بەيسەنبى, 9 ءساۋىر 2020
COVID-19 قازاقستاندا. جۇقتىرعاندار — 764. جازىلعاندار — 55. قايتىس بولعاندار — 7
1237 25 پىكىر 14 اقپان, 2020 ساعات 11:13

داۋرەن اباەۆ الەۋمەتتىك جەلىدەگى ايسۇلتان راحاتتىڭ جازبالارىنا قاتىستى پىكىر ءبىلدىردى

قر اقپارات جانە قوعامدىق دامۋ ءمينيسترى داۋرەن اباەۆ الەۋمەتتىك جەلىدە كوپتىڭ تالقىسىنا تۇسكەن ايسۇلتان راحاتتىڭ جازبالارىنا قاتىستى پىكىر ءبىلدىردى.

«بۇل ماسەلە بويىنشا اعايىنعا ايتقىم كەلەدى، قازىر جالپى ءبىزدىڭ قوعامدا عانا ەمەس، الەم بويىنشا وتىرىك پەن شىن اقپاراتتى اجىراتۋ – ۇلكەن ماسەلە بولىپ تۇر. كەيبىر توپتار جالعان اقپارات تاراتىپ، ۇلكەن كومپانيانىڭ، جەكە ادامداردىڭ، ءتىپتى ءبۇتىن ءبىر ەلدىڭ ابىرويىنا نۇقسان كەلتىرىپ جۇرگەنىن كورىپ ءجۇرمىز. بىراق ونىڭ ارتىندا جىمىسقى وي، پايدا كورۋ پيعىلى تۇرادى جانە مۇنداي مىسالدار سوڭعى ۋاقىتتا ءبىزدىڭ ەلدە دە كوبەيىپ كەلەدى. مۇنىڭ سوڭى ارانداپ قالۋعا اكەلۋى مۇمكىن. ايسۇلتانعا قاتىستى دا وسىنى ايتقىم كەلەدى. اعايىن، بۇل - ءبىرىنشى كەزەكتە ونىڭ اناسىنىڭ تراگەدياسى»، - دەدى داۋرەن اباەۆ «اشىق ديالوگ» باعدارلاماسىندا.

مينيستر انا ءۇشىن بالاسىنان اسقان قىمبات ادامنىڭ جوقتىعىن ايتىپ ءوتتى.

«ايتقىم كەلەتىن تاعى ءبىر ماڭىزدى دۇنيە بار، كەيبىرەۋلەر وسى وقيعاعا ەلباسىن دا ارالاستىرعىسى كەلەدى. شۋ جاساپ، ەلدى دۇرلىكتىرۋگە تىرىسادى. بىراق حالىقتىڭ باعىنا تۋعان جاقسىمىزدى قاڭقۋ سوزگە قالاي قيامىز؟ ءوزىڭىز ويلاڭىزشى، ەكونوميكاسى قۇلدىراعان، ءوندىرىسى توقتاعان ەلدى 30 جىلدا قازىرگىدەي دەڭگەيگە كوتەرۋ – كىمنىڭ قولىنان كەلەدى. قازاق قاشان دا ەلى ءۇشىن ەرلەردى باعالاعان، توبەسىنە كوتەرگەن، ابىرويىن ساقتاعان. بابالارىمىز ايتقانداي «بەتەگە كەتسە بەل قالار، بەرەكەڭ كەتسە نەڭ قالار؟» اعايىن، سوندىقتان بەرەكەمىزدى باعالايىق. جەل سوزگە ەرىپ، جاقسى ءىستى جوققا شىعارمايىق»، - دەدى داۋرەن اباەۆ.

Abai.kz

25 پىكىر