Düysenbi, 6 Säuir 2020
COVID-19 QAZAQSTANDA. Jwqtırğandar — 629. Jazılğandar — 45. Qaytıs bolğandar — 6
Teriske şığaru 1555 1 pikir 17 Aqpan, 2020 sağat 11:12

«Aslan Şayqıwlınıñ maqalasındağı aqparattar şındıqqa säykes kelmeydi»

Teriske şığaru

«Abai.kz» aqparattıq portalında 2020 jıldıñ 5 aqpanında Aslan Şayqıwlınıñ atınan jariyalanğan «Ekibastwzdıñ bilim salasın oblıs äkimi öz baqılauına alsın!» attı basılımında aqiqatqa janaspaytın, sonday-aq meniñ ar-namısım, qadir-qasietim men iskerlik bedelime nwqsan keltiretin aqparattı QR «Bwqaralıq aqparat qwraldarı turalı» Zañınıñ 19-babı, sonday-aq, QR QK 130-babına säykes teriske şığarudı jäne tömendegi aqparattı jariyalauıñızdı swraymın:

2020 jılğı 5 aqpanda jariyalanğan Ekibastwzdıñ bilim salasın oblıs äkimi öz baqılauına alsın!" attı Aslan Şayqıwlı atınan jariyalanğan maqalada Ekibastwz qalası bilim böliminiñ, sonday-aq, onıñ basşısı J.A.Hamzabaevanıñ qızmeti, ar-namısı men qadir-qasietine, iskerlik bedeline nwqsan keltiretin jalğan aqparat bayandalğan.

Atap aytqanda, Ekibastwz qalasınıñ bilim böliminiñ №33 mektepte bolğan oqiğağa qatıstı eşqanday şara qoldanbadı deui dwrıs emes. Bilim bölimi öz qwzıreti şeginde 3-sınıp oquşısımen bolğan jağdayğa birden jauap berdi. 

İs qalalıq kämeletke tolmağandardıñ isteri jönindegi komissiyanıñ otırısında qaraldı. Qızmettik mindetterine jauapsızdıqpen qarağanı üşin mektep direktorı qızmetinen bosatıldı, jasöspirimderdiñ zañsız äreketteri üşin oqu isiniñ meñgeruşisi, sınıp jetekşisi jäne äleumettik pedagog tirtiptik jazağa tartıldı. İs Ekibastwz qalasınıñ policiya bölimine tapsırıldı, qazirgi uaqıtta öndiriste. Jauaptı organdar jasöspirimderdiñ ata-anaların qatıstı äkimşilik qwqıq bwzuşılıq turalı Kodekstiñ 127-babınıñ 3-böligi boyınşa (kämeletke tolmağan balanı tärbieleu nemese bilim beru boyınşa  mindetterdi tiisinşe orındamağanı üşin) äkimşilik jauapkerşilikke tartu şaraların qoldanadı. 

2019 jıldıñ qazan ayında memlekettik auditpen anıqtalğan bilim bölimi tarapınan bwzuşılıqtar turalı jariyalanğan aqparat däleldenbegen jäne J.A.Hamzabaevanıñ ar-namısına, qadir-qasietine jäne äskerlik bedeline nwqsan keltiredi. 

Bwl audit 2018 jıldıñ qañtarınan 2019 jıldıñ şildesine deyin aralıqtı qamtıdı. Hamzabaeva J.A.2018 jıldıñ qaraşa ayınan bilim böliminiñ basşısı bolıp tağayındalğandıqtan, qarjılıq qwjattarğa qol qoyu qwqığı 2018 jıldıñ qaraşa ayınan ğana berildi. 

Sonday-aq, bügingi tañda J.A.Hamzabaeva lauazımına kiriskennen bastap tekseru komissiyasıanıqtağan barlıq eskertuler joyıldı. Atap aytqanda, bölim erejesinde ortalıqtandırılğan buhgalteriya turalı mälimetterdiñ bolmauı turalı eskertu bölim erejesine özgerister men tolıqtırular engizu jolımen joyıldı. (Ekibastwz qalası äkimdiginiñ 2019 jılğı 15 qazandağı №955/10 qaulısı). 

