Qytay virusynyng (koronavirus) jyldam taraluyna baylanysty Qazaqstan biyligi Reseyden kómek súrapty. Gumanitarlyq kómek. «Sputniknews.kz» saytynyng mәlimetinshe, Qazaqsan biyligi múnday kómekti tek Reseyden ghana emes, basqa da memleketterden súrap, ýshbu hat joldaghan kórinedi.

Qazaqstannyng Syrtqy ister ministrligi: «Biz gumantiralyq kómek turaly ótinishti barlyq elderge joldadyq. Onyng ishinde Resey Federasiyasy da bar», - depti jurnalisterding saualyna.

Al orystyng «Kommersant» gәzetining jazuynsha, týrkimen men ukrainnen basqa TMD-nyng barlyq memleketi Resey biyligine resmy hat joldaghan. Kómek súraghan. Betperde, test jýieleri men ókpeni jasandy jeldetu (IVL) apparattaryn jetkizip berudi ótingen.

Búghan deyin Resey Ýkimeti medisinalyq tauarlardy, sonyng ishinde janaghy betperdeler men basqa da qajetti zattardy shetelge shygharugha bolmaydy degen sheshim qabyldaghan eken. Alayda, ol qújatta ózge elderge gumanitarlyq kómek retinde jiberuge bolady degen joldar bar eken-mys. «Soghan sýienip, әlgi kómek súraghandargha qol úshyn beruge maqúlmyz», degendey kergime sóz jazypty, «Kommersant» .

Ayta keteyik, osyghan deyin, aqpanda, Qazaqstan janaghy Reseyden koronavirusty anyqtaytyn arnayy qúrylghylar alghan. Jalghyz biz emes, TMD-nyng basqa da elderi aldy.

Al janaghy «Kommersant» gәzeti: «Reseyding «Vektor» biotehnologiya jәne virusologiya ortalyghynda jasalghan apparattardy odaqtas elderge qaytarymsyz berdik», dep jazypty.

Odan keyin, AQSh biyligi de Qazaqstangha arnayy úshaq jiberip, gumanitarlyq kómek úsynghan.

Qytay da kómek retinde azdy-kem zat-búiym jetkizgen. Betperdeler, bir retki qoldanugha arnalghan qolghaptar men kózәinekter. Elshilik 20 nauryzda atalghan medisinalyq tauarlardy «SK-Farmasiya» JShS-ge bergenin әleumettik jelide jazyp, sýiinshi súrady.

Al býgin Qytaydan arnayy úshaq Almatygha jetip, qonghany belgili boldy. Qytay tóraghasy Shy Jiping de Qazaqstangha gumanitarlyq kómek jiberipti.

«Búl Qytay Ýkimetining alghashqy gumanitarlyq kómegi. Býgin, testter, qolghaptar, kózәinekter, halattar men basqa da medisinalyq qúraldar keldi.  Alda taghy da osynday kómek keledi dep ýmittenemin», - depti Bas konsuldyng orynbasary Myao Humbo deytin adam.

Týiin. Ras, qazirgidey qysyltayang kezende Qazaqstan biyligi әrkimge alaqan jayypty, dep sóge sóileuge jәne kelmes. Qauipti viruspen betpe-bet kelgendegi Qazaqstan medisinasynyng realdy jaghdayy kórshi-qolannan kómek súraugha mәjbýrleui týsinikti de. Onyng ýstine, múnday kómekti kimder almay jatyr...

Esterinizde bolar, Qytayda virus alghash anyqtalghan kezde, Qazaqstan biyligi Qytaygha kómek jibergen.

1 aqpanda preziydent Toqaev Qytay tóraghasy Shy Jipiyngha hat jazyp, alda-jalda qajettilik bop jatsa, kómektesuge dayyn ekenin jetkizgen. 2 aqpanda  Qazaqstan biyligi Qytaygha 13,6 tonna medisinalyq zattar jibergeni belgili boldy. Al 3 aqpanda Qytaydyng Syrtqy ister ministri alghys aityp, aghynan jarylghan.

Taqyrypqa túzdyq retinde aita keteyik, әlginde ghana aldy preziydentting kenesshisi, arty úsaq-týiek әkim-qaralargha deyin: «Qazaqstan qauipti virusqa aldyn-ala dayyn boldy», dep jarysa jazyp jatqan edi. Áueli, respublikanyng әr ónirinen әlsin-әlsin: «pәlen ónirde tәuligine týglen myng betperde tigedi» degen aqparattar tarap jatty. Tipti, eks-preziydent el-halyqtan kómek súrap, birli-jarym bay-baghlannyng qaltasyndaghy qarjygha qúrylghan «Biz birgemiz» qory keshe ghana 5 million betperdeni tegin taratatynyn aitqan. Tótenshe jaghday kezinde eldegi túraqtylyqty saqtap qalu ýshin qazynadan qyruar qarajat bóletinin, keshe preziydent Toqaev mәlimdedi. Búnyng bәri bile jýrsin degen aqparat...

Aytpaghymyz, әtigór bolghan әlgi gumanitarlyq kómek endi Qazaqstannyng óz dәrigerlerine, óz halqyna kerek bolyp, kisi kómegine jýginuge tura keldi.

Abai.kz