Jwma, 10 Şilde 2020
COVID-19 QAZAQSTANDA. Jwqtırğandar — 53021. Jazılğandar — 31277. Qaytıs bolğandar — 264
Arandatu 2073 12 pikir 3 Mausım, 2020 sağat 12:24

Şerbak isi. 4,5 jıl az ba, köp pe?           

Elimizdiñ soltüstik öñirinde Reseyge qarap emirenip, «körşimiz qaşan kelip, özine qosıp alar eken» dep tün wyqısı törtke bölinip, mazası qaşıp jürgender onşa köp emes desek, özimizdi-özimiz aldağan bolıp şığamız. «Separatizm» degen aurauğa şaldıqqqandar mwnda jetip artıladı. Sırt közge tınış sekildi köringenimen işinde it ölip jatqandarı jeterlik. Al özderin Qazaqstannıñ azamatı emes, Reseydiñ «şın patriotı» sanaytındar mwnday maqsat üşin qolına qaru alıp, qan töguge de dayın. 

Solardıñ biri Qostanaydıñ twrğını Evgeniy Şerbak degen azamat körşimiz özderinşe kölgirsip aytatın, şın mäninide qılmıskerler qatarına jatatın «erikti», orısşa aytqanda ataqtı «dobrovolec». «Orıs älemi» degende jan beruge dayın bwl «batırıñ» bir küni eş oylanbastan Ukrainanıñ özderin «Donbass halıq respublikası» dep ataytın aymaqqa barıp, sondağı Arseniy Pavlov (laqap atı «Motorolla) basqaratın «Sparta» otryadınıñ qwramında sondağı Şirokino jäne Debal'cevo degen eldi mekenderdi «qorğauda» asqan «erlikpen» şayqasadı.

«Qasietti soğıstan» äbden qwmarı qanğan soñ, sol Reseyde qalıp, şat-şadıman ömir sürudi oylaydı. Endeşe, sol eldiñ azamattığın alu kerek ekendigi belgili. Bwl üşin ol «oybay mağan Qazaqstanda tınıştıq bermedi, sayasi quğındadı» degen «ertegini» oylap şığaradı. Kim bilipti, oğan Resey swrağanın bere salar ma edi, eger ol sol soğıstan äbden jüykesi jwqarıp, minezi özgerip, ärkimmen bir jağalasıp, şataq şığarmasa. Onıñ üstine bwl «jaldamalınıñ» asa qauipti qwrt auruına (tuberkulez)  wşırağanı belgili boladı. Özi auru, özi bwzaqı adam kimge kerek, sosın Resey janaşırlıq tanıtqan bolıp, bizge itere saladı.

Mine osıdan keyin «attanğa bergisiz» oybay bastalıp ketedi. Reseydiñ keybir baspasöz qwraldarı «eldi qorğağan asqan batır men şınayı patriottı Qazaqstanğa wstap berip jatır» dep şulay jöneledi. Bir qızığı, onı osı özimizdegiler de ilip ala jöneledi. Qostanaydağı belgili bir portal osınıñ izin suıtpay «Rossiya vıdala «na raspravu» Kazahstanu «dobrovol'ca» voevavşego na Donbasse s «Motorolloy» degen maqalanı sol Donbastağı bir portaldan köşirip basa qoyadı. Ne degen operativtilik pen jedeldik  deseñizşi. Bwl turalı biz öz portalımızda «Bwl ne qılğan «janaşırlıq?» degen maqala da basqanbız. Onda biz mwnday separatistik piğıldı der kezinde äşkerelep, aldın alıp otırmasaq, tübi ökinişke wrınatınımızdı eskertkenbiz. Alayda, ökinişike oray, bwl jan ayqayımızdı eşkim de estimedi. Eşkim de qwlağın ilmedi. Eşkimdi de alañdatpadı.

Bwlay dep ökine söyleumizdiñ özindik sırı bar. Sol Şerbak degendi «Qazaqstanğa qaytarıp berdi» degendi ötkende ayttıq qoy. Mine endi, ötken mamır ayında Qostanay qalalıq sotında oğan ükim şığarıldı. Endi orındıqtı mıqtap wstañız. Qwlap qaluıñız mümkin. Qazaq elin otanım demey, odan qattı qorlıq kördim dep, qolına qaru alıp, şetelge barıp, qanşama adamnıñ qanın moynına jüktegen osı qılmıskerdi (qan tökpese onda nemenege bardı?) nebäri 4,5 jılğa ğana sottadı.