Odan äri jürgizilgen esepteuler negizinde ortalıqtandırılğan buhgalterlik esep qwrılımı men qızmetine özgeris engizildi. Sonday-aq, 464003011 "jalpı bilim beru" byudjettik bağdarlaması boyınşa byudjetke 130 700,00 mıñ teñge köleminde aqşalay qarajat qaytarıldı (artıq eseptelgen qarajat). 

Bügingi küni audittik tekseru qorıtındısı boyınşa barlıq eskertuler joyıldı, basşı J.A.Hamzabaeva lauazımına tağayındalğanğa deyin jwmısta kemşilikterge jol bergen jauaptı twlğalar tärtiptik jauapkerşilikke tartıldı. 

Odan äri cifrlandıru ayasında öñirdiñ bilim beru jüyesine bwlttı buhgalteriya engizilude, bwl özgeris kadrlıq esep pen buhgalterlik esepti qamtidı, sondıqtan qarjılıq bwzuşılıqtardı boldırmau maqsatın közdeydi. 

basılım avtorı №1 balabaqşa meñgeruşisi T.V.Şmidttiñ marapatın tabıstau turalı körsetken fakt şındıqqa janaspaydı. 

T.V.Şmidt kandidaturası bölimniñ kadrlıq qızmetimen marapattauğa wsınıldı jäne qalanıñ pedegogikalıq qızmetkerleri käsipodağınıñ törayımı A.S.Rahimjanovamen kelisildi. Tat'yana Viktorovna Şmidt "Romaşka"№1 böbekjay-baqşası" damu ortalığınıñ basşısı retinde aymaqtıñ mektepke deyingi bilim beru salasın damıtuğa qosqan eleuli ülesi jäne joğarı körsetkişteri üşin marapattauğa wsınıldı. 

Balabaqşa men onıñ tärbielenuşileri turalı halıqaralıq jäne respublikalıq deñgeydegi konkurstar men olimpiadalardağı köptegen jetistikterin birneşe ret qala, oblıs jäne respublika köleminde bwqaralıq aqparat qwraldarına jazdı. 

Maqala avtorı J.A.Hamzabaevanıñ atına sms-habarlamalardı jiberu mäselesi boyınşa narazılığı dwrıs emes jäne negizsiz bolıp tabıladı. 

Aslan Şayqıwlı N.V.Nefedovanıñ qalalıq mäslihattıñ otırısında sms-habarlamaların taratuın körsetedi. Birinşiden, Aslan Şayqıwlı attı adam qalalıq mäslihattıñ otırısına qatısqan joq, sondıqtan, aqparattı bilui mümkin emes. Ekinşiden, atalğan fakti boyınşa mäslihat sessiyalarında şeşimderdiñ tärtibi men ob'ektivtiligi üşin jauapkerşilikti J.A.Hamzabaeva emes, qalalıq mäslihattıñ hatşısı B.Q.Qwspekov jauap beretindigine nazar audaru qajet.

№28 mekteptegi jağayğa kelsek, bilim bölimi jäne onıñ basşısı J.A.Hamzabaeva tarapınan eşqanday zañ bwzuşılıq bolğan joq. Sonday-aq, mektep tälimgeri Farida Toylıbaydıñ arızı boyınşa qızmettik tekseristi J.A.Hamzabaeva käsipodaq wyımınıñ törayımı A.Rahimjanovamen birge jürgizdi. Şağımda körsetilgen derek rastalğandıqtan, №28 orta mekteptiñ direktorı Kenjebaeva A.K. jwmıstan bosatıldı. Mektep qızmetkerlerimen kezdesu kezinde aqşa jinau faktiler aytılğan joq jäne bwrın aqşa jinau turalı şağımmekteppedagogtarı tarapınan bilim bölimine tüspegeni anaqtaldı. 

