Senbi, 15 Tamız 2020
COVID-19 QAZAQSTANDA. Jwqtırğandar — 102287. Jazılğandar — 80716. Qaytıs bolğandar — 1269
1153 5 pikir 8 Şilde, 2020 sağat 10:17

Belgili akter Darhan Dayırbek qaytıs boldı

Qalıñ köpşilikke "Terisqaqpay" teatrı arqılı tanılğan akter Darhan Dayırbek qaytıs boldı. Bwl turalı teatr direktorı Asqar Naymantaev äleumettik jelide habarladı. 

«Qayteyin-ay! Alısta bolıp añırap, jıraqta jürip jer sipap qaldım-au, ağayın!
Janım-ou, Darhan-ou, endi qaytem!

Tanıstıñ bärin jwmıldırsaq ta tınısıñdı aşa almadıq qoy... Jan dosıñ, serigiñ Wlan kündiz tüni joğıñdı joqtap, kergegiñdi jetkizse de araşa bola almadıq... seniñ jwtar bwr jwtım suıñ, tereñ dem alar auañ bola almadım...

Qabaq şıtpay qiındıqtı jımiıp jeñuşi ediñ...
Seniñ qateligiñdi de qaytalay almaymız au endi.
Terisqaqpaydıñ da qatarı sögildi halqım, onı endi bütindey almaymın...
Baqwl bol!» ,-
dep jazdı ol.

Akterdıñ qazası turalı Ğ.Müsirepov atındağı Qazaq memlekettik akademiyalıq balalar men jasöspirimder teatrınıñ ökilderi de mälimdedi.

"Ğ.Müsirepov atındağı Qazaq memlekettik akademiyalıq balalar men jasöspirimder teatrınıñTeatr artisi, kino akter - DARHAN DAYIRBEKTİ de aramızdan jwlıp äketti. Aytuğa söz jetpeydi, qabırğamız qayısıp otır.
1994 j. T.Jürgenov atındağı Teatr jäne kino institutın N.Jaqıpbaydıñ şeberlik klasınan bitirip, sol jıldan eñbek jolın osı, bizdiñ teatrdan bastağan; Elge dara talantımen: "Külki kerueni", "Terisqaqpay" äzil-sıqaq teatrları arqılı tanılğan, aptalday azamat, jarqırağan jaqsı adam, darhan köñildi DARHANımız edi... Amal neşik... Baqwl bolıñız!", - delingen teatr habarında.

Ayta keteyik, Darhan Dayırbek 1969 jılı tuğan. Qazaqstannıñ eñbek siñirgen qayratkeri. "Terisqaqpay" komediya teatrınıñ ärtisi. Otandıq birneşe fil'mde bastı rölde oynağan. "Äkim", "Qwdalar", "Qazaqşa tonau", "Sürboydaq", "Kelinka Sabinka-2", "Bes kündik küyeu", "Men küyeu balamın", t.b.

Abai.kz

5 pikir