Düysenbi, 1 Mausım 2020
COVID-19 QAZAQSTANDA. Jwqtırğandar — 11308. Jazılğandar — 5404. Qaytıs bolğandar — 41
Bilik 1344 4 pikir 4 Mamır, 2020 sağat 12:43

Däuren Abaev qızmet auıstırdı

QR Prezidentiniñ jarlığımen Aqparat jäne qoğamdıq damu ministri Däuren Abaev qızmetinen bosatıldı.

«Memleket Basşısınıñ Jarlığımen Däuren Äskerbekwlı Abaev basqa jwmısqa auısuına baylanıstı Qazaqstan Respublikasınıñ Aqparat jäne qoğamdıq damu ministri qızmetinen bosatıldı»,- delingen Aqorda saytında.

Däuren Äskerbekwlı Qazaqstan Respublikası Prezidentiniñ Äkimşiligi Basşısınıñ birinşi orınbasarı bolıp tağayındaldı. Bwl turalı Jarlıq Aqorda saytında jariyalandı.

Osığan deyin bwl qızmetti Mäulen Äşimbaev atqarıp kelgen. Al bügin Mäulen Sağathanwlı Senat deputatı bolıp tağayındaldı.

Ayta keteyik, Däuren Abaev 2001 jıldıñ tamızı men 2003 jıldıñ tamızı aralığında Qazaqstan Respublikası Sırtqı ister ministrliginiñ ortalıq apparatında jwmıs istedi.

- 2003 jıldıñ mamırı men 2007 jıldıñ mamırı aralığında Qazaqstan Respublikasınıñ Äzerbayjandağı jäne Niderland Korol'digindegi Elşilikterinde diplomatiyalıq qızmet atqardı.

- 2007 jıldıñ mamırı men 2007 jıldıñ jeltoqsanı aralığında - Qazaqstan Respublikası Sırtqı ister ministrliginiñ Baspasöz qızmeti böliminiñ bastığı.

- 2007 jıldıñ jeltoqsanı men 2008 jıldıñ jeltoqsanı aralığında – Qazaqstan Respublikası Prezidenti Protokolınıñ bas sarapşısı, konsul'tantı.

- 2008 jıldıñ jeltoqsanı men 2009 jıldıñ qazanı aralığında - Qazaqstan Respublikası Prezidenti Baspasöz hatşısınıñ orınbasarı.

- 2009 jıldıñ qazanınan - Qazaqstan Respublikası Prezidenti Äkimşiliginiñ Memlekettik baqılau jäne aumaqtıq-wyımdastıru jwmısı böliminiñ memlekettik inspektorı.

- 2011 jıldıñ qazanında Memleket basşısınıñ Ökimimen Qazaqstan Respublikası Prezidentiniñ Baspasöz hatşısı bolıp tağayındaldı.

-  2011 jılğı şildeden - Qazaqstan Respublikası Prezidentiniñ keñesşisi.

-  2016 jılğı 6 mamırdan Qazaqstan Respublikası Aqparat jäne kommunikaciyalar ministri boldı.

Abai.kz

4 pikir