Särsenbi, 3 Mausım 2020
COVID-19 QAZAQSTANDA. Jwqtırğandar — 11571. Jazılğandar — 5941. Qaytıs bolğandar — 44
Pikir 576 2 pikir 6 Säuir, 2020 sağat 18:01

Memlekettik qoldau biznestiñ jauapkerşiligimen bekemdelgeni mañızdı

31 naurız küni prezident Q.Toqaev azamattarımızben qosa bizneske de aytarlıqtay auqımdı qoldau körsetiletinin jetkizdi.

Käsipkerlik – kez-kelgen ekonomikanıñ tiregi. Tötenşe jağday kezinde sın-qaterlermen betpe-bet kelip otırğan şağın jäne orta biznesti qoldauğa basımdıq beru – mañızdı şeşim.

Prezident mälimdemesinen bizneske qoldau bir mezgilde birneşe bağıt boyınşa jüzege asatının bayqaymız.

Äueli, salıqtan bosatu şaraları. Şağın jäne orta biznes ökilderi altı ayğa eñbekaqı töleu qorınan wstalatın salıqtan bosatıldı. Bwl qatarğa qalıptasqan jağdaydan eñ köp zardap şekken sektorlar: sauda, kölik qızmeti, qonaqüy, turizm jäne basqa da salalar kiredi. Twtastay alğanda, şağın, orta biznesiñ salıqtıñ barlıq türi boyınşa tölem jasauı üş ayğa şegerildi.

Tötenşe jağday kezinde keybir otandıq öndiruşiler üşin jaña mümkindikterge jol aşılıp otırğanın da aytqan jön. Sebebi, Memleket basşısı jergilikti önimdi satıp aluğa basımdıq berudi tapsırdı. Bwl maqsatta äkimdikter jergilikti käsiporındardıñ önimin kem degende 6 ay boyı kepildi satıp alu tärtibin jolğa qoyuı şart. Sonday-aq, alınğan önimniñ düken sörelerine tauar türinde jetu procesin jolğa qoyu, jeñildetilgen kredit beru mäselesin şeşu tapsırıldı. Memleket basşısınıñ eksporttıq tauar öndiruge bağıttalğan önerkäsipterge de qoldau körsetu turalı şeşimi strategiyalıq twrğıdan aldağı uaqıtta da öz mañızın joymaydı. Al, biznes bolsa, öz tarapınan, öndiris kölemin qamtamasız etuge, bağanı twraqtandıruğa, jwmıspen qamtu deñgeyin saqtauğa mindetti bolmaq.

Älemdi jaylağan koronavirus indeti birlesken, kelisilgen äreketti talap etetinin körsetip otır. Bwl biznes üşin de ortaq qağida boluı şart. Sol sebepti, memlekettik qoldau biznestiñ jauapkerşiligimen bekemdelgeni mañızdı.

Jaswlanbek Maylıbay,

QR Prezidenti janındağı QSZI

Äleumettik-ekonomikalıq zertteuler böliminiñ

jetekşi sarapşısı.

Abai.kz

2 pikir