QR Preziydenti Qasym-Jomart Toqaevtyn,

QR Jogharghy sotynyng tóraghasy Jaqyp Asanovtyng nazaryna!

Jalpy, Sot biyligi – tәuelsiz biylik. Sot biyligi – qoghamdaghy naqty ister men daulardy әdilet tarazysyna salyp sheshetin organ. Sot biyligi – zandylyq pen qúqyqtyq tәrtipti qamtamasyz etushi! Sot biyligi – konstitusiyalyq qúrylysty, sayasy jәne ekonomikalyq jýieni, azamattardyn, memleketting jәne qoghamdyq úiymdardyng qúqyqtary men zandy mýddelerin qorghaytyn organ. Sot biyligi – azamattar әdilet izdep bas tireytin aqyrghy minberi.

Ras, býgingi Qazaqstannyng sot jýiesine qatysty aitylar syn az emes. Tórdegi sottar tym qatal, tym tәkapar, tym biyik. Aldyna kelgen adamnyng aghyn aqtap, qarasyn aiyptap, әdiletti sheshim shygharudan góri, móliyip kelgen miskinnen qylmysker, pәleqor, basbúzar obrazyn kóruge beyim túrady. Sondyqtan da, sot jýiesine degen elding senim krediyti tausylargha tap keldi. Tausyldy desek te artyq aitqandyq emes.

Preziydent Toqaev aitqan «әdiletti memleket» qúru konsepsiyasynyng alghysharty – әdil sheshim shygharatyn sot jýiesin qalyptastyru. Al әdiletsiz sotpen әdiletti sheshim shygharu, әdiletti memleket qúru mýmkin emes ekeni ekibastan týsinikti. Ádiletti sotqa qogham da, memleket te mýddeli. Sondyqtan, týbegeyli reforma qajet! Ony zang ústaghan zangerler de, sauaty bar sarapshy-mamandar da, Jaqyp Qajymanúly tizginin ústaghan Jogharghy sot pen Konstitusiyanyng kepili deytin Preziydent te jaqsy týsinedi.

Songhy kezderi Qazaqstannyng aqparat kenistiginde sot jýiesi men sudyalargha qatysty negativti aqparattar leg-legimen jariyalanyp jatyr. «Sudiya para alyp jatyp ústalypty», «Sudiya para berip jatyp qúryqtalypty», «Sudiya saunada ústalypty», «Sudiyanyng zәulim sarayy men dýniye-baylyghy әshkere bolypty» t.b. Múnyng barlyghy óz kezeginde elding sot jýiesine degen negativti pikirin kóbeytpese, azaytpaytyny jәne ras. Búl óz aldyna bólek әngime.

Sudiyagha kim arasha?

Jogharyda, sot minberi azamattardyng aqiqat súrap taban tireytin aqyrghy minberi ekenin aittyq. Al endi sol sottardyng ózi әdilet izdep, arasha súraghanda kimge jýginbek?

Redaksiyamyzdyng elektrondy poshtasyna Gýlnúr Qúrmanbay esimdi Qyzylorda oblysy, Shiyeli audandyq soty sudiyasynyn  ózining basshylyghy, yaghny Shiyeli audandyq sotynyng tóraghasy tarypanyn qysym men qudalaugha úshyraghanyn aityp, ýshbu haty kelip týsti.  Biz mәselening mәn-jayyn súrap, Gýlnúr Qúrmanbayqyzyna habarlastyq. Qazir pnevmoniyalyq syrqatyna baylanysty auruhanada emdelip jatyr eken. Bizge telefon arqyly óz jaghdayy turaly aityp bergen edi.

Preziydentke Ashyq hat

Gýlnúr Qúrmanbayqyzy Qúrmanbaydyng ózi Shymkent qalasynyng tumasy. Qyzylorda oblysy, Shiyeli audandyq sotynyng sudyasy qyzmetin 2012 jyldan beri atqaryp keledi. Sol 2012 jyldan bergi «adal enbegim men ar-ojdanym ayaqqa taptaldy» degen Gýlnúr hanym óz basshylyghy tarapynan qudalaugha týskenin aitady.

