Júma, 29 Nauryz 2024
Aymaq 18907 4 pikir 17 Mausym, 2020 saghat 16:05

Úighyr audanynyng atauyn auystyru mәselesi taghy kóterildi

Almaty oblysy Úighyr audany Shonjy auylynda túrghyndar arasynda qaqtyghys bolyp, birneshe azamat emhanagha týsti. Osyghan baylanysty Almaty oblysynyng әkimi Amandyq Batalov býgin Shonjy auylyna baryp, auyl túrghyndarymen shúghyl jinalys ótkizdi.

Azattyq ruhy saytynyng habarlauynsha, atalghan tóbelesting shyghuyna jas jigitterding jolgha talasuy sebep bolghan kórinedi. Úighyr audandyq auruhanasyna jaraqatpen týsken jigitterding ekeuine ota jasalghan. Almaty oblysynyng әkimi Amandyq Batalovtyng qatysuymen audan ortalyghynda ótken jinalysqa jergilikti qazaq-úighyr ókilderi qatysqan.

«16 mausymgha qaraghan týni eki kólik Shonjydan kele jatyp, bir-birine jol bermey,  týsinbeushilik tuyndap,  arty tóbeleske úlasqan. Búl – jastar arasyndaghy búzaqylyq. Olardyng bәri 1999-2000 jyly tughan jigitter. Oblys әkimining orynbasary oqigha ornyna birinshi bardy. Izinshe oblys әkimi Amandyq Batalov ta jetti. Dәl qazir audandyq әkimdikte jinalys ótip jatyr. Oghan auyl aqsaqaldary,  el aghalary jәne jastar jinalyp, mәseleni talqygha salyp jatyr. Qos tarapqa múnday jaghdaygha jol bermeu kerek ekeni aytty. Jastardyng arasyna iritki salyp jýrgen ýshinshi toptyng bar ekeni aityldy. Sol boyynsha qúzyrly organdar tiyisti tekseru jýrgizedi», - dedi oblys әkimining baspasóz hatshysy.

Oblys әkimi qatysqan jiynda Úighyr audanynyng atauyn auystyru turaly úsynys taghy da kóterilgen. Jergilikti halyq audangha  jana atau dayyndap ta qoyghan.

«Oblys әkimi  auyl aqsaqaldarynyng da pikirin tyndady. Jasyratyny joq, keybir adamdar audannyng atauyn auystyru mәselesin de aitty. Aytylghan pikirlerding bәri hattamagha toltyrylyp jatyr. Hattama negizinde keyin sharalar qabyldanady. Pyshaqtalghan jigitterding beseui de aman, ómirlerine eshqanday qauip joq,  jaghdaylary túraqty. Eki tarap ta, Úighyr auylynyng aqsaqaldary da búl isting ózderine abyroy әkelmeytinin aitty. Sebebi, olar úzaq jyldan beri birge túryp kele jatyr.

Olar ózderi de ýshinshi taraptyng iritki salyp jýrgenine shaghymdandy. Osydan eki jyl búryn konferensiya ótkende audannyng atyn Qaradala dep,  Shonjynyng atyn Álmerek dep auystyru turaly aitylghan. Sol mәsele taghy kóterildi. Oblys әkimi búl úsynystardyng bәri hattamagha toltyrylyp,  sodan keyin sheshim qabyldanatynyn eskertti. Onomastikalyq zang boyynsha onyng bәri ortalyqta qaralyp, memlekettik komissiyanyng sheshimimen qaralady.

Degenmen, әkim halyqty auyzbirshilikke shaqyrdy. Óitkeni, songhy uaqytta Úighyr audanynyng ekonomikasy qaryshtap damyp jatyr. «Júmyspen qamtu», «Jol kartasy» syndy baghdarlamalar boyynsha bólingen qarjynyng da biraz bóligi osy audangha tiyesili. Jobalar iske asyp jatyr. Túralap qalghan qús fabrikasy qayta ashyldy. Osynyng barlyghy beybitshilik pen túraqtylyqtyng arqasy. Eger eki tarap bir birimen jagha jyrtyssa, investorlardyng ózi ónirge keluden bas tartuy mýmkin ekenin  oblys әkimi eske saldy», - dedi Almaty oblysy әkimining baspasóz hatshysy Ghalymúrat Jýkel.

Ayta  keteyik, Almaty oblysy Úighyr audanynyng әkimi - Shuhrat Nurahunov. Wikipedia-daghy mәlemetterge sýiensek, Shuhrat Turdahunúly búl qyzmetke 2017 jyly taghayyndalghan.

Abai.kz

4 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1584
Alashorda

Qojanov mejeleu nauqanynda (Jalghasy)

Beybit Qoyshybaev 2284
Ghibyrat

Qaysar ruhty ghaziz jan

Múhtar Qúl-Múhammed 3621