Atyrauda ótken jyly 440 million tengege kýrdeli jóndeuden ótken mektepting edenderining tesikterin múghalimder ózderi jamap jatyr, dep habarlaydy Arasha.kz aqparat agenttigine silteme jasap Abai.kz.

Qazynanyng qarjysy iygerilgen. Bitken júmysty jauaptylar qabyldap alghan. Alayda bilim ordasynyng esik-terezesi qanyrap, edeni shúryq-tesik kýiinde qalghan. Atyrau qalasyndaghy Maqash Bekmúhanbetov atyndaghy mektepting mәselesin qyzmetkerining biri әleumettik jelige salghan. 440 million tengege tolyqtay kýrdeli jóndeuden ótken mektepting edenining tesikterin qyzmetkerler ózderi jamap jatyr. Búl aqparatty mektepting múghalimderining biri rastady. Onyng sózinshe milliondap qarjy bólingenimen sapasy syn kótermeydi.

“Eriksiz mәjbýrli týrde. Syrttaghy bitpey qalghan júmystyng barlyghyn múghalimder jasady. Jer-jerde boqtyq qaldy.Sonyng barlyghyn qyzmetkerler jasady. Jigitter jaghyn shaqyrtyp jasatty”, – deydi M.Bekmúhanbetov atyndaghy orta mektep múghalimi Raisa Jumabaeva.

Al mektep diyrektorynyng sózinshe jóndeu júmysyn jasaugha múghalimning ózi úsynys jasapty.

“Dene shynyqtyru múghalimi úsynys jasady. Eden kórikti boluy ýshin, odan әri jaqsartu maqsatynda bir-eki sanylau boldy sony "apay bitep tastasaq qaytedi" dep óz erikterimen 2-3 jerdi bitedi”, – deydi M.Bekmúhanbetov atyndaghy orta mektep diyrektory Aynúr Salyqova.

Atyrau oblystyq Bilim beru basqarmasy ókilderining sózinshe qazir mektep diyrektoryna tәrtiptik shara qoldanylghan.

Abai.kz