Úyaly telefonnyng hat jazysu mýmkindigin keninen paydalanyp jýrgenderding biri men shygharmyn. Bir ghajaby, bireulerding maghan jazghan hattary da, mening bireulerge jazghan hattarym da, arnayy óshirip otyrmasan, telefonnyng jadynda jinalyp túra beredi eken. Qaytalap oqysan, ótken ómiring esine týsip, sananda janghyryp, sol sәtterdi qaytadan basynnan keshkendey bolasyn. Taghy bir qyzyghy, hattardy ólenmen jazghangha eshtene jýrmeydi. Ásirese, tany ólenmen atyp, kýni ólenmen batatyn, ainalasyn aqyndar qorshaghan men siyaqty kisige ólen-hattardyng qadiri bólek. Bógde sóz qospay, oiyndy jetkizip aita alasyn. Ózime jii SMS hattaryn joldap jatatyn Serik Abas-shahtan bir hatyma jauap bolmay qalghanda, bylay dep sәlem joldappyn:

Nege jauap bermeding esemeske,

Týsti me tóbendegi kósem eske?!

Ánsheyinde auyzyn jappay jýrip,

Toyda óleng tappaghan osy emes pe?

Ol kezde "Habar" arnasynda bas produ­ser bolyp qyzmet atqaryp jýrgen Serik "Qazaqstan" telearnasyna qyzmet auystyrghan eken, bylay dep hat jazypty:

Kóniline myng alghys, agha, arnaghan,

Kinәniz de oryndy taghar maghan.

Hat-habarsyz ketkenim zandy shyghar,

QAZ arnagha auystym habarnadan.

Úyaly telefonnyng hat jazysu mýmkindigin keninen paydalanyp jýrgenderding biri men shygharmyn. Bir ghajaby, bireulerding maghan jazghan hattary da, mening bireulerge jazghan hattarym da, arnayy óshirip otyrmasan, telefonnyng jadynda jinalyp túra beredi eken. Qaytalap oqysan, ótken ómiring esine týsip, sananda janghyryp, sol sәtterdi qaytadan basynnan keshkendey bolasyn. Taghy bir qyzyghy, hattardy ólenmen jazghangha eshtene jýrmeydi. Ásirese, tany ólenmen atyp, kýni ólenmen batatyn, ainalasyn aqyndar qorshaghan men siyaqty kisige ólen-hattardyng qadiri bólek. Bógde sóz qospay, oiyndy jetkizip aita alasyn. Ózime jii SMS hattaryn joldap jatatyn Serik Abas-shahtan bir hatyma jauap bolmay qalghanda, bylay dep sәlem joldappyn:

Nege jauap bermeding esemeske,

Týsti me tóbendegi kósem eske?!

Ánsheyinde auyzyn jappay jýrip,

Toyda óleng tappaghan osy emes pe?

Ol kezde "Habar" arnasynda bas produ­ser bolyp qyzmet atqaryp jýrgen Serik "Qazaqstan" telearnasyna qyzmet auystyrghan eken, bylay dep hat jazypty:

Kóniline myng alghys, agha, arnaghan,

Kinәniz de oryndy taghar maghan.

Hat-habarsyz ketkenim zandy shyghar,

QAZ arnagha auystym habarnadan.

Maghan ólenmen SMS hattar joldap túratyn Serik Abas-shahtyng bir ereksheligi, qoghamda bolyp jatqan kez kelgen oqighagha baylanysty ózining kózqarasyn bildirip otyrugha tyrysady. Ras, onyng keybir sóz qoldanystary, jasandy úiqastary mening oiymnan shygha bermeydi. Alayda, ólenderin kópshilikke jariyalap, aqynmyn dep ataghyn shygharugha talasy joq Serikting onday selkeu sózderine onsha min tagha bermeymin, oghash oilaryn qyzyqtap, qal-qadarymsha jauap berip jýremin. Bir joly Serik mynanday hat joldapty:

Jýrsin agha, erte ghoy jyr-estelik,

Shabyt jaghyn saqtanyz "kýreske" enip.

