Seysenbi, 31 Naurız 2020
46 - söz 1774 5 pikir 19 Aqpan, 2020 sağat 15:25

"Öz äskeriñnen ayasañ, özgeniñ sarbazın asıraysıñ"

Global Fire Power indeksinde Qazaqstan biıl 63 orınğa tüsipti. Bıltır 54 orında bolatın. Jalpı biz ünemi 53-55 orınldarda jüruşi edik. Biıl kädimgidey birneşe satığa tömendeppiz. Al alğaşqı ondıqtan tüspeytin Türkiya men Germaniya "mıqtılar" qatarına kirmey qalıptı. Türkiya 11, Germaniya 13 orınğa sırğıptı. Ondıqqa Mısır men Braziliya kiripti. Al Özbekstan 52 orında twr eken. Jılına kemi eki ret jasalatın osı reytingte 2019 jıldıñ basında Özbekstan 48 orında edi. Biıl biraz poziciya joğaltqanı bayqaladı.

Al bizdiñ aldımızdı Siriya, Angola, Efiopiya qatarlı onşaqtı memleket orap ketipti. Biıl 50 faktordı esepke ala otırıp jasalğan reytingte ädettegidey jer kölemi, Qarulı küşterdiñ jeke qwramı, rezerv, temir jol jelileri, porttar, äuejaylar, qorğanıs byudjeti, sırtqı qarız, altın-valyuta rezervi siyaqtı türli derekter eskerilse kerek. Osı indekste Qazaqstannıñ sırtqı qarızı 167 mlrd 500 mln dollar dep körsetilipti. Al qorğanıs byudjetimizdi 4 mlrd dollar dep bağalaptı. Şaması soñğısına armiyanıñ ğana emes, äskeri önerkäsiptiñ, işki ister organdarı men WQK byudjeti qosa eseptelgen şığar. Äri üş jıldıq byudjetti esepteui mümkin. Äytpese bizdiñ eldiñ 2020 jılğa arnalğan qorğanıs byudjeti İİM men WQK-nıñ birikken byudjetine jetpeydi. Al İİM de 33 mıñ Respublikalıq wlan sarbazı men 115-120 mıñğa juıq policiya, qılmıstıq atqaru jüyesi qızmetkerleri bar. WQK qwramında Şekara äskeri bar. Olardıñ naqtı sanın bilmeymin.

Biraq öz basım şamamen 15-20 mıñ boluı mümkin dep bağalaymın. Sonda Qorğanıs ministrliginde şamamen 75-80 mıñnıñ ar jaq, ber jağında jauıngerimiz bar degen söz.

Al Global Fire Power jalpı äskerimizdiñ sanın 132 mıñ dep körsetipti. Al biraz jwrt juırda Qorğanıs ministrligine üş jılda bölinetin byudjetti köp dep şuıldap edi.

"Öz äskeriñnen ayasañ, özgeniñ sarbazın asıraysıñ" degendi kim aytıp edi osı?

Amangeldi Qwrmetwlınıñ äleumettik jelidegi jazbasınan
Abai.kz
5 pikir