Keshirshi bizdi, kәri ana,
Keshirshi bizdi, jan-agha!
Zar bolyp, ólding dalada,
Bir jútym taza auagha!

Ózime qarsy denem búl,
Shygharma deydi dausyndy.
Koronavirus degen bir
Kórinbes kózge jau syndy.

Bir jútym aua... ansaghan,
Shyryldap shybyn jan tәtti-ay.
Mert boldy býgin qansha adam,
Soghysta ketken soldattay?!

Mәiitke toldy kór ishi,
Marqúm bop qazaq-orysy.
Adam men virus soghysy –
Koronovirus soghysy!

Qorshaudy búzyp-jaryp shyq,
Soghysta jenip, tez oral!
Halqymdy aman alyp shyq,
Dәriger deytin general!

Bitedi qashan búl jút-ay,
Kele me songhy sәt tayap?!
Álemdi qyrdy-au qu Qytay,
Halyqqa bir oq atpay-aq!

Ziratta zarlap zәuzattar,
Janyna kele almadyq.
Armanda ketken aruaqtar,
Arulap kóme almadyq.

Bozdady halyq, boldyrdy,
Shyghady qaydan taghy shu?!
Kóz jasy ma eken kóp jylghy,
Keudeni qysqan sary su?!

Búl biylik – siyr sýti joq,
Malshysy... qoy, qoy, aitpa, oibay!
Dәrisin satty-au Ýkimet,
Soghysta oghyn satqanday!

Týtinin uly jútyp ek,
Zauyttar peshin jaqqanda.
Otshashu atty-au Ýkimet,
Ottegi jetpey jatqanda?!

Auysar qashan búl biylik,
Emes qoy elim tilsiz qúl?!
«Ýnsizdik – deydi-ay – 1 minut?»,
30 jyl halqym ýnsiz jýr!

Jylayyn desem, jas emes,
Qan toly kózding ishinde, ei!
Jýregim menin... tas emes
Elbasy eskertkishindey!

Bәrine «dúghay sәlem» de,
Auyrma, aman bol, balam!
Bolayyn men-aq, әlemde
Búl dertten ólgen songhy Adam!

Auyrghan jandar týsiner,
Atana nәlet, bәrindi!
...Iship ól ózin, iship ól,
Qoymana tyqqan dәrindi...

Almas Temirbaydyng jazbasy

Abai.kz