Särsenbi, 19 Aqpan 2020
46 - söz 1717 5 pikir 20 Qañtar, 2020 sağat 11:27

Abaydıñ 175 jıldığın şın mäninde kimder toylamaq?

Biılğı bastı mereytoy aqınnıñ 175 jıldığı emes ekenin işim sezedi (sezu –bilu häm naqtı fakt emes). Osı jastıñ jartısına kelse de memqazınağa mäñgilik mindäkär bolıp otırğan kisi bar... «Mı govorim Lenin, podrazumevaem — partiya, Mı govorim partiya, podrazumevaem — Lenin» dep Mayakovskiy aytpaqşı, osı is-şaranıñ da wranı osığan sayatınday. Aldına aqındı salıp qoyeeep...

Keşeli beri osı mereytoy (oyşıldıñ) şığınınıñ jalpı kölemi jayındağı aqparat taradı. Üş mlrd! Qala künine odan äldeqayda köp jwmsaladı da negizi... Jä, meyli. Bir sät oylanayıqşı.

Jalpı, Abaydı kim wlıqtamaq? Kimder toylamaq? Salıq pen SES-ten iti şıqqan IP-lar ma? Bitin sığıp, qanın jalap otırğan jalğızbastı analar ma? Qaysı?

Ärine, membyudjetten qarjılandırılatın mekemeler men käsiporındar. Onıñ işinde alda jüretinder: aqparat, bilim-ğılım, mädeniet, işki sayasat salaları. Endi osı atalğandardıñ işinen kimniñ jüregi daualap, is-şara ötkizu üşin joğarı jaqtan aqşa talap ete aladı eken?

Jurnalister bolmaşı qalamaqı üşin köldey maqala jazar, telejurnalister Kültöbeniñ basınan tüsirilgen syujetterin talğajau eter, «Qazaqstan» WA-nan «Qwnanbay», «Abay änderi» körsetiler, Ğılım akademiyasınıñ ğalımdarı birlesip bir-eki monografiya basıp şığarar, joğarı oqu orındarınıñ filologiya fakul'tetterinde ğılımi konferenciya ötkiziler, mektepterdiñ 1-sınıp(!) oquşıları ğılımi joba qorğar, filarmoniya Abay änderinen koncert berer, muzey ekspoziciyasınan jwlıp alınğan jädigerlermen körme wyımdastırılar, teatrlar 70 jıl repertuardan tüspey kele jatqan «Abay» dramasın, operasın qoyar, kitaphanaşılar kitaptarın qwşaqtap konferenciya ötip jatqan jerlerde jürer, Jazuşılar odağında künde müşäyra, Semeyde «oqırmandar» T.Jwrtbaymen kezdeser, Almatıda «oyşıldar» Ğ.Esimmen swhbattasar...

Bılay qarasañ, osı jwmıstardı byudjettik sala qızmetkerleri kün sayın istep jür jäne jalaqıdan böten aqı swramaydı. Jıl soñında osı atalğan jwmıstardı istedik dep auıl audanğa, audan oblısqa, oblıs ministrlikterge esep beredi. Ministrlik bärin jiıp-terip,özi istegendey etip ükimetke bayandaydı. Ükimet Parlament palatalarınıñ Prezident qatısuımen ötetin birlesken otırısında jıldı jabadı. Sonımen bitedi! Al, sizder üş mlrd az deysizder!

Nwrbolat Älmenovtıñ äleumettik jelidegi jazbasınan

Abai.kz

5 pikir