Jana ministr Aleksey Soydan jarnama ýshin dәrigerlerdi ólimge jibermeuin súraymyz nemese «Salamatty Qazaqstan» últ densaulyghynyng kepili bola ala ma?

Memleketting negizgi baylyghy halyq deytin bolsaq, sol halyqtyng densaulyghy qashanda birinshi orynda túrary anyq. Sol sebepti bolar, jyl sayyn shalghay eldimekenderdi aralap, halyqtyng densaulyghyn týzetuge sebepshi bolatyn «Salamatty Qazaqstan» medisinalyq poyyzy jýrip túrady. Dúrys. Qoldaymyz. Ras, atalmysh poyyzdyn paydasy shash etekten. Óitkeni qazirgidey qiyn kezende tegin medisinalyq kómek alu asa qajet. Dәrigerlerding qúramy da san aluan, naqtylaytyn bolsaq, terapevt, oftalimolog, lor, nevropotolog, hirurg, stomotolog, urolog syndy qoghamgha qajetti maman iyeleri bar. Bәri dúrys, bәri jaqsy.

Alayda biyl yaghny qazir koronavirus indeti etekten alyp, órship túrghan kezde múnday poyyzdyng eldi aralap shyghuy qanshalyqty tiyimdi ekenin bilmey otyrmyn. Qoldaghy bar derekterge qarasaq, aldaghy shildeden jeltoqsan aiyna deyin jýretin «Salamatty Qazaqstan» poyyzy taghy shyqpaq eken. Búl memlekettik tapsyrysty S. J. Asfendiyarov atyndaghy Qazaq últtyq medisina uniyversiyteti alyp otyr. Búiryqqa sәikes 5 medisinalyq brigada jasaqtalmaq kórinedi. Ár brigadada 30 dәriger jәne 50- ge tarta temirjol qyzmetkerleri bolmaq. Poyyz eki baghytta jýrmek. Biri Núr-Súltan qalasynan shyqsa, ekinshisi Almatydan jýredi. Ár poyyzgha 250 million tengeden bólinip otyr. Bir qarasang bәri jaqsy. Últ densaulyghyn týzetuge jasalghan qadam. Biraq dәl qazir osy kerek pe? Óitkeni osy poyyzben bara jatqan dәrigerlerding ózi qanshylyqty indetten ada. Aralarynda pandemiyany júqtyrghandar bolsa she? Onda shalghaydaghy edimeken adamdaryna júqtyryp, eldegi jaghdaydy odan ary ushyqtyryp almaymyz ba degen kónilde kýdik tuady.

Iri qalalarda pandemiyany auyzdyqtay almay otyrghanda alys auyldarda óz qolymyzben taratyp alsaq, qaytpekpiz? Múny oilaghan adam bar ma? Densaulyq ministriligi ne deydi? Álde búl osy ministrlikting atyn shygharu ýshin jasalyp otyrghan jarnama ma? Álde memleketten bólingen qomaqty aqshany iygeruding tóte joly ma? Oilanatyn mәsele.

Qazirgidey indet órship túrghan keze dәrigerlerde ailap jol sapargha shyghugha qúlyqty emes ekeni anyq. Demek múny da Densaulyq ministrligi eskergen jón. Aqiqatyn aitsaq, qazir «halyqtyng densaulyghyn kózden tasa etpey otyrmyz» deytin arzan jarnama jasaytyn kez emes.

Azamathan Ámirtaydyng jazbasy

Abai.kz