Býgin Qyrghyzstannyng janadan saylanghan preziydenti Sadyr Japarovtyng úlyqtau rәsimi ótti. Onda Qyrghyz preziydenti ant berip, resmy týrde qyzmetine kiristi.

Sharagha mynnan astam qonaq shaqyrylghan. Olardyng qatarynda qarapayym azamattar, qogham qayratkerleri, ghalymdar men ziyaly qauym ókilderi, otandyq jәne sheteldik BAQ basshylary bar.

Sonymen qatar inaugurasiyagha búrynghy preziydentter Sooronbay Jeenbekov pen Roza Otunbaeva da qatysqan. Úlyqtau rәsiminde OSK tórayymy Núrjan Shayldabekova saylau qorytyndylaryn jariyalap, Sadyr Japarovqa preziydenttik tósbelgi men etalon tapsyrdy.

Al, Japarovtyng inaugrasiyasyna Qazaqstannan eks-preziydent N.Nazarbaevtyng arnayy ókili, QHA tóraghasy Janseyit Týimebaev bardy.

Ol Qazaqstan halqy men onyng túnghysh preziydenti N.Nazarbaevtyng atynan qyrghyz preziydentin arnayy qúttyqtap, qyzmetine tabys tilepti.

«Qúrmetti Sadyr Núrghojaevich, qadirli qyrghyz halqy, bauyrlarymyz! Sizdi býgingi Qyrghyz Respublikasy preziydentining lauazymyna kirisuinizben, osy ýlken sharamen tóskeyde maly, tósekte basy qosylghan, auyly aralas, qoyy qoralas, ózderinizge eng jaqyn Qazaqstan halqynyng atynan, onyng túnghysh preziydenti, Elbasymyz Núrsúltan Ábishúly Nazarbaevtyng atynan osy qúttyqtaudy oqugha rúqsat etinizder. 

Joghary mәrtebeli Sadyr Japar myrzagha! 

Qúrmetti Sadyr Núrghojaevich, Qyrghyz Respublikasynyng preziydenti lauazymyna kirisuinizben sizdi shyn jýrekten qúttyqtaymyn! Elinizding jarqyn bolashaghy men mýddesi jolyndaghy jauapty júmysynyz memleketinizding tútastyghyn nyghaytugha jәne halyqaralyq arenadaghy bedelin asqaqtatugha baghyttalghan isterinizding tabysty boluyna tilektespin. 

Qazaqstan jәne Qyrghyzstan arasyndaghy dostyqqa, tatu kórshilikke jәne strategiyalyq seriktestikke negizdelgen yntymaqtastyq jana sapaly dengeyge kóterilip, halyqtarymyzdyng iygiligi ýshin búdan әri nyghaya beretinine ýmittenemin.

Osy orayly sәtti paydalana otyryp, qúrmetti Sadyr Núrghojaevich, sizge zor densaulyq jәne jauapty qyzmetinizge tolayym tabys, al, bauyrlas qyrghyz halqyna qút-bereke men órkendeu tileymin!

Izgi niyetpen Núrsúltan Nazarbaev, Qazaqstan Respublikasynyng túnghysh preziydenti, Elbasy»,- dedi Týimebaev.

Ayta keteyik, 10 qantar kýni Qyrghyzstanda merziminen búryn preziydent saylauy ótti. Saylau qorytyndylary boyynsha 79,2 payyz dauys jinaghan Sadyr Japarov jeniske jetti.

Al, 11 qantar kýni Qazaqstan preziydenti Qasym-Jomart Toqaev Qyrghyz Respublikasynyng janadan saylanghan Preziydenti Sadyr Japarovty saylaudaghy jenisimen qúttyqtap, telefon arqyly sóilesti.

Sonday-aq, Qasym-Jomart Toqaev Sadyr Japarovty Qazaqstangha resmy saparmen keluge shaqyrdy. Qyrghyz basshysy shaqyrudy qabyl alyp, Preziydent retindegi birinshi saparyn Qazaqstannan bastaytynyn aitqan.

Alayda, Japarovtyn baspasóz hatshysy Galina Bayterek onyng shetelge  alghashqy sapary Resey Federasiyasynan bastalatynyn aytqan. Sonymen qatar ol әleumettik jelilerde «Resey Sadyr Japarovty qabyldaugha dayyn emes», degen aqparattyng jalghan ekenine toqtaldy.

«Búl baghyttaghy júmystar qazirding ózinde jýrip jatyr. Aldaghy sapardyng kýnderi men mazmúny reseylik tarappen birge pysyqtaluda. «Resey Sadyr Japarovty qabyldaugha dayyn emes» degen aqparat shyndyqqa sәikes kelmeydi», - dedi Galina Bәiterek.

Japarovtyng Reseyge saparyn respublika premier-ministrining mindetin atqarushy Ravshan Sabirov ta mәlimdegen.

Qyrghyz basshysynyng Mәskeuge sapary qay kýni ekeni әli aitylghan joq jәne, Delegasiya qúramynyng Mәskeumen kelissózder taqyryby da әzirge belgisiz.

Núrbiyke Beksúltanqyzy

Abai.kz