Qazaqstanda koronavirus pandemiyasynyng taraluyna baylanysty kópshilik jerlerge jinalugha tyiym salynghan. Osy sebepti belgili din qyzmetkeri Ábdighappar Smanovtyng janazasyna jinalghan kópshilikting viydeosy әleumettik jelide biraz talqy boldy. 

29 mausym kýni Qazaqstan músylmandary diny basqarmasy karantin kezindegi diny rәsimderding atqaryluy jóninde ereje bekitken. Oghan sәikes, janaza namazyna az adam jinaluy qadaghalanuy tiyis.

Hola news saytynyng mәlimetinshe, Smanovtyng janazasyna 800 adam jinalghan kórinedi.

Al, Týrkistan oblysy әkimining orynbasary Sәken Qalqamanov atalghan jaytqa qatysty pikir bildirip, jaghdaydy baqylauda ústau mýmkin bolmaghanyn aitypty.

«Múnday kópshilik jinalatyn jerlerde azamattardyng ózine degen jauapkershili manyzdy. IYә, biz audandy jaba alamyz. Biraq, qanday sebeppen? Tótenshe jaghday rejiymi engizilmedi, biz kedergilerdi alyp tastaugha mәjbýr boldyq. Sondyqtan búl mәseleni baqylau óte qiyn», - dedi ol.

Al, kýni keshe QMDB janaza namazyna 30 adamnan artyq jinalugha bolmaytynyn mәlimdedi. Biz atalghan jaytqa qatysty QMDB ókilderinen pikir súraghan edik.

«Qazaq halqy torqaly toy men topyraqty ólimde tóbe kórsetudi ózining mindeti sanaydy. Toyda tilek aitu nemese kisi qaytqanda oghan bir uys topyraq salu – saltymyzgha singen ghúryptyng biri.

Alayda adamnyng ghúmyry – Allanyng amanaty. Oghan adal bolu – adamdyq borysh. Nemqúrayly qarau – qauip pen qaterge aparady. Sondyqtan eldegi barsha jamaghatty osy bir qiyn kezende barynsha saqtanugha, jiyn-toylar men sadaqa astargha mýmkindiginshe barmaugha shaqyramyn.

Ózderiniz tarihtan jaqsy biletindey, Abay Qúnanbayúly Semeyge kelgen bir saparynda shaharda júqpaly indetting tarap jatqany jayynda jaysyz habar estiydi. Birinshi kezekte, Abay halyqqa janaza rәsimderin ótkizuge qatysty birqatar ózgeris jasaudy týsindiru keregin úqty. Mine, osy tústa ol ózi biletin Sarmolla esimdi moldany shaqyryp, oghan halyq júqpaly aurudan saqtanu ýshin janaza, hatym, astardy az adammen ótkizudi júrtqa týsindiru keregin jetkizedi. Sarmolla: «Qaza bolghan adam ýiine, janazagha halyq az jinalsyn. Mәiit shyqqan ýige kóp adam kelmesin. Ol ýide as ishu, halyqqa tagham taratu, jetisin, qyrqyn jasau uaqytsha toqtalsyn!» degen sózin jetkizedi.

Býgin elordada ótken brifingte Bas mýfty Nauryzbay qajy Taghanúly osylay dedi. Rasynda, býgingidey syn saghatta sezimge berilmey, adam kóp jinalatyn oryngha barmaghan abzal. Súrap alghan dertting shipasy bolmaydy deushi edi... Qúday saqtasyn. Alla elge amandyq bersin. Júma qabyl bolsyn!»,- dedi QMDB ókilderi.