Reseydegi oppozisiyalyq sayasatker Aleksey Navalinyidyng «Dvores dlya Putina» (Putinning sarayy) atty zertteui qazir tek Reseyding ózi ishinde ghana emes, búrynghy kenestik elder men Europa elderinde de qyzu talqy boluda.

1 saghat 52 minuttan túratyn zertteu «Aleksey Navalinyi» You Tube arnasynda 19 qantar kýni jariyalanghan. Kýni býginge deyin ony 38 millionnan asa adam kórip, 1 milliongha juyq pikir jazylghan.

Qosymsha aqparat ýshin: keshe, 20 qantar kýni atalghan zertteudi 27 million adam kórgen bolsa, bir tәulikte olardyng sany 11 millionnan asyp jyghylghan.

Zertteudi Aleksey Navalinyidyng «Jemqorlyqpen kýres qory» (JKQ) jasaghan. Onda Reseyding Krosnodar ólkesine qaraytyn Gelendjik qalasy manynda salynyp jatqan «Putinning sarayy» jayly egjey-tegjeyli bayandalady. Dәlirek aitqanda, 20 jyldan beri Resey biyligin basqaryp otyrghan Vladimir Putin men onyng tóniregine toptasqan birqatar dәu dókeylerding esimderi men olardyng para beru shemasy jayly aitylady.

Qosymsha: Vladimir Putin 1999 jyldyng 31 jeltoqsanynda óz ókilettigin merziminen búryn tapsyrghan Boris Elisinning ornyna preziydent mindetin atqarushy bolyp taghayyndalghan. Al 2000 jyldyng 7 mamyrynda ol resmy týrde Resey preziydenti atandy.

Atalghan zertteude Bolat Zakaryanov deytin etnikalyq qazaqtyng da esimi atalady. Ol turaly Alekesy Navalinyi:  «Putin sarayyna» iyelik etken kompaniyany basqarghan adam», - deydi.

Navalinyidyng deregi:

Shamalovtan keyin saraydy «investstroy» deytin kompaniya basqarghan. Onyng diyrektory Bolat Zakariyanov deytin adam. Al menshik iyesi – Tatiyana Kuznesova men Inna Kolpakova deytin adamdar eken. Olar kimder? Olardyng biografiyasyna kóz jýgirtseniz, olardyng kim ekenin anyq bilesiz.

Bir kezdegi saraydy basqarghan kompaniyanyng diyrektory bolghan Bolat Zakariyanov qazir Putinning Jarlyghymen RF Preziydentining is basqarmasyna qaraytyn, Qoghamdyq tamaqtanu basqarmasynyng basshysy lauazymyna taghayyndalghan.

Gelendjiktegi jaghalauda 2015 jyly tórt birdey zәulim ýy salynghan. Osy tórt ýiding eng ýlkeni Bolat Zakariyanovtyng úlyna tiyesili.

Sonymen, Bolat Zakaryanov degen kim? Ony Qazaqstanmen ne baylanystyrady? Atalghan saualgha qazaqstandyq BAQ jauap izdep, jazyp jatyr. Biz de internettegi ashyq derekkózderindegi mәlimetterdi bir sholyp shyqtyq. Endi sol turaly az-kem aqparat...

«Persona RF» dereginshe, Bolat Qabykenúly Zakariyanov 1963 jyly tughan. Tughan jeri Selinograd qalasy dep kórsetilgen. Jogharyda atalghan mekemelerden bólek, «Dinamo-Gelendjiyk» sporttyq-anshylyq» klubynyng negizin qalaushy eken.

Bolat Zakariyanovtyng Kremliding qoghamdyq tamaqtanu basqarmasyna basshy bolyp taghayyndalghany turaly aqparat sonau 2015 jyly jariyalanghan (365info.kz).