«Men 2019 jyldyng qarasha aiynan bastap bala asyrap aluyma baylanysty enbekke jaramsyz sanatynda jýrip, odan әri bala kýtimine baylanysty demalysqa shyqqanmyn. Alayda men ózimning basshylyghym tarapynan qudalaugha úshyrap, tipti óz ýiime, júmys ornyma da bara almay jýrmin.

Shiyeli audandyq sotynyng tóraghasy M.Kýzdeubaev barlyq zang búzushylyqtargha jol berip, mening esigimdi búzyp, syrtymnan sheshim shygharyp, qol qoyghan. Zansyz kompiuterim men prosessorymdy QR sybaylas jemqorlyqqa qarsy is qimyl agenttigining Qyzylorda oblysy boyynsha Departamentine (әri qaray Buro) úsynyp, ýstimnen tekseru jýrgizgen», - deydi.

Jogharghy sot ne deydi?

Osyghan baylanysty QR Jogharghy sotyna aryz da jazylypty.

«Jazghan aryzym boyynsha Jogharghy sotymen komissiya qúrylyp, Shiyeli audandyq sotynyng tóraghasy M.Kýzdeubaev pen sudiya A.Joldybaevtardyng tarapynan kemshilikter anyqtalghan.

Qazaqstan Respublikasynyng Jogharghy sotynyng 03.03.2021 jylghy №6001-21-4/4 sandy hatynda, sot sheshimi G.Qúrmanbaymen (G.Qúrmanbay 30.12.2019 – 30.12.2020 jyl aralyghynda bala kýtimi demalysynda bolghan) onyng elektrondy qoltanbasyn paydalanu arqyly 28.01.2020 jyly Shiyeli audandyq sotynyng tóraghasy M.O.Kýzdeubaevpen shygharylghany, osy әreketi ýshin Shiyeli audandyq sotynyng tóraghasy M.O.Kýzdeubaev qyzmetinen bosatylghany jazylghan», - deydi.

«Sol kezde mening bala kýtimine baylanysty enbek demalysynda jýrgenimde, Qyzylorda oblystyq sotynyng tóraghasy Q.Núryshevtyng qatynas haty men jinaqtalghan is-qújattary negizinde sebepker bolghan Qyzylorda oblysy boyynsha Sybaylas jemqorlyqqa qarsy kýres Departamentining qylmystyq qúqyq búzushylyq turaly aqparatty esepke alghan.

Odan keyin, 10 tamyz 2020 jyly Qyzylorda oblysy boyynsha Sybaylas jemqorlyqqa qarsy kýres Departamentining qylmystyq qúqyq búzushylyq turaly №20430013000576 sanmen tergeu basqarmasynyng basshysy jedel-tergeu tobynyng jetekshisi Sh.Shamenovtyng bayanatyny tirkelgen.

Qyzylorda oblystyq sotynyng tóraghasy Q.Núryshevtyng qatynas haty men jinaqtalghan is-qújattaryna sәikes №204300131000065 sandy qylmystyq isten maghan qatysty QR QK-ning 369-babynyng 3-bóligimen sotqa deyingi jana tergep-tekserudi bastau ýshin qújattardy bólektep, әri qaray QR QPK-ning 550-babyna sәikes kelisim alu ýshin QR Bas prokuraturasyna joldau qajettigi kórsetilgen.

11 tamyz 2020 jyly bayanatta kórsetilgen derekter boyynsha, QR QK-ning 369-babynyng 3-bóligimen №204300131000065 sandy sotqa deyingi tergep-tekseru tirkelip, sol kýni №5-1-3/4125 shyghys hatpen QR Bas prokuraturasyna QR QPK-ning 550-babyna sәikes, qylmystyq qudalaudan artyqshyqlyqtary men imuniyteti bar adamgha qatysty sotqa deyingi tergep-tekseru tirkelgeni turaly habarlaghan.