TJ bolyp qashanghy shydamaqpyz,

Namys jatyr taptalyp, "prestelip"

Mening jauabym:

Sózderim qalsa oiynda prestelip

Jazarsyng men turaly bir estelik.

Baltalasa búzylmas úiqasymdy

"Qaltana sap", úmytpay jýr eskerip.

Bir jaqsysy, sayasattaghy keybir oqighalargha kelgende, Serikting qalamy sýirendep ketedi. Bir joly, Astana men Almatyda qysqy Aziada ótip jatqan kezde, ol maghan "Mahabbat, densaulyq, Aziada qalay?" dep hat joldapty. Men ólenmen jauap berdim:

Qyzghanyshtan jan eding ózing ada,

Ádil jauap bereyin bazynana.

Mahabbat pen densaulyq orynynda,

Uayymym jalghyz-aq - Aziyada.

Mәjilisting saylauy jýrip jatqan kezde Abas-shah meni taghy da ólenmen qajapty:

Jýldesine at qosyp, tay qystyryp

Aqyndardy jýrsiz ghoy aitystyryp.

Shyqpaysyz ba "Aq jolgha" "Núr-sezimmen",

Qalaulanyp óziniz "taytys" qúryp?

 

Mәjilisti aq jolmen "taza aldandar",

Onay sheshpes basyna "tәj alghandar".

Jýrsinder jýre bermey "otyrmay ma"

Auysqangha arttary "qajalghandar"?

Saylau dese, mening tóbe shashym tik túratynyn Serik inim qaydan bilsin? Kezekten tys saylau, referendum ótkizemiz dep, alashapqyn bolyp jýrgen kezimizde, ol taghy bir sәlem joldapty:

Útpadyq úyat ýshin qyrqysyp týk,

Kózimizdi "kýn-sәule" túr qysyq qyp.

Altysyna shildening Jana jyldy

Auystyrmay tynbaydy-au "Núr-pysyqtyq".

Saylau mәresine jetken kezde, men de Serikke kezekti qaljynymdy jiberdim:

Qaling qalay "Habardaghy" qalamdas?

Qalamgerdi qamyqtyrghan el onbas.

"Biz jendik" dep, aspangha atyp bórkimdi,

Sodan beri jýrmin әli jalanbas.

 

Serik te esesin jibermepti:

Kemel jasqa kelseniz de, anghalsyz.

Bizding elde "Núr" bolmasa, sham da әlsiz.

Aqyn agha, bórkinizdi qaytesiz,

Artyn ashyp, jýr ghoy halyq dambalsyz!

Serikting osynday shamshyl shumaqtaryn әli kýnge qaytalap oqyp, oilanyp qalamyn:

Ýy qúsymyz,

Úiqysy - múz,

Torgha qashqan qauipten,

Bir qorazy ghúmyr keshken

Milliondaghan tauyqpen.

Qyt-qyt ýnning bar esebin

Eseptemey aitatyn

Maqtanamyz balger-búlbúl

Ertisbaev - tәuippen.

Nemese:

Palauyn asyp otyr Sayramda agham,

Ivan da mas,

Dәl býgin Bayram da "adam"

Qúttyqtaymyn qazaqty meyram atty

Kelimsekter kýnimen tayrandaghan.

Astanagha Belorussiyanyng preziydenti Aleksandr Lukashenko kelgen kýni men Serikke súraq qoyyppyn:

Dәmetip jýrgen kezde júrt batadan,

Men ózim jýrushi edim syrtqa taman.

Minskide my ashyp jatqan kezde

Astanada neghyp jýr múrtty ataman?

 

Serik te qolma-qol jauap beripti:

Bayqamapsyz batpanday batqan izdi,

Jaqsy kórip kelgen joq "Batika" bizdi.

Jaqyn júrty ketken song tyndamastan

Ózi jayly jyrlap jýr jatqa "anyzdy".

Egiypetting preziydenti Hosny Mubarak attan qúlap jatqan kezde men Serikke hat hazyppyn:

Vuzymyzgha at qoyyp "Núr-Mýbarak",

Bir kýn qazaq bolyp ek, bir kýn arab.

Mýbaraktyng múrnynan qan ketkende

Terezeden aghamyz túrdy qarap.

