Senbi, 6 Mausım 2020
COVID-19 QAZAQSTANDA. Jwqtırğandar — 12312. Jazılğandar — 6903. Qaytıs bolğandar — 52
Ekonomika 948 0 pikir 20 Naurız, 2020 sağat 22:36

ERG koronaviruspen küres respublikalıq qorına 4,5 milliard teñge böledi

Jahandıq koronavirus pandemiyası kezeñinde el ekonomikasın twraqtıru qamında Prezident pen Qazaqstan ükimeti qolğa alğan şaralar keşenin demeuge bağıttalğan bwl bastamanı naqtı qoldau retinde ERG qor qwruğa 4,5 mlrd teñge bölip otır.

Euraziyalıq Toptıñ mıñdağan eñbek wjımı Qazaqstan Respublikasınıñ Twñğış Prezidenti, Wlt köşbasşısı Nwrswltan Nazarbaevtıñ halıqqa ündeuin jılı qabıldadı.

Barşa qazaqstandıqtar qatarında bizdi de älemdegi soñğı oqiğalar qattı alañdap otır. Sebebi, kesel bizdiñ ortaq üyimizdi de aynalıp ötpedi. Alayda, osınday sın sağatta qiındıqtı qalay eñseretinimiz äri bwdan arğı tarihımızdıñ qalay örilmegi tek bizdiñ özimizge baylanıstı ekenin de jete tüsinemiz. Osı qısıltayañ şaqta Elbasınıñ qoldauı men onıñ halıqqa degen kämil senimi bolaşaqqa zor ümit pen erekşe wmtılıs sıylap otır.

ERG qızmetkerleri men basşılığı eldi qoldauğa arnalğan respublikalıq qor qwru bastamasın qoldadı. Biz ortaq qatermen küreste jwdırıqtay jwmılıp, küş biriktiru jaylı der kezinde joldanğan ündeui men bastaması üşin Nwrswltan Äbişwlına alğıs aytamız. Ötkendi saralar bolsaq, ıntımaq, birlik pen kelisim ärdayım Qazaqstan halqınıñ kez kelgen qaterlerdi eñserip, damuına nıq irgetas bolıp keldi.

Biz bwl qadam Qazaqstannıñ barlıq käsipkerlerine ülgi bolıp, eldiñ keleşegine jauapkerşilikti sezu mädenietin qalıptastırudıñ bastauı boladı degen ümittemiz. Öytkeni, bizdiñ qoğamnıñ äleumettik salasına qosılğan ärbir üles käsipkerdiñ tek qayırımdılıq missiyası men mindeti ğana emes, keleşekte biznestiñ ornıqtı damuına qwyılıp jatqan berik irgetas.

Wlt köşbasşı öz ündeuinde «osınday qiın sätterde eş uaqıtta şette qalıp körmegen otandıq käsipkerler qor qwruda da qolğabıs eter» degen senim bildirgen bolatın. ERG-diñ 25 jıldıq şejiresi Täuelsiz Qazaqstan tarihımen qatar örilgen. Jas memleket pen Toptıñ nığayuı men örleui, halqımız ben qızmetkerlerimizdiñ ortaq tağdırın bir-birinen bölip qarau mümkin emes. Sol sebepti, osınday kürdeli twstarda elge, bizdiñ «tuğan jerge» qoldau körsetuimiz halıq aldındağı qalıptı jauapkerşiligimizdiñ bir körinisi ğana.

Qazirgi tañda älemdik qater aldında bärimiz – peşte jalındı auızdıqtağan balqıtuşı, jer astında el igiligine eñbek etip jatqan kenşi, wñğılauşı, maşinst, energetik, geologtar men tıñ tehnologiya äzirleuşiler, top-menedjerler men qarapayım eñbek adamdarı bärimiz tügel birdeymiz. Alayda, quattı kompaniya men alıp el küş biriktirsek, bwl qaterdi de eñsere alamız. Elde tötenşe jağday jariyalanğanına qaramastan, biz barlıq öndiristiñ üzilissiz, twraqtı jwmıs istep twruın qamtamasız etip otırmız. Bizdiñ şahtalar men kenişterde erteñ maşinalar men wşaq öndiruge qajetti paydalı qazbalar öndirilip jatır. Zauıttar erteñ adam ömirin ajaldan araşalap alıp qalar skal'pelder öndiriletin metaldı balqıtıp jatır. Bizdiñ stanciyalar eñ mañızdı nısandar – baspanalar men auruhanalardı jılu, jarıqpen üzdiksiz qamtamasız etu üşin damılsız sekund sayın quat öndirip twr. Biz bolaşaqqa nıq senimmen qadam basıp, mıñdağan otandasımızdı eñbekpen qamtıp, salıq töleudi jalğastıra beremiz.

Bwl künderi ärbir euraziyalıq öziniñ el ğana emes, öziniñ jäne et jaqındarınıñ aldındağı jauapkerşiligin jete tüsinedi. ERG-diñ barlıq käsiporındarında küşeytilgen qauipsizdik tärtibi engizildi. Karantin jariyalanğan soñ, Nwr-Swltan men Almatı qalalarındağı qızmetkerler tügel, Aqtöbedegi mamandardıñ bir böligi qaşıqtan jwmıs isteuge köşirildi.

Elbası ündeuinde aytqanday, bizdiñ el öz tarihında talay qaterli kezeñderdi ıntımaqpen eñserip, Otan qamı üşin erinbey eñbek etip keldi. Keşegi ötken kezeñderge köz jügirtseñiz, toqırau kezeñinen de ötip, twralap qalğan eldi qalpına keltirip, jaña öndiris aşıp, zauıttarımızdı qalpına keltirdik. Osı orayda, är sınaq bizdi tek şınıqtıra tüserin, damudıñ jaña satısına jeteleytinin tereñ tüsinemiz.

Älemdegi qazirgi ahual qazaqstandıqtardı keleşekte özara jauapkerşilikke negizdelgen qoğamdıq sananıñ jaña deyine jetelerine sendimiz. Köşbasşınıñ sındarlı sözderi men köregen bastamaları kezekti ret bizdi güldenu men jaña mümkindikter jolına bastağalı twr!

0 pikir