Qazaqstan Respublikasynyng Bas Prokurorynyng mindetin atqarushy B.N.Asylovpen 14 tamyz 2020 jyly QR QPK-ning 550-babyna sәikes maghan qatysty QR QK-ning 369-babynyng 3-bóligimen qozghalghan №20430013000576 sandy qylmystyq is boyynsha sotqa deyingi tergep-tekserudi jalghastyru turaly qauly shygharylghan», - deydi.

«Bala kýtimimen enbek demalysynda jýrgenimde kabiynetimdi tindip, komputerimdi alyp ketti»

Gýlnúr Qúrmanbaydyng aituynsha, búl prosesster jýrgizilip jatqanda ol Shymkent qalasynda bala kýtimine baylanysty enbek demalysynda jýrgen. Sol uaqytta onyng syrtynan jedel–tergeu tobynyng jetekshisi Sh.Shamenovtyng 10 tamyz 2020 jylghy №204300131000065 sandy qylmystyq isten materialdardy bólekteu turaly qaulysyna tirkelgen tizimge sәikes, sudiya Qúrmanbaydyng kabiynetindegi qoldanysynda bolghan kompiuterdi alu turaly hattama toltyrghan jәne ol aighaq zat retinde tanylghan. Sóitip sudiyanyng paydalanuynda bolghan qyzmettik kompiuter boyynsha Qyzylorda oblysy, sybaylas jemqorlyqqa qarsy qyzmetting asa manyzdy ister jónindegi tergeushisi T.Mustafaevtyng 06 mamyr 2020 jylghy qaulysymen sot-kompiuterlik saraptama  taghayyndalyp, 04.06.2020 jyly №967 sandy sarapshy qorytyndysy alynghan.

«Mening óndirisimde bolghan azamattyq is materialdarynyng qújattaryn alu turaly hattama toltyrylyp, oghan qatysty Shiyeli audandyq sotyna súrau joldanyp, jauaptar alynghan.

15 mausym 2020 jyly Qyzylorda oblysy boyynsha sybaylas jemqorlyqqa qarsy qyzmetting asa manyzdy ister jónindegi tergeushisi T.Mustafaevtyng qaulysymen mening óndirisimde bolghan azamattyq is materialdary boyynsha sot-qoltanba saraptamasy taghayyndalyp, 15 shilde 2020 jyly №1279 sandy saraptama qorytyndysy alynghan», - deydi Gýlnúr Qúrmanbayqyzy.

«Preziydentting kenesi men Jogharghy sottyng kelisiminsiz is qozghady»

Taghy bir aita keterligi, sudiya Qúrmanbay qylmys jasau barysynda ústalmaghan. Al sudiyalyq immuniyteti bar túlghalardy qyzmetinen bosatu nemese tútqyndau ýshin QR Joghary sot kenesining qorytyndysyna negizdelgen QR Preziydentining kelisimi boluy kerek eken.

«Men qylmys jasau ornynda ústalghan adam emespin. Maghan qatysty QR QK-ning 369-babynyng 3-bóligimen qozghalghan qylmystyq is auyr nemese asa auyr qylmys sanatyna jatpaydy. Alayda, QR Bas Prokurorynyng mindetin atqarushy B.N. Asylovpen 14 tamyz 2020 jyly maghan qatysty QR QK-ning 369-babynyng 3-bóligimen qozghalghan №20430013000576 qylmystyq is boyynsha tergep-tekserudi jalghastyru turaly qauly shygharylghan uaqytta QR Joghary sot kenesining qorytyndysyna negizdelgen QR Preziydentining kelisimi bolmaghan.

