Aqiqatqa tura qarap aitar bolsaq, Qazaqstangha tynyshtyq kerek. Óitkeni biz az halyqpyz. Biraq jerimiz ýlken. Halyqty asyraytyn jerding astynda da, ýstinde de baylyq jetkilikti. Sondyqtan «sayasatta, biylikte ózgeris kerek, reforma kerek», dep «úrandap» júrtty tónkeriske shaqyrudyng qajeti joq. Odan útarymyz shamaly. Barymyzdan airylyp qalamyz. Syrtqy kýshter aralasyp, býgingi kýnge zar bolyp qalarymyz haq.

Óitkeni syrtqy kýshter memleketimizding shanyraghyn shayqaltu ýshin qarjy tóge otyryp, talaydy satyp aluy mýmkin. Alysqa barmay-aq, TMD kenistiginde bolyp jatqan sayasy oqighalargha kóz salar bolsaq, sonyng ózi bizge sabaq boluy tiyis. Yaghny bizge qazirgi jýieni ózgertu ýshin revolusiya emes, evolusiya qajet. Bәri oryn-ornymen bolghany jón.

Onda da halyq kez-kelgenning artynan emes, eldin, memlekettin, últtyng qamyn oilaytyn jany taza, adal túlghanyng manayyna úiyp, sonyng manyna toptasuy tiyis dep oilaymyn. Óitkeni halyqtyng auzy kýidi. Byltyr Qosanovqa eremiz dep bir aldandy. Qazir Fransiyada otyryp alyp, eldi biylikke aitaqtap otyrghan taghy bireu bar. Oghanda senuge bolmaydy. Myqty bolsa biylikte jýrgende halyqtyng qamyn nege oilamady?

Demek, Qazaqstannyng sayasy alanyna jana serkeler shyghuy tiyis. Mәselen, biz ekologiyalyq partiya qúru jolyndamyz. Maqsat belgili. Halyqtyng sózin sóileu. Qamyn jeu. Memleketting iyesi qazaq ekenin ózgelerge moyyndatu. Qazaqtyng tilin osy jerdi mekendeytin barlyq últtyng ortaq tili etu.

Bizding partiyanyng algha qoyghan maqsaty osy. Áriyne qazir bizdi qoldaushylar azdau. Biraq oghan bola júmysymyzdy joldan doghara almaymyz. Qúrghaq uәde, әdemi sóz emes, naqty is-әreket arqyly ózimizdi ózgege tanytamyz. Moyyndatamyz. Biz jasaghan naqty júmysty kórgen son-aq, halyq bizding artymyzdan erui tiyis.

Osydan birer ay búryn bir tanysym «Azeke sen millionersing ghoy. Bir million (dollarmen) ber, bir oblysty әpereyik», deydi. «Peyiline rahmet, men әkim bolghym kelmeydi. Oryntaq ýshin júmsaytyn ol milliondy men partiya qúrugha, odan ary halyqpen júmys isteuge arnaghanym tiyimdi. Men sol joldy tandaghan adammyn», dep jauap berdim.

Egerde men biylikte bolghym kelse, oghan bayaghyda qol jetkizer edim. Biraq men tandaghan jol basqa. Halyqpen birge bolu. Últtyng qamyn jeu. Memleketting bolashaghyn oilau. Tәuelsizdikti bayandy etu. Mine osy. Men algha qoyghan osy maqsattargha jetu ýshin, partiya qúryp, sol arqyly qol jetkizudi jón kórdim.

Azamathan Ámirtaydyng jazbasy

Abai.kz