Kýni keshe Altay Kólginov basshylyq jasaytyn qalada (Núr-Súltanda) bolghan merekelik otshashu qoghamnyng qyzu talqysyn, anyghynda narazylyghyn tudyrghanyn bilesizder. Júrt dert dendep, indet órshigen, kóp shanyraq qayghy jamylyp, qara tútqan tústa bas qala basshylyghynyng gýrsildetip-dýrsildetip merekelik otshashu ótkizgenin synady.

Biz jazdyq. Biz sekildi jýzdegen aqparat qúraldary jazdy. Áleumettik jelide myndaghan adam otshashugha qarsy pikir bildirdi. Kólginov әkimdigining qúlaghyna keshe kýndizden beri aitylyp, jazylyp jatqan myng sózding biri jetpese, biri jetkeni anyq. Biraq, әkimdik «lәm-miym» degen joq. Bar bolghany «budjetting qarjysy júmsalmaghanyn» aitty. Al  otshashu josparlanghan uaqytynda ótti.

Dәl qazirgi uaqytta halyqqa keregi otshashu ma? Joq! Ol turaly keshe jazdyq. Qaytalaghan bolmayyq...

Býgin, «bolar is bolyp, boyauy singende», Altay әkim aqtalypty. Dәlirek aitsaq, Altay Kólginov әkimdigining Mәdeniyet basqarmasy. Qaranyz:

«Qala kýnine arnalghan otshashu jyl basynda josparlanyp, demeushiler qajetti materialdardy satyp alyp qoyghan. Orny da belgilengen. Búl otshashu qala túrghyndarynyng kónilin kóteru ýshin, koronaviruspen kýresting aldynghy shebinde jýrgen medqyzmetkerlerge qoldau kórsetu ýshin úiymdastyrylghan», - depti.

Jә, býgin esim-soyy әlemning alty qúrlyghyna mәshhýr bolghan әnshi Dimash Qúdaybergen de osy jaytqa qatysty ózining pikirin jariyalaghan eken. 3,3 million oqyrmany bar «Instagram» jelisindegi jeke paraqshasynda pandemiya kezinde otshashu ótkizgen Kólginov әkimdigin synap sóilepti. Dimashtyng orys tilindegi jazbasyn qazaqshagha audardyq:

«Otshashu nening qúrmetine? Koronavirustan әlemde aldynghy oryngha shyqqanymyzdyng qúrmetine me? Astanada otshashu úiymdastyryp jatqanda, júrt ottegin tappay jýr. Osy baghyttarynyzdan taymanyzdar! Keler jyly toylaytyn adam qalmay qaluy mýmkin...», - depti ózining emosionaldy jazbasynda.

Qazirding ózinde Dimashtyng búl jazbasyn 90 mynnan asa adam oqyp, 9 mynnan astam pikir jazylypty. Al búghan Elorda әkimdigi jauap bere me? Kóre jatarmyz...

Kesheli-beri attarynan at ýrketin ziyaly qauym ókilderi, aqyndar, qogham belsendileri Kólginov әkimdigining kók týtin otshashuyn synap jatyr. Basqasyn aitpaghanda, Facebook jelisinen «Kólginovtiki dúrys» degen bir adamdy kezdestirmedik. Mýmkin bar da shyghar. Biraq, qoghamda narazylyq pikir basym! Dәl qazir júrtqa keregi otshashu emes edi. Ókinishke oray, Kólginov әkimdigi qoghamnyng búl talabyn estigisi kelgen de joq.

Býgin bergen jauap sózinde: «Júrttyng kónilin kóteru ýshin» ótkizdik depti. Senseniz de, senbeseniz de osy! Búl әkimdikting jauaby.

Abai.kz