Negizi QR QPK-ning 550-babynyng 1-bóligining talabyna sәikes, QR Bas Prokurory sotqa deyingi tergep-tekseru QR Bas Prokurorynyng kelisimin alghangha deyin zansyz jalghasuy sebepti, 11 tamyz 2020 jyly QR QK-ning 369-babynyng 3-bóligimen maghan qatysty tirkelgen №204300131000135 sandy sotqa deyingi tergep-tekserudi toqtatylyp, sotqa deyingi tergep-tekserudi toqtata otyryp, ony jalghastyrudan bas tartuy tiyis edi.

Tergeu organy Qazaqstan Respublikasy Bas Prokurorynyng mindetin atqarushy B.N.Asylovtyng 14 tamyz 2020 jylghy maghan qatysty QR QK-ning 369-babynyng 3-bóligimen qozghalghan №20430013000576 sandy qylmystyq is boyynsha tergep-tekserudi jalghastyru turaly qaulyny Q.Muhanbekovke bergendigi jóninde 24 qyrkýiek 2020 jyly /shyghys № 5-1/4966/JT-M-434/ sandy hatpen bergen. Alayda, Q.Muhanbekov múddeli túlgha bolyp tabylmaydy.

Men ózdigimnen tergeu organgha Q.Muhanbekovty qorghaushy retinde qabyldau jóninde aryz jazghanym joq. Jәne de tergep-tekseru organdarymen maghan Q.Muhanbekovty qorghaushy retinde taghayyndau turaly qauly qabyldanbaghan. Kelisim-shart boyynsha Q.Muhanbekov mening hatshym E.Qydyraliyevanyng qorghaushysy bolghan. Sebebi, E.Qydyraliyevamen kelisim shartpen otyrghan./Tergeushi Mustafaevtyng qorghaushy taghayyndau turaly qaulysy, qylmystyq is qújatta 2 tom 223-225 bet Q.Muhanbekovtyng orderi tirkeledi./

Sonymen qatar, tergeu organy QR Bas Prokurorynyng mindetin atqarushy B.N.Asylovtyng 14 tamyz 2020 jylghy maghan qatysty QR QK-ning 369-babynyng 3-bóligimen qozghalghan №20430013000576 sandy qylmystyq is boyynsha tergep-tekserudi jalghastyru turaly qaulyny qylmystyq istegi 4 tomnyng tizimning 118-123 betterinde tigilgen dep kórsetilgen.

Alayda atalghan qylmystyq isti ashyp qaraytyn bolsaq, ol betinde tizimdegi qauly kóshirmesi kórsetilmegen, mýldem basqa qújattar tigilgen», - deydi sudiya Qúrmanbay.

«Ýiime kelip, anamdy qorqytqan»

Gýlnúr Qúrmanbaydyng aituynsha, tergeu prosessining bastalghany turaly qyrkýiek aiynda ghana onyng ýiine kelip eskertken.

«Esikti ashqan anama dóreki sózder aityp, qorqytyp, oghan meni uyden shygharudy talap etken. Anam búryn-sondy ondaydy estip kórmegen, ózi ekinishi toptaghy mýgedek әiel.

Odan keyin, tergeu organymen maghan qatysty kýzetpen ústau týrindegi búltartpau sharasyna sanksiyalau turaly ótinish haty týsken. Núr-Súltan qalasynyng mamandandyrylghan audanaralyq tergeu sotynyng 29 nauryzdaghy 2021 jylghy qaulysymen maghan qatysty kýzetpen ústau týrindegi búltartpau sharasyna sanksiyalau turaly ótinish hatty qanaghattandyrusyz qaldyrylghan.

Osy qaulymen kelispegendigi turaly QR Bas prokurory keltirgen ótinishhatynda da maghan resmy týrde meken jayyma tergeu әreketterining bolmaghandyghy anyq jazyp kórsetken. Tergeu organynyng maghan qatysty saralau turaly qaulysy pochta arqyly sәuir aiynda kelgen.