Bwl endi köp pe, az ba , mwnı oqırmandardıñ ülesine qaldırdıq. Bizdiñ aytpağımız, bwl sot procesi turalı respublikalıq deñgeydegi tügili, oblısımızdağı eşbir baspasöz qwraldarı läl-lim dep jaq aşpadı. Olarğa sirä, bwl änşeyin ğana, köñil audaruğa twrmaytın, wsaq-tüyek dünie sekildi. Oblısımızdağı byudjetten qarjılandırılatın eki gazet pen eki birdey teledidardan da bwl jolı eşteñe bilmedik. Olardıñ ne sebepti osınau sirek kezdesetin jäne künde bola bermeytin sot procesin jan-jaqtı taldap, tübegeyli saraptap, Şerbaktıñ qılmısınıñ tüp-tamırın aşıp beretin maqala nemese habar jasauğa ne kedergi? Älde joğarı jaqtan «oybay, mwnı qozğamañdar. Olay isteseñder wlt arazdığın qozdırasıñdar» degen qatañ talap tüsti me eken. Biz mwnı da joqqa şığarmaymız. Öytkeni byudjeten kün körip otırğan baspasözdiñ barlığı da jergilikti bilikke tikeley täueldi. Al jergilikti bilik te key mäselelerde joğarı jaqqa qarap, añdısın añditındığı da ötirik emes. Mäseleniñ mänisin bilmey, bireuge kinä tağudan aulaqpız. Qalay bolğanda da osındağı qalıñ oqırman «erikti» Şerbaktıñ Ukrainağa barıp «neni büldirip» qoyğandığınan müldem habarsız qaldı. Tüptep kelgende, gazetterdi öz aqşasına jazdırıp alatın qalıñ oqırman jan-jaqtı da ob'ektivti aqparat alu qwqığına müldem ayrılıdı desek, artıq aytqandıq bolmas.

Söz soñında reseylikterdiñ «Orıs älemin» keñeytu jolında erekşe eñbek etken Şerbak sekildilerdi janın salıp qorğaudağı jankeştiligine tañ qalasıñ äri tänti bolasıñ. Mäselen, anau-mınau emes, Reseydiñ Memlekettik Dumasınıñ deputatı Sergey Şargunov degen mıqtısı osındağı sot procesin qatañ qadağalap, tikeley atsalısqan körinedi. Onısın ol öziniñ  Facebook jelisinde eşkimnen qısılmay aşıq jazqıptı. «Russkogo çeloveka Jenyu Şerbaka sud goroda Kostanaya (Kustanaya, Nikolaevska…) prigovoril k 4 s polovinoy godam lişeniya svobodı. Napomnyu: paren' poehal opolçencem v Donbass, gde çudom vıjil. Iz Rossii, kotoraya ego pomanila na voynu vsem bleskom i şumom svoih teleekranov, Evgeniya vıdali v Kazahstan. Hotya on umolyal predostavit' emu ubejişe. I uj, koneçno, nikto ne ozabotilsya dal'neyşey sud'boy predannogo. Prişlos' polnost'yu oplatit' advokata. Bıl bı „gosudarstvennıy zaşitnik“, bılo bı huje. Mogli dat' i 9 let. Tak çto daje takomu prigovoru sem'ya rada», - dep, quanışın da jasırmaydı.

Aytpaqşı biz ötkendegi «Bwl ne qılğan «janaşırlıq?» degen maqalamızdı: «Älde «Ündemegen üydey päldeden qwtıladı» degen sayasatpen ömir süru äldeqayda paydalı äri tınış pa eken? Onda memleket müddesin, elimizdiñ twtastığın kim qorğaydı, älgindey arandatuşılıq äreketterge kim toytarıs beredi? Halıq ünsiz, bilik sañırau», - dep ayaqtağanbız. Bizdiñ bwğan qosıp-alarımız joq.

Jaybergen Bolatov

Abai.kz

12 pikir