Jwma, 21 Aqpan 2020
46 - söz 3661 9 pikir 24 Qañtar, 2020 sağat 12:28

Qazaqtı qırğan bol'şevikterge de köşe atı berile bere me?

Apıray-a, qwldıq sana boyımızğa äbden meñdep kirgen eken! Mısqaldap, tamşılap ta şıqpay jatır eken.Küni keşe 10 köşeniñ atauın qazaqşalağanımızğa bärimiz börkimizdi aspanğa atıp jatırmız. Şınımdı aytayın, men de quanıp otırmın. Biraq...

"Qala äkiminiñ bir qaulısımen isteletin is emes pe, köşe atauı emes, basqaruşılarımızdıñ qwldıq sanasın özgertu kerek" dep S. Erğali men S. Mwstafa äriptesterim ("Azat" ardagerleri) aytıp tastap edi, jwrtşılıq talap tastadı, qarğıs ta aytıp jatır. Ärine, orısı basım soltüstik qalaları men qazağı basım oñtüstik qalalardı salıstıruğa kelmeydi.

Mısalı, bizde Qızılordada bwl mäsele eşqanday problema bolğan joq. Bizde birden jarıs, bäseke bastaldı. Kim birinşi bolıp atasına, tuısına köşe, mektep atın alıp beredi. Al keşegi birinşi hatşılar men qızıl direktorlarğa eşqanday kedergi bolğan joq. Eñ wzın köşeler men mektepter, auıldar solarğa berildi. Ordeni, medali nemese atağı bolsa boldı, mindetti türde köşe berilui kerek...

Qajımwqan, Momışwlı degender qalanıñ şetterinde qaltarıs, qısqa köşelerde qalıp qoydı. Özgermegen köşe qalmadı, ülgermegenderi jaña köşe bolsa solardı özderi belgilep kezek kütip otır. Olar onısımen qoymay anau-mınau köşelerdi mise twtpaydı, ortalıqtan ülken köşe nemese mektep, auıl atın ber deydi.

Tağı bir erekşelik, bayağı Gerjodtıñ qasında jürgen qazaq orınbasarlarınıñ wrpaqtarı atalarına (Bedebekov, Jankin, Qwltekenov t.s.s.) köşe bergizip jatır.

Mınaday paradoks orın alıp otır: "Qızılqwm" köterilisiniñ basşısı Aqmırza Töswlın tiridey örtep öltirgen NKVD qızmetkeri Übiswltan Ayapovtıñ atına köşe berilip basına taqta qoyıldı. Bwğan ne deysiz? Bwl jäyttar kezinde Qırımbek Köşerbaevqa jetkizildi, jauap bolğan joq.

Sonda qalay, qazaqtı qırğan orıs çekister men bol'şevikter jauızdar da, qazaqtı qırğan qazaq çekister men bol'şevikter batırlar bolğanı ma?

Sağat Jüsiptiñ äleumettik jelidegi jazbasınan

Abai.kz

9 pikir