Qorghaushy Q.Muhanbekov mening hatshym E.Qydyraliyevanyng qorghaushysy bolyp jýrgeninde Qyzylorda oblystyq sotynyng tóraghasy Q.Núryshevqa súranys hat joldap, onda QR Sybaylas jemqorlyqqa qarsy is-qimyl agenttigining (Sybaylas jemqorlyqqa qarsy qyzmet) Qyzylorda oblysy boyynsha departamentine prosessualdyq sheshim qabyldau jóninde joldaghan is qújattarynyng kóshirmesin berudi súraghan.

Alayda Qyzylorda oblystyq sotynyng tóraghasy Q.Núryshevtyng qolymen bergen hatynda qylmystyq is qozghaugha negiz bolghan qyzmettik tekseru kezinde jinalghan materialdardyng kóshirmesin berudi, QR Sybaylas jemqorlyqqa qarsy is-qimyl agenttigining Qyzylorda oblysy boyynsha departamentine prosessualdyq sheshim qabyldau ýshin jiberilgenin, osyghan baylanysty  tolyq aqparat alu ýshin Qazaqstan Respublikasy Sybaylas jemqorlyqqa qarsy is-qimyl agenttigining Qyzylorda oblysy boyynsha departamentine jýginu kerektigin  kórsetken. 

QR Sybaylas jemqorlyqqa qarsy is-qimyl agenttigining Qyzylorda oblysy boyynsha departamenti bastyghynyng orynbasary R.Yaghmusovtyng qolymen bergen jauap hatynda, qazirgi uaqytta sotqa deyingi tergeu jýrgizilip jatqandyghy turaly, onyng mәlimetteri jariya etilmeytini jazylghan.

Sonymen qatar, «QR Qylmystyq is jýrgizu kodeksining 78-baby 6-bóligining talaptary qorghanugha qúqyghy bar kuәgerding qúqyqtaryn anyqtaydySoghan sәikes sotqa deyingi tergeu satysynda súratylghan materialdardyng kóshirmelerin beru mýmkin emes» dep kórsetken.

Osyghan deyin mende qorghaushy bolghan joq. Tergeu organy Q.Muhanbekov mening qorghaushy emes ekenin bile túra, menen qorghaushydan bas tartu jóninde aryz jazudy súrady. Soghan sәikes men aryz jazdym. Alayda osy jazghan aryzymdy tergeu organy ózderine kerekti jerlerine paydalanyp, qylmystyq is-qújattargha tirkep, ony dәlel retinde paydalanyp, búrmalap jiberedi dep oylaghan da joqpyn.

Tergeu organdaryna Núr-Súltan qalasynyng mamandandyrylghan audanaralyq tergeu sotynyng 29 nauryzdaghy qaulysymen, maghan qatysty kýzetpen ústau týrindegi búltartpau sharasyna sanksiyalau turaly ótinishhaty qaralyp bolghan son, meni shaqyrdy. Sol kezde 2021 jyly sәuir aiynda jauap beruden bas tarttym.

Sodan keyin, meni kýdikti dep tanyp, is qújattarymen qorghaushy N.Aybulatov 2021 jyly mamyr aiynda tanysyp, QR Bas prokuraturasyna  shaghym keltirdi», - deydi Gýlnúr Qúrmanbayqyzy.

«Asyghys aiyptau aktisin shyghardy»

QR Qylmystyq prosesstik kodeksining 297-babynyng 7 bóliginde, 298 babynda, prokuror shaghymdy sheshkenge deyin qylmystyq is sotqa jiberilmeuge tiyis eken.

