayta jandandyrghany ýshin, sonday-aq bolashaq kelissózderge Europanyng qatysuyn qoldaghany ýshin amerikalyq kelissóz jýrgizushilerding enbegin joghary baghalaytynyn aitty.

Finlyandiya preziydentining aituynsha, qazir Europa eki joldyng airyghynda túr:

1) Ne Shyghys Europa elderining kenestik yqpal etu aimaghyna ótuine әkelgen 1945 jylghy Yalta konferensiyasynyng ssenariyi qaytalanady.

2) Ne Shyghys pen Batys arasyndaghy shiyelenisti bәsendetuge yqpal etken 1975 jylghy Helisinky kelisimderining ruhy ýstemdik qúrady.

Stubbtyng baghalauynsha, Uashiynton qazir qúrlyqty yqpal etu aimaqtaryna bóluge kóbirek beyimdelip otyr, alayda bolashaqta basqa tәsildi tandauy da mýmkin. Ol búl belgisizdik Europanyng Reseymen óz betinshe dialog jýrgizuine kedergi bolmauy tiyis ekenin basa aitty.

Sonday-aq Stubb: «Resey soghysta jeniske jetken joq. Ol óz aldyna jeniske jetip jatqanyna senui mýmkin. Biraq, búl jenis sol jaqta degen sóz emes. Qazir Putin Europamen ózara is-qimyl jasaugha dayyn, degenmen Europanyng ózi múnday kelissózderge dayyndaluda keshigip qaldy», — dedi

Esterinizge sala keteyik: Ótken aida Stubb pen Norvegiya premier-ministri Yonas Gar Stere Putinmen telefon arqyly sóilesken.

Al AQSh-tyng arnayy ókili Jerard Kushner soghystan keyin Ukraina «óz bolashaghyn erkin aiqynday alatyn egemen, qauipsiz әri órkendegen el» bolyp qaluy tiyis ekenin mәlimdedi…

Aq ýiding arnayy ókilining aituynsha, búl maqsatty iske asyruda ýsh negizgi baghyt boyynsha aitarlyqtay ilgerileushilikke qol jetkizilgen:

Ukrainany bolashaq agressiyadan qorghaugha arnalghan senimdi әri naqty qauipsizdik kepildikteri;

Ukrainanyng Europadaghy úzaq merzimdi bolashaghyn bekitetin EO-gha mýshelikke ótu joly;

Ukrainanyng qarjylyq túraqtylyghyn, qalpyna keluin, investisiya tartuyn jәne úzaq merzimdi ekonomikalyq ósimin qoldau maqsatynda europalyq seriktestermen, Dýniyejýzilik bankpen jәne ózge de qúrylymdarmen birlesip әzirlengen soghystan keyingi órkendeuding keshendi jospary.

«Jiyntyghynda búl elementter Ukrainagha Reseymen qalghan kýrdeli mәselelerdi talqylau jәne óz halqy ýshin jarqyn bolashaq qúru ýshin kýsh, qauipsizdik, erkindik pen senimdilik bere alady», — dep payymdaydy Kushner.

Sonymen qatar ol týbi týpkilikti beybit kelisimdi Resey de, Ukraina da maqúldauy tiyis ekenin aitady.

Abai.kz

0 pikir