«Etnikalyq qazaq Bolat Zakariyanov RF Preziydenti әkimshiligining Qoghamdyq tamaqtanu basqarmasyna basshy bolyp taghayyndaldy. Ol búghan deyin Krasnodar ólkesine qarasty Gelendjik kurorttyq qalasy Dumasynyng tóraghasy bolghan. Al songhy uaqta RF Preziydenti әkimshiligine tiyesili «Rublevo-Uspenskiy sauyqtyru kesheni» Federaldyq mekemesining Bas diyrektory bolghan», - dep jazghan edi.

Ondaghy aqparatqa sýiensek, Mәskeu manyndaghy pansionattar men sayajay keshenderining eng jaqsysy atalghan basqarma menshigine tiyesili eken.

Bolat Zakariyanov kezinde Petropavl qalasynyng әkimi, Pavlodar oblysy әkimining orynbasary bolghan Tólegen Zakariyanovtyng tughan bauyry eken.

Ákesi Qabyken Zakariyanov

Qabyken Zakariyanov «Ádilet» tútynushylar qúqyghyn qorghau qoghamy» QB tóraghasy eken. Ol turaly «Qajyrly jan Qabyken», «Dobrye dela Kabykena Zakariyanova» degen auandaghy materialdar jariyalanypty. Onda úldary turaly da jazylghan. Dәlirek: «Tólegenning ghylymy ataghy bar, qazir memleketitk qúrylymda qyzmet etude. Bolat RF Preziydentining Is basqarmasynda basshy. Kishi úly Abay Mәskeude túrady, beznesmen», - dep jazylypty.

Úly Timur Zakariyanov

Timur Bolatovich Zakariyanov «Vostok-Zapad» anshylyq sharuashylynyng basshysy, «Topdjet» әue kompaniyasynyng negizin qalaushylardyng biri eken.

Aghasy Tólegen Qabykenúly Zakariyanov

Tólegen Qabykenúly 1961 jyly tughan. Bilimi – zanger, qúqyqtanushy, ekonomist. Ekonomika ghylymynyng kandidaty.

Ol Kókshetau qalasynda prokuraturada istegen. Birneshe jeke firmada diyrektor bolghan. 2007-2008 jyldary QR Preziydent әkimshiliginde Memlekettik basqylau basqarmasynda memlekettik inspektor, odan keyin, 2008-2010 jyldary Pavlodar oblysy әkimining orynbasary, 2013-2014 jyldary Petropavl qalasynyng әkimi, 2018-2019 jyldary Astana qalasyndaghy Esil audanynyng әkimi qyzmetterin atqarghan. 2020 jyldan beri «Podkorporasiya» ÚK» AQ Basqarma mýshesi – basqarushy diyrektory.

«Azattyq radosynyn» aqparatynsha, Tólegen Zakariyanov 2010 jyly Pavlodar oblysy әkimining orynbasary bolyp jýrgende onyng ýstinen «qyzmetin asyra paydalandy», dep qylmystyq is qozghalghan. Keyin búl qylmystyq is jabylyp, sosyn qayta qozghalyp, aqyry Zakariyanov isinde «qylmystyq qúram joq», den tanylghan.

«Azattyq radiosy»: «Tólegen Zakariyanov qazir Qazaqstannyng «Azyq-týlik kelisim shart korporasiyasy» últtyq kompaniyasyn basqarady. Inisi Abay Zakariyanov Reseyde kәsipker. Ashyq derekkózderindegi mәtilemtke qaraghanda, Mәskeu men Mәskeu oblysynda Abay Zakariyanovtyng atyna IT, sauda men medisina salasynda júmys isteytin birneshe kompaniya tirkelgen.

2017 jyly keybir basylymdar Qazaqstannyng eks-preziydenti Núrsúltan Nazarbaevtyng kýieu balasy, milliarder Timur Qúlybaevtyng Mәskeu irgesinde Iliin auruhanasynyng 50 payyzyn satyp alghanyn habarlaghan. «Vedomosti» basylymynyng jazuynsha, kelisimge deyin búl auruhananyng jalghyz iyesi Abay Zakariyanov bolghan», - dep jazypty.

Al janaghy Navalinyy zertetuinde aty atalatyn Bolat Zakariyanovtyng Reseyge qashan kóship ketkeni turaly naqty derekter joq.

Abai.kz