Särsenbi, 3 Mausım 2020
COVID-19 QAZAQSTANDA. Jwqtırğandar — 11571. Jazılğandar — 5941. Qaytıs bolğandar — 44
589 1 pikir 7 Säuir, 2020 sağat 15:26

Eriktiler «Asıl Arman» twrğın üy keşenin qorğauğa jiberildi

Almatı oblısında arnayı eriktiler tobı oqşaulanğan «Asıl Arman» twrğın üy keşenin qorğauğa jiberildi. 

Oblıs äkiminiñ baspasöz qızmeti seriktestikte 78 adam bolğanın habarladı. Özgeris künine eki ret - sağat 08.00-de jäne 20.00-de jasaladı.

Eriktiler mwnda arnayı avtobuspen jetkiziledi.

«Qarasay audanı bas sanitarlıq därigeriniñ bwyrığına säykes, atalğan twrğın üy keşenindegi karantin osı jıldıñ 1 säuirinen 14 säuirine deyin boladı. Osı uaqıt işinde äskeri qızmetşiler qwqıq qorğau organdarınıñ qızmetkerlerimen birge baqılau-ötkizu punktinde jäne twrğın üy keşeninde qızmet etedi.Men adamdardıñ şıdamdılıqpen jäne tüsinistikpen qarağanın qalaymın. Öytkeni bwl - öz qauipsizdigin qamtamasız etu, koronavirustıñ odan äri taraluın boldırmau üşin jasaladı», - delingen habarlamada.

Eske salayıq, «Asıl Arman» twrğın üy keşeninde şamamen 20 mıñ adam karantinge jiberilgen. Twrğın üy keşenine 21 üy kiredi - 72 kireberis jäne 5 mıñnan astam päter. Twrğındardıñ aytuınşa, bwl jerde twratındardıñ 95 payızğa juığı Almatıda jwmıs isteydi.

Mwnda alğaş ret jükti qızdıñ koronavirus jwqtırğanı anıqtalğan bolatın. Keyinirek COVID-19 pandemiyasın onıñ 61-jastağı körşisi jwqtırğanı belgili boldı.

Al, bwğan deyin prezident Qasım-Jomart Toqaev äskeri mindettilerdi arnaulı jiındarğa şaqıru turalı Jarlıqqa qol qoyğan edi.

Abai.kz

1 pikir