Býgin Parlament Mәjilisining jalpy otyrysynda deputat Ghalymjan Eleuov dәrilik qamtamasyz etuge qatysty mәsele kóterip, Densaulyq saqtau ministrine deputattyq saual joldady.

Deputattyng aituynsha, auyr diagnozdary bar adamdargha asa manyzdy preparattar uaqytynda jetkizilmeude. Býginde sәuir aiynyng ortasy bolghanymen, ókinishke oray, tizimdegi 70-ke juyq preparat әli kýnge deyin satyp alynbaghan.

Sonymen birge osy 70 preparattan basqa, satyp alyndy dep kórsetilgen 45 preparattyng alghashqy jetkizilu merzimi sәuir aiynan bastalady, al keybireuler tipti 2021 jyldyng qazan aiynan bastap jetkizilmek.

Osy rette, Ghalymjan Eleuov 2021 jylgha arnalghan birynghay distribiutordan satyp alynatyn dәrilik zattardyn, medisinalyq búiymdardyng tizimi Densaulyq saqtau ministrligining búiryghymen 2020 jyldyng 28 shildesinde bekitilgenin atap ótti.

Yaghniy,  2021 jyldyng bastaluyna deyin halyqty tegin dәrilik qúraldarmen qamtamasyz etu boyynsha mindet aldyn ala belgilendi.

Býgingi kýni onkologiyalyq auruhanalardyng esebinde 180 mynnan astam azamat tirkelgen. Ókinishke oray, jyl sayyn elimizde olardyng qatary 30 myng adamgha kóbengde. Búl nauqastargha arnalghan dәrilerding tipti 10 kýnge keshigip jetkizilui auyr jaghdaygha alyp kelui mýmkin.

- Osyghan qaramastan mening resmy saualdaryma SK-Farmasiya aqparaty boyynsha onkologiyalyq nauqastar ýshin L-asparaginaza, Vinblastiyn, Denozumab, Metotreksat, Siklofosfamid sekildi isikke qarsy preparattar satyp alynbaghan, - dedi deputat.

Gh.Eleuovtyng aituynsha, tuberkulezge shaldyqqan nauqastardyng da jaghdayy auyr, sebebi Izoniaziyd, Protionamiyd, Rifampisin uaqytynda әkelinbegen.

Osy rette, Qazaqstanda tynys alu organdarynyng aurularynan qaytys bolghan adamdardyng sany óte kóp ekenin algha tartqan deputat bronh demikpesine jәne ókpening sozylmaly obstruktivti auruyna shaldyqqan nauqastar dәrilermen tolyq emes kólemde qamtamasyz etilgen – Vilanterol, Flutikazona furoat, Surfaktant, Teofillin satyp alynbaghanyna nazar audardy.

Sonday-aq, 1 jәne 2 tipti qant diabetimen auyratyn adamdar Insulin glulizinmen qamtamasyz etilmegen.

- Keybir neyroleptikter men epiylepsiyagha qarsy qúraldar satyp alynbady. Jii kezde olar Qazaqstannyng dәrihanalarynda satylmaydy, halyq amalyn tauyp, olardy kórshiles respublikalardan tanystar arqyly zansyz aldyrugha mәjbýr, - dedi Gh. Eleuov.

Sonymen qatar, deputat Últtyq ekpeler kýntizbesine sәikes 2, 3, 4, 18 aidaghy balalargha jәne 6 jastaghy balalargha qoyylatyn difteriyagha, kókjótelge, sirespege, poliomiyelitke qarsy ekpeni satyp alu boyynsha ótkizilmegen konkurs erekshe alandaushylyqty tudyratynyn jetkizdi.

Jogharyda bayandalghannyng negizinde Densaulyq saqtau ministrliginen tegin medisinalyq kómekting kepildik berilgen kólemi shenberinde jәne mindetti әleumettik medisinalyq saqtandyru jýiesi boyynsha dәrilik preparattardyng tolyq kólemde satyp alynuyn qamtamasyz etudi, dәri-dәrmekterdi uaqytynda emes jәne tolyq emes kólemde jetkizu mәselesin, birinshi jetkizuding kesh merzimin sheshu turaly uәkiletti organ qanday sharalardy qabyldaytynyn týsindirudi jәne basqarushylyq sheshimderding qabyldanuyn úzartyp jatqan túlghalardyng jauapkershiligi turaly aqparat berudi talap etti.

Abai.kz