1969 jyly Enbek jolymdy 10 synypta oqyp jýrip (Otyrar), dezinfektorlyqtan bastadym. Myng bolghyr kórshimiz, audandyq dezinfeksiya bólimining basshysy Mamyrhan Ybyraev, jesir ana, jetim balalardyng jaghdayyn eskerip, Qazaq SSR-ning Enbek turaly zanyn jiyp qoyyp, júmysqa shaqyrdy.Jatqan jeri jay bolsyn, qayyrymdy adamnyn! Oqudan tys uaqytta sovhoz-sovhoz, auyl-auyldy aralap, tipti audandyq auruhananyng ózin hlorofospen, dymovaya shashkamen úrghylap jatar edim. Ol jyldary saryauru tipti jantýrshigerlik jaman bolatyn. Saryaurudan karantin jariyalanatyn. Arnayy kiyim kiyip, dәri-dәrmek arqalap, aurumen arpalysyp jýrip buynym qatyp edi. Ol jyldary dezinfeksiya bólimining arnayy u shashatyn mashinasy bolatyn. Kýshti tehnikamen qarulanatyn edik.

Koronavirus keldi. Elge onay bolyp jatqan joq. Jeke-jeke day bolyp, dýnie quyp ketken (onymen jetken eshkim joq) qazaqtyng basy myna súmdyq tәj tajal túsynda da birikpey it rәsuasy shyghyp otyr. Sayasy kýres bir jaghymyzda. Ekonomikalyq krizis jaghany jyrtyp ol әketip barady. Darqan qazaq eli dep jýrgen halqymyz toy jasap daraqylyq tanytuda. Shyryldap jýrgen dәrigerler! Rahmet olargha! Gippokrat antyna adaldyq tanytuda!
Astana, Almaty diyzenfeksiyalanuda. Basqa ónir tym-tyrys. Kýnde qadaghalaymyn. Aytuly eki qalanyng ózin diyzenfeksiyalau kónilimnen shyqpaydy. Álsiz. Tym әlsiz. Jayau jalpy jýrip, balanyng kishi dәretindey syzdyqtatyp, hlarofos shashu qútqarmaydy bizdi. Ózge ónirde ol da joq. Jym-jyrt! Osy ulau meni qanaghattandyrmaydy.

Qaruly tehnika nege júmyldyrylmaydy? Týsinemin. Keshegi jekeshelenude salanyng alyp mashinalary jekege ketti. Tipti dezotdelding ghimarattary da әldekimderding taqymynda ketti. Býginde dezinfeksiya bólimi - әnsheyin aty ghana. Dәrmensiz! Tajal tanauymyzdyng astyna keldi. Otyra beremiz be qol qusyryp. Ýkimet qayda qarap otyr? Qarjy súranyz. Quatty mashinany kóptep aldyrynyz. Megapolis qalalardan bastap, oblys ortalyqtary, audan-audan týgel dezinfeksiyalanuy kerek!

Qalalarda әrbir podezd, tipti әrbir pәter dezinfeksiyalanuy kerek. Saghan dәrmensizdik tanytugha bolmaydy, Eljan batyr! Koronaviruspen kýresuding bir auyr alghysharty - dezinfeksiyalau! Kirisinizder! Júmyla kirisinizder! Búl - búrynghy dezinfektor, marqúm әkenizben syilastyqta bolghan, jazushy aghannyng halyq atynan ýndeui, senim artuy dep úghyn!

Qúlbek Ergóbek

Abai.kz