J.A.Hamzabaevanıñ ötinimi boyınşa Sıbaylas jemqorlıqqa qarsı is-qimıl Wlttıq Byurosınıñ Ekibastwz qalası boyınşa departamentine osı fakti boyınşa hat joldandı.

Basılımda körsetilgen barlıq basqa mälemetter Ekibastwz qalası bilim böliminiñ qızmeti jäne onıñ basşısı J.A.Hamzabaevağa qatıstı emes jäne avtordıñ öz oy-pikiri bolıp tabıladı. 

Basılım avtorı öziniñ negizsiz pikiri men alıp-qaşpa sözderge süyenui negizinde, qoğam arasında Ekibastwz qalasınıñ bilim bölimi men pedagogikalıq qauımdastığınıñ qızmetine teris bağa beruge tırısqanın atap körsetkimiz keledi. 

Ekibastwz öñiriniñ bilim böliminiñ ağımdağı jılı atqarğan jwmısı turalı ob'ektivti derekter bar, atqarılğan jwmısqa tiisti joğarı bağa da berildi. 

Sonıñ birneşeuin mısalğa atap ötuge boladı. 

Jaña oqu jılına deyin altı oqu nısanı kürdeli jöndeuden ötip, barlıq bilim beru mekemelerinde ağımdağı jöndeu jwmıstarı jürgizildi. 

6 mektepke komp'yuterlik jabdıqtar satıp alındı, 3000 bastauış sınıp oquşıları jeke şkaftarmen qamtamasız etildi. Mektepke deyingi wyımdardıñ jelisi jıl sayın keñeyip keledi. 2019 jılı memlekettik tilde oqıtatın 150 orındıq balabaqşa aşıldı, baqşada 43 adam jwmıspen qamtılğan. Mektepke deyingi mekemelerde tärbielenuşiler sanı artıp keledi. Oqu jılınıñ basında öñirdiñ mektepke deyingi mekemelerine 7822 bala qamtıldı. Ötken jılmen salıstırğanda eki jastan üş jasqa deyingi balalardı qamtu 23%-dan (2018 jılı) 37%-ğa deyin arttı. Üş jastağı balalardı mektepke deyingi oqıtumen jäne tärbiemen qamtu 100% qwraydı. Ekibastwzdıñ barlıwq balabaqşalarında özge wlt ökilderi 745 (2018-585) mektepke deyingi balalar oqitın jäne tärbielenetin toptar aşıldı. 

Esepti jılı jañartılğan bilim beru mazmwnı boyınşa kurstıq dayarlıqpen 751 tärbieşi qamtılğan. Balalardı mektepke deyingi bilim beru wyımdarına jäne birinşi sınıpqa qabıldau kezinde teñ qwqıqtar men aşıqtıqtı qamtamasız etu maqsatında öñirde kezekke qoyu memleketitk qızmetter tolıq avtomattandırılğan. 

Mektep tülekteri arasında memlekettik bilim grantın aluşılar sanı josparlı türde ösude. 2019 jılı №26 Ekibastwz mektep-gimnaziyası oblıstağı memleketitk bilim granttarınıñ sanı boyınşa köşbasşı orınğa ie boldı (33 grant). Öñirimizde "Altınb elgi" iegerleriniñ sanı ösude. Ötken jılı öñir mektepterin 662 tülek bitirdi, onıñ 33-i "Altın belgi" iegeri. 

Bölim darındı balalarmen jwmıs jasauda belgili bir tabıstarğa jetti. Ğılımi jarıstardıñ oblıstıq kezeñinde Ekibastwz oquşıları 22 jüldeli orınğa ie boldı, bwl qatısuşılar sanınıñ 70% qwraydı.Bes şağın jinaqtı mektepterde bilim sapasın arttıruğa tirek mektepterdiñ  (resurstıq ortalıqtardıñ) aşıluı ıqpal etti. №21 JOM jäne №22 MG bazasında eki resurstıq ortalıq jwmıs isteydi, olarğa magnitti auıl mektepteri qosılğan. Tirek mektepterdiñ pedagogtarı sessiya kezinde qajet bolğan jağdayda balalar üşin jeke sabaqtar ötkizedi. Bekitilgen mektepterdiñ pedagogtarına ünemi ädistemelik kömek körsetiledi. 

