Jwma, 29 Mamır 2020
COVID-19 QAZAQSTANDA. Jwqtırğandar — 9576. Jazılğandar — 4900. Qaytıs bolğandar — 37
1631 1 pikir 22 Naurız, 2020 sağat 14:43

Kommunaldıq qızmet aqısın töleu jıl soñına deyin wzartıldı

Tötenşe jağday saldarınan kommunaldıq qızmet aqısın töley almay otırğan Almatı twrğındarına borıştarın jıl soñına deyin öteuge mümkindik berildi. Mwnday mümkindik koronavirus indetine baylanıstı jariyalanğan karantinge oray kommunaldıq qızmetterdi uaqıtında töleuge mümkindigi joq qala twrğındarına beriledi.

Bügingi künnen bastap karantindik jağdayğa baylanıstı qiın materialdıq jağdayğa tap bolğan twtınuşı telefon arqılı nemese elektrondıq sayttar arqılı qızmet körsetuşiniñ esep ayırısu bölimine habarlasıp, jıldıñ naurız jäne säuir ayları üşin tölemderdiñ merzimin wzarta aladı.

Tölemder boyınşa keyinge qaldıru tek jeke twlğalarğa sumen jabdıqtau jäne käriz jüyesi üşin («Almatı Su» MKK), jılıtu jäne ıstıq sumen jabdıqtau («Almatı jılu jelileri» JŞS), elektr energiyası («Almatıenergosbıt» JŞS), gazben jabdıqtau («QazTransGaz Aymaq» AQ Almatı öndiristik filialı), telefon baylanısı («Almatıtelekom» ATD) qızmetteri boyınşa beriledi.

Ayta keteyik, karantin kezinde kommunaldıq qızmetterge qarızı bar twrğındardı elektr jarığınan, sudan, jılu men gazdan jäne telefon baylanısınan ajıratu josparlanıp otırğan joq.

Sonday-aq jeke twlğalar kommunaldıq qızmet aqısın uaqıtılı tölemegeni üşin ayıppwldar salınbaydı.

Abai.kz

1 pikir