«Alayda, ózim densaulyghyma baylanysty auruhanada em alyp jatqanymda, QR QPK-106 babynyng tәrtibimen QR Bas Prokurorynyng mindetin atqarushy B.N.Asylovtyng 14 tamyz 2020 jylghy maghan qatysty QR QK-ning 369-babynyng 3-bóligimen qozghalghan №20430013000576 sandy qylmystyq is boyynsha tergep-tekserudi jalghastyru turaly qaulysyn zansyz dep tanyp, onyng kýshin jongdy súraghan shaghymyna nәtiyjesi shyqpay jatyp, tergeu organy 01 mausym 2021 jyly aiyptau aktisin jazyp, bas prokuror ony bekitip, Qyzylorda qalalyq sotyna jibregendigi turaly habar keldi.

Sotqa deyingi tergep-tekserudi jýzege asyratyn adam proseske qatysushylar qylmystyq is materialdarymen tanysqannan jәne olardyng ótinish hattaryn sheshkennen keyin baryp aiyptau aktisin jasaydy.

Alayda tergeu organy, Bas Prokuror shaghymdy qarau kezinde mening keltirilgen dәlelderimdi tekseruding ornyna, kerisinshe mening konstitusiyalyq qúqyqtarymdy barynsha taptap, ayaq asty qylyp otyr», - deydi.

Taqyrypqa túzdyq:

Qyzylorda oblysynda sudiya sot tóraghasynan azghyndyq kórdim dep shaghymdanghany turaly aqparat 2020 jyldyng jeltoqsan aiynda BAQ-ta jariya bolyp, qoghamda qyzu talqy bolghan edi. Onda Qyzylorda oblysy, Shiyeli audandyq sotynyng tóraghasy qol astyndaghy sudiyany tósektes bolugha shaqyrghany, qaramaghyndaghy kelinshekti degenine kóndire almaghan sot tóraghasy qudalaudy bastaghany jayly bayandalghan.

Gýlnúr Qúrmanbaydyng zang salasynda jýrgenine 20 jyl eken. Al Shiyeli audandyq sotynyng sudiyasy bolyp júmys istegenine 8 jyl bolghan. Audandyq sottyng tóraghasy qol astyndaghy boydaq kelinshekti «qalaghanyna» kóndire almaghan son, qyspaqqa alghan kórinedi. Gýlnúr Qúrmanbay basshylyqtyng múnday qysymyna shyday almay, bala kýtimine baylanysty enbek demalysyna shyghyp ketken. Tipti, ózine ersi úsynys jasaghan tóraghanyng әreketin tizip, Jogharghy sotqa da shaghymdanypty.

Keyin, Shiyeli audandyq sotynyng tóraghasy M.Kýzdeubaev BAQ-qa pikir bildirip, «sudiyany tósekke tartqan joqpyn. Ol jala jauyp otyr», - dep aqtalghan.

«Búl jagha ústatatyn jayt, aiyptaulardyng bәri jalghan. Birinshiden sudiya G. Qúrmanbay sudiya әdebi normalaryn búzyp, negizsiz jala jauyp otyr, ony  tósekke tartty deui negizsiz. Jaghylghan kýie orynsyz qalmaydy, anam da, әielim de uayymdap otyr. Jogharghy sot tarapynan ishki qauipsizdik bólimining qyzmetkerleri kelip, tekserudi jýrgizdi de, aitylghan sózderding ras ekeni dәleldenbedi. Ol turaly komissiyanyng sheshimi de shygharyldy. Otbasymda eki qyzym, әielim, anam bar. Aqyldy әiel erining bir auyz sózine de toqtaydy ghoy. Áyelime jala jabylyp jatqanyn týsindirdim, basqa eshtene aitqanym joq. Ýy ishindegi jaghday búrynghyday emes, auyr... Kelinshegim meni týsinedi dep oilaymyn», - depti Qyzylorda oblysy Shiyeli audandyq sotynyng tóraghasy Marat Kýzdeubaev.

Kýzdeubaev qazylyq qyzmette jýrgen 13 jyldyng 8-inde basshylyq lauazymdar atqarghan eken. Ol ótken jyldyng jeotoqsanynda әriptesining ýstinen aryzdanatynyn aitqan.

