Beysenbi, 9 Säuir 2020
COVID-19 QAZAQSTANDA. Jwqtırğandar — 764. Jazılğandar — 55. Qaytıs bolğandar — 7
1236 25 pikir 14 Aqpan, 2020 sağat 11:13

Däuren Abaev äleumettik jelidegi Ayswltan Rahattıñ jazbalarına qatıstı pikir bildirdi

QR Aqparat jäne qoğamdıq damu ministri Däuren Abaev äleumettik jelide köptiñ talqısına tüsken Ayswltan Rahattıñ jazbalarına qatıstı pikir bildirdi.

«Bwl mäsele boyınşa ağayınğa aytqım keledi, qazir jalpı bizdiñ qoğamda ğana emes, älem boyınşa ötirik pen şın aqparattı ajıratu – ülken mäsele bolıp twr. Keybir toptar jalğan aqparat taratıp, ülken kompaniyanıñ, jeke adamdardıñ, tipti bütin bir eldiñ abıroyına nwqsan keltirip jürgenin körip jürmiz. Biraq onıñ artında jımısqı oy, payda köru piğılı twradı jäne mwnday mısaldar soñğı uaqıtta bizdiñ elde de köbeyip keledi. Mwnıñ soñı arandap qaluğa äkelui mümkin. Ayswltanğa qatıstı da osını aytqım keledi. Ağayın, bwl - birinşi kezekte onıñ anasınıñ tragediyası», - dedi Däuren Abaev «Aşıq dialog» bağdarlamasında.

Ministr ana üşin balasınan asqan qımbat adamnıñ joqtığın aytıp ötti.

«Aytqım keletin tağı bir mañızdı dünie bar, keybireuler osı oqiğağa Elbasın da aralastırğısı keledi. Şu jasap, eldi dürliktiruge tırısadı. Biraq halıqtıñ bağına tuğan jaqsımızdı qañqu sözge qalay qiyamız? Öziñiz oylañızşı, ekonomikası qwldırağan, öndirisi toqtağan eldi 30 jılda qazirgidey deñgeyge köteru – kimniñ qolınan keledi. Qazaq qaşan da eli üşin erlerdi bağalağan, töbesine kötergen, abıroyın saqtağan. Babalarımız aytqanday «betege ketse bel qalar, berekeñ ketse neñ qalar?» Ağayın, sondıqtan berekemizdi bağalayıq. Jel sözge erip, jaqsı isti joqqa şığarmayıq», - dedi Däuren Abaev.

Abai.kz

25 pikir