Dýniyejýzinde taraghan pandemiyagha baylanysty elimizde engizilgen karantindik rejim ertenimiz ýshin qajet. Ziltemirshi әri Olimpiadanyng kýmis jýldegeri Jazira Japparqúl júrtshylyqty sabyrgha shaqyryp, karantin tәrtibine baghynugha ýndedi. Búl turaly QazAqparat mәlimdedi.

«Býkil әlemdi sharpyghan alapat dert elimizdi de ainalyp ótpedi. Halqymyzdyng basyna týsken auyrtpalyq birigudi, asqan úiymshyldyq pen tózimdi talap etude. San ghasyrlyq ghúmyrynda qazaq halqy talay nәubatty bastan keshirdi. Búl qiyndyqtyng da ótkinshi ekeni sózsiz. Sabyr men qanaghattyn, tәrtip pen qanaghattyng synalar sәti kelip túr. Qazaq qanday qiyndyqta da bel aldyrmaghan, keler kýnnen ýmitin ýzbegen qaysar halyq. Býginimizge saqtyqpen qarasaq, ertengi kýnimizding shuaqty bolary sózsiz. Sondyqtan da karantin talaptaryna týsinistik tanytqanymyz abzal. Babalarymyz densaulyqty birinshi baylyqqa tekke tenemegen bolar. Ózimizge kýtimmen qarau arqyly ózgelerdi qauipten qorghay alamyz. Úly dalanyng qyran tektes úrpaghy aman bolsyn!», - deydi Jazira Japparqúl.

Eske salayyq, Qazaqstanda koronavirusqa qatysty epiydemiologiyalyq ahualdyng órshuine baylanysty biylghy 5 shildeden bastap elimizde 14 kýnge qatang shekteu sharalary engiziledi.

Abai.kz