2019 jılı öñir mektepterine 78 jas maman şaqırıldı. Öñirde oqulıqtarmen jäne oqu-ädistemelik qwraldarmen qamtamasız etu körsetkişi 100% qwraydı. Keñ jolaqtı Internetke barlıq mektepter qosılğan. 

Bilim bölimi Teachersoffice" jobasın tabıstı jüzege asıruda. Bügingi küni 28 mektepte mwğalimniñ jwmısına qolaylı jağday jasalğan. "Nwr Otan" partiyasımen birge balalardı europalıq standarttar boyınşa bağdarlamalau dağdılarına üyretu boyınşa 6 tegin IT-sınıptar aşıldıü STEM-oqıtu engizilude. Qazirgi uaqıtta 22 "Ruhani jañğıru" kabineti, 11 "Dombıra" kabineti aşıldı. 

Ekibastwz öñirinde inklyuzivti bilim berumen 1300 bala nemese erekşe bilim beru qajettiligi bar balalardıñ jalpı sanı 85% oqumen qamtılğan. 799 bala jalpı bilim beretin mektepterde oqidı, 501 bala mektepke deyingi mekemelerge baradı. Ekibastwzda ağımdağı jılı psihologiyalıq-pedagogikalıq tüzetu kabinetiniñ aşıluımen erekşe bilim beru qajettiligi bar balalarğa keñes alu jäne tüzetu mäselesi şeşildi. Söyleu kemşilikteriniñ aldın alu jäne tüzetu üşin 29 logopediyalıq punkt aşıldı, oğan 782 bla qatısadı (jalpı orta bilim beretin mektep - 14 407 oquşı, balabaqşalarda - 15 375 bala qamtılğan). 

Aymaqta wyımdastırılğan demalu, sauıqtıru jäne jwmıspen qamtu 1-10 sınıp oquşılarınıñ 17,9 mıñnan astamı (2018 j. - 17855) qamtılğan jäne 100% qwraydı. Aymaq boyınşa üyirmeler men sekciyalar jwmıspen qamtudıñ jalpı qamtılu deñgeyi 100% qwraydı (oblıstıq körsetkiş 98,4%). Äleumettik jetimdik deñgeyin tömendetu jäne jasöspirimder arasındağı qwqıq bwzuşılıqtıñ aldın alu boyınşa jüyeli jwmıstar jürgizilude. "Janwya" otbasılıq qarım-qatınas klubı aşıldı, aymaqtıq sauattılıq mektepteri qwqıqtıq sauattılıq şaraların wyımdastırdı, tolıq emes oblasılarmen jwmıs jasau üşin Äkeler keñesi jwmıs isteydi. 

Bwl bilim böliminiñ soñğı jıldarı qol jetkizgen nätijeleriniñ keybireuleri ğana. Alayda, Aslan Şayqıwlı qol qoyğan «Ekibastwzdıñ bilim salasın oblıs äkimi öz baqılauına alsın!» attı bağalau basılımında bölim jwmısınıñ ob'ektivti körsetkişteriniñ eşqaysısı körsetilmegen. 

Men portal redaktorınan kelesi swraqtarğa jauap beruin swraymın:

1. Osı materialdı jariyalamas bwrın aqparattıq dwrıstığına, mälimettiñ şındıqqa negizdeluine tekserildi me?

2. Nelikten qazaqtıñ wlı filosofı jäne oyşılı Aay Qwnanbaywlınıñ atımen atalğan aqparattıq portal Ekibastwzdıñ bilim bölimi memlekettik mekemesiniñ qızmeti turalı jalğan aqparat taratuğa mümkindik beredi?

«Ekibastwz qalası äkimdiginiñ bilim bölimi» memlekettik mekemesiniñ basşısı J.Hamzabaeva.

