Düysenbi, 21 Qırküyek 2020
COVID-19 QAZAQSTANDA. Jwqtırğandar — 107307. Jazılğandar — 101941. Qaytıs bolğandar — 1671
Ätteñ... 3422 10 pikir 3 Tamız, 2020 sağat 11:40

«Ertistiñ» atauın «Pavlodar» dep özgertuge bolmaydı!

Küni keşe ğana ötken Qwban ayt kezinde köpşilik jwrt bayqay bermeytin bir keleñsiz jayt boy körsetti. Bizdegi orıs tildi sayttar elimizdegi prem'er-ligadan birjolata qoş aytısqan «Ertis» futbol komandasınıñ ornına jañadan «Pavlodar» attı komandanıñ qwrılatının aytıp, qalıñ köpşilikti quantıp jatır. Endi qarjıdan äbden jwtağan qazaqı «Ertistiñ» ornın orısşa atudı ielengen «Pavlodar» basıptı. Mine, osı habardı  «KazFootbaII.kz» saytınan köşirip basqan älgi sayttar osılayşa halıqtan süyinşi swrap jatır. 

Olarğa bwl ülken quanış şığar, ärine. Alayda, jañadan qwrılatın komanda ne sebepti bwrınğı qazaqşa atudan bas tartıp, ayaq astınan orısşa ataudı ieletindiginiñ qwpiyasın tüsine almadıq. Sonda olarğa «Äy deytin äje, qoy deytin qoja» bolmağanı ma? Eger ol bwrınğıday oblıs byudjetinen milliardtağan qarjı alıp, qwrıltayşısı äkim bolsa, mwnday «erkinsuşilikke», yağni qazaqşa atauğa joyıp jiberuge degen äreketke kim jol berip otır? Elimizdiñ soltüstik öñirlerin qazaqşalauğa tisimiz batpay otırğanda, mwnısı nesi? Älde sondağı separatistik auruğa wşırağan bir mıqtı toptardıñ bizge körsetken qırı ma? Eger mwndaylarğa nemqwraylı qaray beretin bolsaq, tübi täuelsizdigimizdiñ twğırına sızat tüsui de ğajap emes.

Aytpaqşı, bwl jerde dwrıs tärtip ornatılmasa, küni erteñ «Qızıljarıñız» qaytadan «Petropavel» bolıp, jañadan tülep şığa kelmesine, kim kepil? Onsız da bizdiñ Qostanayda «Tobıl» degen sözge tilimiz kelmeydi» dep, bwl komandanı Reseydegi özenniñ atımen «Tobol» dep özgertkenimiz de bar.

Jalpı, osı «Ertistiñ» qarjıdan qısılıp, jabılıp qaluınıñ özi de ülken kümän tudıradı. Ol byudjetten de bölinip, özge de demeuşiler bergen milliardtağan qarjınıñ mwqiyat eseptelmey, orınsız, bey-bereket jwmsalğandığınan, äsirese şetelden şaqırılğan legioner degen «kelimsekterge» mırzalıqpen şaşılğandıqtan boluı da ğajap emes. Bir ğana mısal. Elimizdiñ belgili bir saytı biılğı jıl basında osı «Ertistiñ» Franciyadan şaqırılğan futbolşısı Jeremi Manzorro «Qazaqstan - aqşası köp el» degen maqalasın basqan. Sonda ol «Ertistiñ» «özgelerge degen «asqan mırzalığın» qalıñ jwrtqa qısılmastan jayıp salğan.

"Te, kto igraet v luçşih klubah, oni mogut, naskol'ko ya ponimayu, zarabatıvat' 60 000 ili 70 000 evro v mesyac. Ne govorya uje o premiyah, kotorıe mogut bıt' dovol'no vısokimi. Oni igrayut v svoey strane, oni zvezdı i oni ne hotyat uhodit'. A luçşie klubı mogut predlojit' oçen' horoşuyu zarplatu inostrancam", - zayavil futbolist, - degen onıñ sözin mwrtın bwzbastan basqan. Mine, osıdan-aq qorıtındı şığara beriñiz.

Jeremi Manzorro ⊕ Poslednie novosti segodnya: sobıtiya, obzorı ...

Jeremi Manzorro

 Şındığında da, Qazaqstanda aqşa şaş-eteken şığar. Bwğan tipti şeteldikter riza bolıp jatqanına qarağanda. Äñgime, tipti sol «kelimsekterge» ketip jatqan esepsiz kök qağazda da emes. Mäsele, qazaqşa ataulardıñ birte-birte orısşağa köşe bastasa da, oğan män beretin jergilikti bilik bayqalmay otırğandığında. Mümkin osı «Pavlodar» sol keri ketudiñ bastaması da şığar. Osındayda, atam qazaqtıñ «Qarnımnıñ aşqanınan emes, qadirimniñ qaşqanınan jılaymın» degen eken. Biz de qazir osınday jılarman halde twrmız ba dep qorqamın.

Jaybergen Bolatov

Abai.kz

10 pikir