Býgingi kýning basty taqyryby – Shyghys Qazaqstannyng Semey qalasyndaghy «Abay-Arena» sport keshenine elding eks-preziydenti Núrsúltan Nazarbaevtyng esimin beru mәselesi boldy.

BAQ pen әleumettik jeli Semeydegi bir kóshe men sport kesheni Núrsúltan Nazarbaev atyna beriledi degendi jarysa jazyp jatyr. Nobayy: «Núrsúltan Nazarbaev kóshesindegi «Elbasy-Arena» stadiony» boluy mýmkin edi.

Kim úsyndy?

Jergilikti mәslihat aqparatynsha, búl úsynysty 30 shaqty adamnan qúralghan bastamashyl top úsynghan. Janaghy úsynys bildirip, bastama kótergen otyzdyq aqsaqaldar, tanymal sportshylar, qogham qayratkerleri, ziyaly qauym ókilderi, jergilikti deputattyq korpus, Ýkimettik emes úiym ókilderi, qogham belsendilerilerinen qúralypty.

Elge esimi belgili paluan, qazirgi mәslihat deputaty Aybek Núghymarov: «Qaraghayly shaghyn audanyndaghy qazir atausyz túrghan kóshege «Nazarbaev danghyly» degen atau berilgenin qalaymyz. Sonday-aq, sol audandaghy sport keshenine de Túnghysh Preziydentting esimi berilip, «Elbasy-Arena» dep atau turaly bastama kóterildi.

Barlyghy boldy. Mәdeniyet, sport ókilderi men qalalyq belsendiler... Qazir sheshim qalalyq maslihatta qaralyp jatyr. Odan әri Astanagha jiberiledi. Sol jaq sheshedi», - dep súhbat beripti.

Sóitip jergilikti deputattar búl úsynysty qalalyq mәslihattyng jaqynda ótetin sessiyasynda qaraugha maqúldasypty.

Sonday-aq, «Memleketti nyghaytudaghy Elbasy Núsúltan Ábishúly Nazarbaevtyng enbegin úlyqtau jәne QR Tәuelsizdigining 30 jyldyghyna oray osynday bastama kóterildi. Búl mәseleni onlayn jәne jýzbe-jýz formatta talqylaugha 10 myng adam qatysqan», - degen jergilikti mәslihat mәlimdemesin BAQ taratyp jatyr.

Bir aita keterligi, dәl osy Núrsúltan Nazarbaevqa esimi berilgeli jatqan sport kesheni osyghan deyin «Abay-Arena» dep atalyp kelgen.

«Bastamashyl top Qaraghayly shaghyn audanyndaghy kóshege jәne «Abay arena» stadionyna (qazaq aqyny Abay Qúnanbaevtyng qúrmetine qoyylghan) elding búrynghy preziydenti Núrsúltan Nazarbaevtyng esimin berudi súraghan», - dep jazady «Azattyq radiosy».

«Ekspress-K» aqparatynsha, 5 myng adam siyatyn kópfunksionaldy mәdeniy-sporttyq keshen QR Tәuelsizdigi kýnining qarsanynda, 2019 jyly Semeyde ashylghan. Sport nysany Qaraghayly deytin jana yqsham audanda túrghyzylghan. Búl keshendi josparlau jәne qúrylys kezeninde «Abay-Arena» dep atalghan», - dep jazady «Azattyq-ruhy.kz».

«Semeyde ShQO budjeti qarjysyna «Abay-Arena» mәdeniy-sporttyq kesheni salynuda. Onyng jalpy aumaghy 33,8 myng sharshy metrdi qúraydy. Keshenning qúrylysy biyl ayaqtalyp, qoldanysqa beriledi», - degen «Kapital.kz» 2019 jyly.

«Qasym-Jomart Toqaev «Abay Arena» mәdeniy-sport keshenining qúrylysymen tanysty», - dep jazady «Aqorda» sayty 2019 jyldyng 26 sәuiri kýni.

Elbasynyng ózi ne deydi?

«Abay-Arena» sport keshenine Nazarbaev esimin beru turaly úsynys BAQ pen jelide qyzu talqy boluda. Kópshilik júrt búl úsynysqa óz narazylyqtaryn aityp jatyr.

Al býgin Núrsúltan Nazarbaevtyng baspasóz hatshysy Aydos Ýkibay Twitter-de: «Áleumettik jeliler men BAQ-ta ShQO belsendilerining «Abay arena» stadionynyng atauyn ózgertu turaly úsynysy talqylanuda. Elbasy әrdayym ózine qatysty múnday «qúrmet-qoshemetke» qarsy. N.Nazarbaevtyng pikirinshe, stadion qazaqtyng úly aqyny әri filosofynyng atynda qalugha tiyis», - dep jazdy.

BAQ: «Dey túrghanmen, Núrsúltan Nazarbaevtyng ózi qyzmettik karierasynyng alghashqy jyldary jeke túlghany erekshe úlyqtau deytin alashapqyn, belsendilikti synaytyn», - dep jazady.

Mysaly, 2017 jyly Preziydentting BAQ ókilderimen kezdesui barysynda jurnalist Gýlnәr Bajkenova: «Songhy uaqytta sizding qúrmetinizge ólender jazylyp, kino týsirilip, eskertkishter qoyylyp jatyr, deputattar da týrli úsynystar joldap jatyr. Konstitusiyanyng 91-babyn ózgertu arqyly túnghysh preziydentting mәrtebesin bekitip te qoydy. Mening saualym qarapayym ghana: Siz búghan qalay qaraysyz? Sizge búl kerek pe? Álde múnyng bәri solardy jasap jatqan adamdargha qajet pe?», - dep súraghan.

«Bir sózben ghana aita alamyn: Maghan múnday nәrseler kerek emes. Men búl turaly ýnemi ashyq aityp jýrmin», - degen Nazarbaev Mark Avreliyding «Eskertkish soghu arqyly, keler úrpaq seni esine alady dep oilama», degen sózin mysal etken.

«Kezinde Leninnin, Stalinning eskertkishin shuyldap qoldaghandar qazir ne boldy?.. Sol qoldaghan adamdar әlgi túlghalardy ózderi qúlatyp tastady. Keyin preziydenttikten ketken kezde, men keler úrpaqtyng sheshimine әser ete almaytyn bolamyn», - degen.

Ayta keteyik, qazirding ózinde Almaty, Aqtau, Qaraghandy, Oral, Óskemen, Shymkent, Qostanay, Kókshetau, Pavlodar qalalarynda Núrsúltan Nazarbaev atyndaghy kósheler bar. Al preziydent Toqaev el tizginin ústaghan sәtte-aq, ant qabyldap bolysymen, Memleket astanasyna Núrsúltan Nazarbaevtyng esimin beru kerek degen úsynys aitqan edi. Keyin Astana qalasy edel-jedel Núr-Súltan qalasy bolyp ózgergen. Astana atauyn ózgertuge qatysty el-júrttyng pikiri súralmaghan.

Sonday-aq, elimizde birneshe nysan birinshi preziydentting esimimen atalady. Halyqaralyq әuejay, sayabaqtar men mektepter t.b. Núrsúltan Nazarbaev kósheleri men eskertkishteri elimizden tys, shet memleketterde de bar.

Abai.kz