Maghan aitys aqyndary ólenmen hat jazyp jatady. Ásirese, kezekti aitystyng dýbiri shyqqan kezde, múnday hattar jiyiley týsedi. Astanalyq Baqytjan Qasymovtyng ólen-haty solardyng birazymen mazmúndas:

Ua Jýke, jaman ining babynda әli,

Dodasyz tauym jatyr shaghylghaly.

Týsimde aitys penen sizdi kórem,

Ólenning jәrmenkesin saghynghaly.

Halyqaralyq aitysta tórtinshi jýldege ie bol­ghan Erkebúlan Qaynazarov ta rizalyghyn tórt jolgha syighyzypty:

Bolmaghan song tilim - tas, tanday - temir,

Jyrmen baghyp jýrmiz ghoy jandy әiteuir.

Shýkirlik tórtting biri bolghanyma,

Kópting biri bolmasam boldy әiteuir.

Búl - jýldeger bolghan aqynnyng nazy bolsa, aitystyng alamanyna qosyla almay qalghan aqynnyng haty mening janymdy auyrtady. Bir aitysta qatty sýrinip ketip, aitystan shettenkirep jýrgen qyzylordalyq Erjenis Ábdiyev bylay múng shaghady:

Maghan jastay dem berip adal dostay,

Jarqyratqan ózing eng aq almastay.

Qap týbine qaytadan salyp qoydyn,

Sýrinip em jatyp-aq qadam baspay.

Tildesuge men bolsam tosyrqaymyn,

Sen keyime ketting dep habarlaspay.

Baq tausylar degende kóp qarsylar,

Jauar әli baq bolyp aq tamshylar.

Úl-qyzdaryng qasyna jinaluda,

Saulyghyndy bәri de Haqtan súrar.

Bir balandy tappasang arasynan,

Bir búryshta býk týsip jatqan shyghar?!

Osylay qolqa salatyn jalghyz Erjenis deymisiz? Sóz úghatyn adamgha osynday hattar qansha jan azabyn ala keletinin shamalay beriniz. Ár aitystyng aldynda keletin osynday ólen-hattar meni sergeldenge týsiredi.

Byltyr Múqaghaly Maqataevtyng tughanyna 80 jyl toluyna oray ótkizilgen respublikalyq mýshәirada men bas jýldege ie boldym. Ózimning eng jaqsy kóretin shәkirtterimning biri, oraldyq Bauyrjan Haliolla ólenmen qúttyqtau joldapty:

Maqataev...! Jazmysh pa, әlde búiryq pa,

Qútty bolsyn! Qymyzyndy qúy júrtqa.

Tiri jýrsek, talasarmyz biz de erten

Jýrsin Erman atyndaghy syilyqqa!

Men Bauyrjannyng poeziyasyn joghary baghalaymyn. "Bir óleng - bir әlem" atty mýshәirada it turaly ólenimen jýldege de ie bolghan. Alghash­qy kitaby da mening alghysózimmen jaryq kórgen. Átten, "jútyp" qoyatyny bar. Bar bol­ghanda da, keyde tipti mólsherden asyp, on-solyn joghaltyp alady. Sol ýshin men oghan kóp renjiymin. Kóp úrsamyn. Álgi qúttyqtaudyng aldynda da aramyzda sonday bir týs shayysular bolyp edi. Sol sebepti de jauabym qatqyl shyqsa kerek:

Ghúmyry bar sabynday-aq qamshynyn

Óz biyigin bilu kerek әr shybyn.

Jýrsin Erman atyndaghy syilyqty

Alqashtardyng aluyna qarsymyn!

Alqash desem, shamdanba, alqash inim,

Men ózim de sol qúrttyng maltasymyn.

Talantynnyng su qúiyp tóbesinen

Etip jýrme erterek jan-tәsilim!

 

Múnday qatty sózge shydamaghan Bauyrjan da short ketipti:

 

Saqtap kelgen songhy sózing boldy ma,

Endi aldynda ústamaspyn dombyra.

Bir aqynnyng alyp túryp syilyghyn

Bir aqyndy tabalauyng - zor kýnә!

