Qazaqstan BÚÚ-nyng elektrondyq ýkimetti damytu reytinginde 16-oryngha kóterildi
Qazaqstan BÚÚ-nyng Elektrondyq ýkimetti damytu indeksinde (UN EGDI) 24-orynnan 16-oryngha kóterilip, alghash ret eng joghary reytingtik sanatqa endi. Eki jyl ishinde 8 satygha jogharylau BÚÚ bayandamasynda kóshbasshy elder arasyndaghy eng eleuli ilgerileuding biri retinde ataldy. Qazaqstan osynday dengeyge jetken ónirdegi alghashqy el boldy. Búl nәtiyje Memleket basshysynyng Qazaqstandy tolyqqandy sifrlyq elge ainaldyru jónindegi tapsyrmasyn iske asyrudyng jәne memlekettik basqarudy transformasiyalaudyng negizgi qúraly retinde jasandy intellektini damytugha basymdyq beruding tikeley nәtiyjesi.
Eng joghary reytingtik sanatqa elektrondyq ýkimeti barynsha damyghan әlemning 21 memleketi kiredi. Qazir Qazaqstan Koreya, Daniya, Singapur, Úlybritaniya, Estoniya jәne AQSh-pen bir qatarda. 2026 jyly búl sanatqa alghash ret bar bolghany ýsh el: Qazaqstan, Irlandiya jәne Polisha endi.
Eki jyl ishinde Qazaqstan 2024 jyly reytingte ózinen joghary túrghan Shvesiya, Germaniya, Irlandiya, Jana Zelandiya, Avstriya jәne Japoniyadan ozyp ketti. El indeksi әlemdik ortasha kórsetkish 0,6675 bolghan jaghdayda 0,9009-dan 0,9363-ke deyin ósti.
Eki jyl ishinde sifrlyq memleket qúrudyng ýlgisi retinde tanylghan Estoniyamen aradaghy alshaqtyq tórt ese qysqardy. TMD jәne Ortalyq Aziya elderi arasynda Qazaqstan taghy da birinshi orynda. Álemdik reytingte Ózbekstan 32-orynda, Ázerbayjan 38-orynda, Resey 50-orynda túr.
Ósim negizgi baghyttardyng barlyghy boyynsha qamtamasyz etildi. BÚÚ baylanys salasyndaghy aitarlyqtay ilgerileudi atap ótti: mobilidi baylanys pen internetting qoljetimdiligi boyynsha Qazaqstan әlemdik reytingte 41-orynnan 13-oryngha kóterilip, telekommunikasiyalyq infraqúrylym dengeyi boyynsha Estoniyamen tenesti. Azamattar sifrlyq servisterdi belsendi әri senimdi paydalana bastady: sifrlyq sauattylyq kórsetkishi shamamen 1,5 ese ósti, al bilim men daghdylar dengeyi boyynsha el 42-orynnan shamamen 28-oryngha kóterildi. Sifrlyq ýkimetting qúqyqtyq bazasy BÚÚ tarapynan eng joghary baghagha ie boldy.
BÚÚ bayandamasynda Ortalyq Aziya 2026 jyldyng basty tabys tarihtarynyng biri retinde ataldy. eGov.kz jәne eGov Mobile ekojýiesi integrasiyalanghan sifrlyq memleketting ýlgisi retinde, al alem.ai halyqaralyq ortalyghy bilim beru, zertteu, startaptar jәne qoldanbaly jasandy intellektini damytu alany retinde atap ótildi. BÚÚ sarapshylarynyng baghalauynsha, Qazaqstan qol jetkizgen joghary dengeyine sýiene otyryp, óz pozisiyasyn odan әri nyghaytyp keledi. Múndaghy jetistik jekelegen sayttardyng damuymen ghana shektelmeydi, ol memlekettik organdardyng ózara is-qimyl platformalaryn, sifrlyq sәikestendirudi, mobilidi servister men halyqqa qyzmet kórsetu ortalyqtaryn biriktiretin birynghay jýiening qalyptasuymen baylanysty.
Abai.kz