Dinmúhamed Qonaevtyng esteliginen:

Jeltoqsannyng on jetisi kýni saghat 11-ge qaray maghan Qazaqstan Kompartiyasy Ortalyq Komiytetining ekinshi hatshysy O.S.Miroshhin telefon soqty. Ortalyq Komiytetke keluimdi ótindi.
— Jayshylyq pa? Men zeynetti demalystamyn ghoy, — dep edim, ol:
— Alangha bir top jastar jinaldy. Olar keshe ótken Ortalyq Komiytetting plenumynyng sheshimin dúrys-búrystyghyn bilgisi keledi. Talaby sol. Jinalghandardyng aldynda sóilep, isting mәn-jayyn týsindirip berseniz dúrys bolar, — dep jauap berdi.
— Jaqsy, — dep jәne mynany súradym. — Kolbin kelise men búghan?

Miroshhin telefon tútqasyn Kolbinge berdi. Ol Ortalyq Komiytetke kelip, jastar aldynda sóileuimdi ótindi. Men kelisimimdi berdim. Taban astynan jinalyp, aitqan jerge bardym. Birinshi hatshynyng kabiynetine kirsem, Buro mýsheleri týgel jinalyp, alangha jinalghandargha ne isteu kerektigin aqyldasyp otyr eken. Kolbin eki adamgha: Nazarbaev pen Kamaliydenovke — jastar aldynda sóileudi úsyndy. Maghan siz bylay etseniz qaytedi degen tapsyrma bolmady. Kolbinning kabiynetinde baqanday eki saghat, tipti, odan da asyq uaqyt tapjylmay otyrdym. Basyn asha keteyin, mening sóz sóileuim turaly әngime kóterilgen joq. Sosyn Kolbin Mәskeumen baylanysyp, әldekimmen sóilese bastady. Ángimesine kedergi bolmayyq dep, Miroshhinnen basqamyz syrtqa shyghyp kettik. Aragha az-kem uaqyt salyp, Kolbin barlyq buro mýshelerin jinap, olargha qosyp meni de shaqyrdy. Kirgen boyda ol maghan:
— Siz bossyz, dem ala beriniz. Biz ózimiz-aq tiyisti shara qoldanyp, tәrtipke keltiremiz, — dedi.

Men shyghar aldynda Miroshhinnen:
— Ne ýshin shaqyrtty, nege sóiletpedinizder? — dep súradym.

Ol bylay dep jauap berdi:
— Aqyldasa kelip, sizge alangha shyghyp sóileuinizding qajeti bola qoymas dep sheshtik.

1987 jyly mausym aiynda Mәskeude ótken KOKP Ortalyq Komiytetining plenumynda maghan alangha shyghyp, sóz sóileuge rúqsat etpegenin Miroshhin taghy da rastady.

Áset Aqmoldanyng әleumettik jelidegi paraqshasynan

Abai.kz