Búghan ne deuge bolady?! Men Bauyrjangha jauap hat jazghanym joq. Eesesine ol taghy bir hat joldady:

Osy aitystyng jýrgizem dep kemesin,

Sen otyz jyl arpalysyp kelesin.

It terimdi qaptap mening basyma,

Tu syrtyna kelip qalsam - tebesin.

Senemin dep aitys penen ólenge,

Sau tamtyq jer qalmap edi denende.

Tabynatyn jalghyz shәkirt men edim,

Qayran ústaz, aiyryldyn-au menen de!

Men kýni keshege deyin Preziydenttik mәdeniyet ortalyghynda diyrektordyng kenesshisi bolyp qyzmet istep keldim. Búrynghy Syrtqy ister ministri, memlekettik hatshy Qanat Saudabaev ayaq astynan diyrektor bolyp keldi de, qysqartu arqyly taghy da júmystan ketuime tura keldi. Osyny estigen bolu kerek, qaraghandylyq aqyn bauyrym әri qazaqy jolmen baldyzym bolyp keletin Didar Qamiyev "kónil aitu" hatyn joldapty:

Ua, Jýke, jezdem eding sen jyr keude,

Kóniling úqsas túnyq, móldir kólge.

Arda ónerge arasha týse bildin,

Jeligip talay tóbet jelge ýrgenge.

Kóp aqyndy kirgizding radiogha,

Qyzmetsiz qalmasyn dep men jýrgende.

Sóitken Jýrsin Ermannyng osy kýni

Júmyssyz ekendigin el bilgen be.

IYne bayghús jalanash qalady eken,

Álemdi kiyindirem dep jýrgende.

Men Didardyng óz úiqasyn saqtay otyryp, bir shumaqpen jauap joldaghan edim:

Bolmaydy elden biyik ermin deuge,

Men qashan qyzmetpen kerdim keude.

Kýrekke boq taba almay qaldym taghy

Týsirip Saudabaev tendirleuge.

Ashtan óle qoymaspyn, kóshten qalyp,

Arghyndar josylyp jýr endi irgemde.

Didardyng jauaby da әzir túr eken:

Qypshaq bop tulaghany boyda qannyn,

Obrazyn somdasang oily adamnyn.

Qyzmet - jusa keter qoldyng kiri,

Búdan jaman kýnde de toygha bardyn.

Qazaq ýshin siz beldi qyzmetkersiz,

30 jyl arda ónerdi joymaghan kim.

Jýrseke, artyq ketsem, keshirersiz,

Jezdem dep, jaqyn tartyp, oinaghanmyn.

Kýieuin ash-jalanash qaldyrmaydy

Bireuin patsha qylyp qoyghan arghyn!

Osynday oryndy әzili bar, úrymtal sózi bar SMS hattardyng kisige syilaytyn quanyshy nege túrady? Qaghazgha qaysysyn týsire bere­sin? Serik Abas-shahqa joldaghan bir hatymmen sózdi shiyrayyn:

Aynalghanday beyne bir qúzghyngha adam,

Azyp bara jatyr-au bizding qogham.

Bir jaqsysy - kózindi ózi shoqyp,

Bere qoymas basqagha tizgindi aghan.

Bal jalatsa, keregi ne túzdyng maghan,

TJ-lardyng birimiz biz myndaghan.

Sirә, Serikting de kónili qúlazyghan bir shaghyna tap kelsem kerek, onyng hat jazghan auany sony anghartady:

Balalardy endi eshkim oinatpaydy,

Taylaq bitken pessimist, oilap qayghy.

Altyn shashty tek qana kәri týie

Ruhpen oinap, tonqandap, oinaqtaydy.

Topastyqtyng sezgende kýshin anyq,

Kónil azyp,

Qalady kisi nalyp.

Qalyng súraq qaumalap, qajytqanda,

Oydan qashqyng keledi iship alyp!

Qoy, Serikjan, qajyma! Ómir kýrdeliligimen qyzyq. Abay atan: "bәri ótpeli bolsa, jamanshylyq nege túraqtap qalady dep oilaysyn", - demep pe edi.

Odan da, qolyng qalt etkende, hat jazyp túr!

Jýrsin ERMAN

«Jas Alash» gazeti