سەيسەنبى, 4 تامىز 2020
COVID-19 قازاقستاندا. جۇقتىرعاندار — 93820. جازىلعاندار — 65132. قايتىس بولعاندار — 1058
انىق-قانىعى 3446 6 پىكىر 3 شىلدە, 2020 ساعات 15:03

قمدب ابدىعاپپار سمانوۆتىڭ جانازاسى تۋرالى نە دەيدى؟

ۆيدەودان سكرينشوت

قازاقستاندا كوروناۆيرۋس پاندەمياسىنىڭ تارالۋىنا بايلانىستى كوپشىلىك جەرلەرگە جينالۋعا تىيىم سالىنعان. وسى سەبەپتى بەلگىلى ءدىن قىزمەتكەرى ابدىعاپپار سمانوۆتىڭ جانازاسىنا جينالعان كوپشىلىكتىڭ ۆيدەوسى الەۋمەتتىك جەلىدە ءبىراز تالقى بولدى. 

29 ماۋسىم كۇنى قازاقستان مۇسىلماندارى ءدىني باسقارماسى كارانتين كەزىندەگى ءدىني راسىمدەردىڭ اتقارىلۋى جونىندە ەرەجە بەكىتكەن. وعان سايكەس، جانازا نامازىنا از ادام جينالۋى قاداعالانۋى ءتيىس.

Hola news سايتىنىڭ مالىمەتىنشە، سمانوۆتىڭ جانازاسىنا 800 ادام جينالعان كورىنەدى.

ال، تۇركىستان وبلىسى اكىمىنىڭ ورىنباسارى ساكەن قالقامانوۆ اتالعان جايتقا قاتىستى پىكىر ءبىلدىرىپ، جاعدايدى باقىلاۋدا ۇستاۋ مۇمكىن بولماعانىن ايتىپتى.

«مۇنداي كوپشىلىك جينالاتىن جەرلەردە ازاماتتاردىڭ وزىنە دەگەن جاۋاپكەرشىلى ماڭىزدى. ءيا، ءبىز اۋداندى جابا الامىز. بىراق، قانداي سەبەپپەن؟ توتەنشە جاعداي رەجيمى ەنگىزىلمەدى، ءبىز كەدەرگىلەردى الىپ تاستاۋعا ءماجبۇر بولدىق. سوندىقتان بۇل ماسەلەنى باقىلاۋ وتە قيىن», - دەدى ول.

ال، كۇنى كەشە قمدب جانازا نامازىنا 30 ادامنان ارتىق جينالۋعا بولمايتىنىن مالىمدەدى. ءبىز اتالعان جايتقا قاتىستى قمدب وكىلدەرىنەن پىكىر سۇراعان ەدىك.

«قازاق حالقى تورقالى توي مەن توپىراقتى ولىمدە توبە كورسەتۋدى ءوزىنىڭ مىندەتى سانايدى. تويدا تىلەك ايتۋ نەمەسە كىسى قايتقاندا وعان ءبىر ۋىس توپىراق سالۋ – سالتىمىزعا سىڭگەن عۇرىپتىڭ ءبىرى.

الايدا ادامنىڭ عۇمىرى – اللانىڭ اماناتى. وعان ادال بولۋ – ادامدىق بورىش. نەمقۇرايلى قاراۋ – قاۋىپ پەن قاتەرگە اپارادى. سوندىقتان ەلدەگى بارشا جاماعاتتى وسى ءبىر قيىن كەزەڭدە بارىنشا ساقتانۋعا، جيىن-تويلار مەن ساداقا استارعا مۇمكىندىگىنشە بارماۋعا شاقىرامىن.

وزدەرىڭىز تاريحتان جاقسى بىلەتىندەي، اباي قۇنانبايۇلى سەمەيگە كەلگەن ءبىر ساپارىندا شاھاردا جۇقپالى ىندەتتىڭ تاراپ جاتقانى جايىندا جايسىز حابار ەستيدى. ءبىرىنشى كەزەكتە، اباي حالىققا جانازا راسىمدەرىن وتكىزۋگە قاتىستى بىرقاتار وزگەرىس جاساۋدى ءتۇسىندىرۋ كەرەگىن ۇقتى. مىنە، وسى تۇستا ول ءوزى بىلەتىن سارموللا ەسىمدى مولدانى شاقىرىپ، وعان حالىق جۇقپالى اۋرۋدان ساقتانۋ ءۇشىن جانازا، حاتىم، استاردى از اداممەن وتكىزۋدى جۇرتقا ءتۇسىندىرۋ كەرەگىن جەتكىزەدى. سارموللا: «قازا بولعان ادام ۇيىنە، جانازاعا حالىق از جينالسىن. ءمايىت شىققان ۇيگە كوپ ادام كەلمەسىن. ول ۇيدە اس ءىشۋ، حالىققا تاعام تاراتۋ، جەتىسىن، قىرقىن جاساۋ ۋاقىتشا توقتالسىن!» دەگەن ءسوزىن جەتكىزەدى.

بۇگىن ەلوردادا وتكەن بريفينگتە باس ءمۇفتي ناۋرىزباي قاجى تاعانۇلى وسىلاي دەدى. راسىندا، بۇگىنگىدەي سىن ساعاتتا سەزىمگە بەرىلمەي، ادام كوپ جينالاتىن ورىنعا بارماعان ابزال. سۇراپ العان دەرتتىڭ شيپاسى بولمايدى دەۋشى ەدى... قۇداي ساقتاسىن. اللا ەلگە اماندىق بەرسىن. جۇما قابىل بولسىن!»،- دەدى قمدب وكىلدەرى.

Abai.kz
6 پىكىر