Mening kelesidey birneshe qorqynyshym bar. Memleketke jәne halyqqa qatysty. Olar:

1. EAES-ting kózdegeni sayasy odaq. Ekonomika tek betperde ghana. Sol sayasilanyp, aqyry osy odaqtyng shyrmauynan shygha almay tәuelsizdikten aiyrylyp qalmaymyz ba dep qorqamyn.

2. ODKB degen bizge paydasy joq, biraq Resey avanturasyna bolashaqta júmys isteui mýmkin әskery odaqsymaqtyng kesirinen, bizge qatysy bolmasa da bir әskery janjal ya soghysqa iligip, jas sarbazdar qan qasapqa týsip kete ma dep qorqamyn.

3. Qazaqstannyng syrtqy qaryzy qaytara almaytyn dengeyge jetip(qazir 160 mlrdqa juyq bolsa da, aqyryndap qaytaryluda), de-yre tәuelsiz, de-fakto kreditorlargha tәueldi elge ainalyp ketemiz ba dep qorqamyn. (әlde qazirden solay ma?)

4.Biylikte reseyshil, qytayshyl, batysshyl, arabshyl, aqshshyldar artyp (osylardyng bireui), aqyry qazaqy mýdde túrghysynan, últtyq mýdde negizinen oilaytyn biylik bolmay qala ma dep qorqamyn (qazir de múndaylar biylikte bar, biraq balans әli saqtaluda dep senemin).

5. Qazaqstanda zayyrlylyq búzylyp, ata-babamyz ústanghan taza islam emes, búrmalanghan teris dindi ústanushylar artyp, qoghamdy jikke bólip, sony qantógiske ainalyp, Aughanstan men Siriyanyn, Irak pen Liviyanyng kebin kiyip ketemiz ba dep qorqamyn.

6. Resey "Qyrym ssenariyi" siyaqty soltýstikke, shyghysqa kirip, oghan layyqty qarsylyq kórsete almay, ghasyrlar boyy babalar qanymen kelgen jerdi qorghay almay qalamyz ba dep qorqamyn.

7. Últtyq dәstýrdi úmytyp, tym batysshyl ya basqashyl kózqarasty ústanyp, ar-úyat degenning shekarasynan anyq attap, qoghamda er erkektiginen, әiel nәziktiginen aiyrylghan "kógildir elder" ishine kirip ketemiz ba dep qorqamyn.

8. Abay sóilep, Aqan әn aityp, Abylay búiryq bergen, "Alash Orda" ziyalylary hat jazghan qazaq tilin layyqty túghyryna qondyra almay, dosqa kýlki, dúshpangha mәngi taba, al babalar aldynda qarabet bolyp ótemiz ba dep qorqamyn.

9. Qazaqstan ekonomikasy shiykizattyq qaqpannan shygha almay, ekonomikany әrtaraptandyru sóz jýzinde qalyp, týbi ilinip-salynghandar qatarynan ozyp shyqpaymyz ba dep qorqamyn.

10. Ghylym-bilimnen ada qalghan, әlem men adamzat damuyna ýles qospaytyn, satushy emes satyp alushy qogham keypin mәngi saqtap, әlem tanityn birde bir brendimiz bolmay ma dep qorqamyn.

11. Sayasy jәne ekonomikalyq reformalargha tym kesh qalyp qoyghan joqpyz ba? Jemqorlyq pen paraqorlyqty ómir zandylyghy dep qabyldap, sanagha baylap, qangha әbden sinirip jibergen әdetti joya almaymyz ba dep, damu men ózgeriske kerek uaqytty joghaltyp aldyq pa dep qorqamyn.

13. Osy qorqynyshtarym iske asyp kete ma dep qorqamyn.

PySy: Bala-shaghang bar kezde, el ýshin alandauyng arta bastaydy. Tipti jas bolsang da. Óitkeni sol elde erteng úrpaghyng túrady. Al ol úrpaq qanday qoghamda ómir sýredi? Beybit әri damyghan elde ma, әlde oq dausymen tandy atyratyn, mesheu qalghan memlekette ma? Evrey oishyly aitqanday "basyndaghy qara búltty ketirging kelse, ashyq aspan jaqqa qonys audar" degendey, búlynghyr bolashaqtan qashyp, úrpaghymyzdy shetel asyryp jiberuge mәjbýr bolmasaq bolghany. Al onda ol sózsiz ózining kim ekenin biraz uaqyt ótken song úmytady. Bireuge búl mýmkin manyzdy emes shyghar, biraq maghan manyzdy. Ár kýn sayyn tarihy bir maqala oqymasam basym auyratyn men ýshin, úrpaghymnyng kim ekenin úmytpauy manyzdy. Onyng ghylym men bilimdi iygergen, órkeniyetke ýles qosatyn elde túratyn, jýreginde at túyaghynyng dýrsili bar, al auzynda babasy sóilegen tili sayrap túrghan qoghamda ómir sýrgenin qalaymyn, armandaymyn. Biylikting qazirgi qabyldaugha tiyis sheshimderi, bizde qanday bolashaq bolatynyn aiqyndaydy. Soghan jaqyndap qaldyq-au.

Ashat Qasenghalidyng jazbasy

Abai.kz