Beysenbi, 17 Mausym 2021
Qogham 8200 2 pikir 24 Aqpan, 2021 saghat 11:48

Reseydegi apat. Qazaqstangha gaz tasymaldau toqtatyldy

Reseyding Orynbor oblysynyng Elek audanynda federaldyq magistraldy gaz qúbyrynda jarylys boldy. Búl turaly  RF Energetika ministrligi mәlimdedi. Atalghan gaz qúbyry «Gazprom transgaz Ekaterinburg» kompaniyasyna tiyesili eken.

«Federaldyq magistraldy gaz qúbyrynda bolghan jarylystan eshkim zardap shekpedi, eshtene qiraghan joq. Apat aumaghy eldi mekenderden alys jerde jatyr. Aqparat boyynsha, búl Orynbor - Novopskov gaz qúbyrynyng bir tarmaghy. Magistraldy gaz qúbyry Elek audany, Orynbor men Soli-IYlesk audanynyng bir bóligin gazben qamtamasyz etedi jәne Qazaqstangha gaz jetkizedi», delingen gubernatordyng baspasóz habarlamasynda.

Resey energetika ministrligi apattyng saldarynan Qazaqstangha gaz tasymaldau toqtatylghanyn habarlady. Ministrlikting mәlimetinshe, «Songz» gaz qúbyrynyng 108-shaqyrymynda gaz qysymy týsip ketip, izinshe auada janghan. Qazir ol aumaqta gaz janu toqtamaghan. Tútynushylargha Orynbor - Novopskov gaz qúbyry ballondary arqyly «kógildir otyn» tasymaldanady.

Orynbor gubernatorynyng baspasóz qyzmeti gaz qúbyry bitelgenin, aumaqty jóndeuge eki kýn ketetinin habarlady.

Qazaqstan energetika ministrligi bir bóligi Qazaqstan aumaghy arqyly ótetin «Soiz» jәne «Orynbor – Novopskov» magistraldy gaz qúbyrlary boyynsha gaz tasymaldau toqtatylghanyn aitty. Sәikesinshe, Resey gazy men Orynbor zauytynan Qarashyghanaq gazyn tasymaldau da toqtatylghanyn rastady. Onyng negizgi tútynushysy - Batys Qazaqstan oblysy.

Abai.kz

2 pikir