Qazaqstan preziydenti Qasym-Jomart Toqaev Halyq densaulyghy jónindegi jana kodekse jәne densaulyq salasyna qatysty birneshe zangha ózgerister engizu jónindegi qújatqa qol qoydy.

Jana kodekste myna mәseleler jazylghan:

- Qazaqstan azamattary ýshin mindetti jәne erikti vaksinasiyalau: zang ekpe salynbaghan balalardyng balabaqshagha baruyna tyiym salady.

- qaytys bolghan adamnyng aghzasyn jәne jasushalaryn alu tәrtibi jәne shetel azamattaryna auystyru ýshin Qazaqstannan shygharugha tyiym salu,

- elde elektrondy temeki paydalanugha shekteu qoy,

- 21 jasqa deyingi jastargha temeki satqandardy әkimshilik jazagha tartu.

Kodeksting vaksinasiyalau jónindegi baptary Qazaqstan qoghamynda dau tughyzdy. Qarsy bolghandar ekpening sapasyna senbeytinin bildirdi. Qújat qabyldanbasyn dep talap etilgen onlayn-petisiyagha 166 myng adam qol qoyghan. Biraq densaulyq saqtau ministrligi balalargha ekpe salmau olardyng densaulyghyn qorghau qúqyghyn búzu bolyp esepteletinin algha tartty. Qazaqstan BÚÚ-nyng balalar qúqyghyn qorghau jónindegi Konvensiyagha qol qoyghanyn jetkizdi.

Toqaev sonymen birge әkimshilik jauapkershilikke tartu jónindegi Kodekske qol qoydy. Tótenshe jaghday kezinde tәrtip búzghan adamdargha salynatyn aiyppúl kólemi 10 esege ósedi.

Búdan bylay TJ tәrtibin búzghandar 277 myng 800 tenge ($682) aiyppúl salady nemese 15 tәulikke qamalady. Eger tәrtipti qayta búzsa, 555 myng 600 tenge ($1364) kóleminde aiyppúl tólep, 30 tәulikke qamaugha alynady.

Abai.kz