Redakciyadan:

2020 jıldıñ 5 aqpanı küni Abai.kz aqparattıq portalında Aslan Şayqıwlınıñ «Ekibastwzdıñ bilim salasın oblıs äkimi öz baqılauına alsın!» attı maqalası jariya boldı. Portalımızdıñ elektrondı poştasına kelip tüsken sol maqalada Ekibastwz qalasındağı bilim salasına qatıstı sıni közqarastağı pikirler men aqparattar aytılğan.

Bügin redakciyamızğa «Ekibastwz qalası äkimdiginiñ bilim bölimi» memlekettik mekemesiniñ basşısı J.Hamzabaevadan teristeu talabı kelip tüsti. Onda Aslan Şayqıwlınıñ maqalasında aytılğan aqparattardıñ şındıqqa janaspaytını aytılğan.

«Abai.kz aqparattıq portalında 2020 jıldıñ 5 aqpanında Aslan Şayqıwlınıñ atınan jariyalanğan «Ekibastwzdıñ bilim salasın oblıs äkimi öz baqılauına alsın!» attı basılımında aqiqatqa janaspaytın, sonday-aq meniñ ar-namısım, qadir-qasietim men iskerlik bedelime nwqsan keltiretin aqparattı QR «Bwqaralıq aqparat qwraldarı turalı» Zañınıñ 19-babı, sonday-aq, QR QK 130-babına säykes teriske şığarudı jäne tömendegi aqparattı jariyalauıñızdı swraymın», dep jazılğan.

QR «Bwqaralıq aqparat qwraldarı turalı» Zañınıñ 2-babı, 1-tarmağında: «Söz, şığarmaşılıq bostandığına, öz közqarastarı men senimderin baspa arqılı jäne özge de nısanda bildiruge, aqparattardı zañda tıyım salınbağan kez kelgen ädispen aluğa jäne taratuğa Qazaqstan Respublikasınıñ Konstituciyasında kepildik beriledi. Cenzurağa tıyım salınadı», dep jazılğan.

Atalğan Zañnıñ 19-babı, 1-tarmağında: «Azamat nemese zañdı twlğa bwqaralıq aqparat qwraldarınan osı bwqaralıq aqparat qwralında taratılğan, şındıqqa säykes kelmeytin jäne ar-namısına, qadir-qasietine jäne iskerlik bedeline nwqsan keltiretin mälimetterdi teriske şığarudı talap etuge qwqılı. Mwnday qwqıqqa azamattıñ nemese zañdı twlğanıñ ökilderi de ie boladı», dep jazılğan.

Abai.kz aqparattıq portalı joğarıda körsetilgen Zañ normaların basşılıqqa ala otırıp jäne «Ekibastwz qalası äkimdiginiñ bilim bölimi» memlekettik mekemesiniñ basşısı J.Hamzabaevadan kelip tüsken teristeu talabı men onda bayandalğan naqtı aqparattarğa süyene otırıp, 2020 jıldıñ 5 aqpanı küni Abai.kz aqparattıq portalında Aslan Şayqıwlınıñ «Ekibastwzdıñ bilim salasın oblıs äkimi öz baqılauına alsın!» attı maqalasındağı aqparattardı teriske şığaradı jäne ekinşi taraptıñ teriske şığaru talabın jariyalaydı.

Eskertu! Talap etuşi taraptıñ resmi hatı qaz-qalpında jariyalandı. Ondağı punktuaciyalıq jäne grammatikalıq qateler talap etuşiniñ tüpnwsqasımen birdey.

Qosımşa: Abai.kz aqparattıq portalı erkin aqparat alañı. Mwnda oy jarıstırıp, pikir almastıruğa ärkim qwqılı. Spikerdiñ pikiri redakciya wstanımın bildirmeydi. Aldağı uaqıtta maqalada esim-soyları atalğan jekelegen azamattar redakciyamızğa jauap beruge nietti bolsa, olardıñ da pikirin beruge äzirmiz. 

Abai.kz

1 pikir