«Osy jaghday boyynsha zang talaptaryna say shara qoldanugha mindetti týrde aryzdanuym kerek dep oilaymyn. Ar-namysyma, otbasymnyng bedeline núqsan keltirdi. Onyng әreketteri «tiyse terekke, tiymese bútaqqa» dep aita beru dep baghalaymyn.  Ol sudiyalyq mindetterin  maghan deyin de 5 jyl atqarghan», - degen M.Kýzdeubaev sudiya G.Qúrmanbaydyng sheshiminen keyin jerimizden, ýiimizden aiyryldyq dep shaghymdanushylar kelgendikten, tóragha retinde olardy qabyldap, Qúrmanbaydyng әreketin basshylyqqa habarlaghanyn aitypty.

Osy oqighadan keyin arada az ghana uaqyt ótkende Shiyeli audandyq sotynda alty jyl hatshy qyzmetin atqarghan Enlik Qydyraliyeva ózining jazyqsyz qysymgha úshyraghanyn aityp, arasha súraghan. Aytuynsha, ol ýshinshi sәbiyine ayaghy auyr kezde tóraghanyng qudalauyna úshyraghan. Sebebi, tikeley basshysynyng (sudiya Gýlnúr Qúrmanbay – avt.) ýstinen teris kuәlik beruden bas tartypty. Qysym toqtamaghandyqtan Enlik jýktilikting 34-shi aptasynda bosanyp qoyghan.

Al biylghy jyldyng aqpan aiynda Joghary sot kenesi janyndaghy sot jurii Shiyeli audandyq sotynyng tóraghasy M.Kýzdeubaevty lauazymynan bosatu turaly úsynysty Memleket basshysynyng atyna joldaytynyn «Azattyq ruhy» sayty habarlady. Onda QR Jogharghy sot kenesi apparatynyng atalghan iske qatysty týsindirmesi jariyalanghan.

«2021 jyly 18 aqpanda Joghary sot kenesining janyndaghy sot juriyining otyrysy ótti, onda jergilikti jәne oghan tenestirilgen sottardyng sudiyalaryna qatysty birqatar tәrtiptik ister qaraldy. Sot jurii otyrysynyng qorytyndysy boyynsha 5 sudiya tәrtiptik jauapkershilikke tartyldy, onyng ishinde bir sudiya sógis týrinde jaza aldy, ýsh sudiyagha eskertu jariyalandy, audandyq sottyng bir tóraghasy sudiya lauazymynda qaldyryla otyryp, atqaratyn lauazymynan bosatugha úsynyldy. Sudiyalardy tәrtiptik jauapkershilikke tartugha olardyng sot isterin qarau kezinde zandylyqty óreskel búzghany, sudiya әdebine qayshy keletin, atyna kir keltiretin teris qylyq jasaghany, sonday-aq audandyq sot tóraghasynyng lauazymdyq mindetterin tiyisinshe oryndamaghany negiz boldy», - dep jazylghan resmy habarlamada.

Onan son, ornynan bosatylsyn degen sudiya Marat Kýzdeubaev ekeni rastalghan.

«Marat Kýzdeubaevtyng mәselesi qaralghany ras. Sot juriyining otyrysynda oghan qatysty is qaralyp, nәtiyjesinde Joghary sot kenesi janyndaghy sot jurii Marat Kýzdeubaevty tәrtiptik jauapkershilikke tarta otyryp, audandyq sot tóraghasy lauazymynan bosatu turaly sheshim shyghardy. Sot juriyining búl sheshimi әzirge zandy kýshine engen joq. Sebebi, búl sheshimge onyng (Kýzdeubaev – avt.) aryz týsiru merzimi ayaqtalghan joq. Kelispese 10 kýnning ishinde qarsy shaghym týsire alady, alayda әzirge aryz týsken joq. Qarsy aryz týspese sheshim zandy kýshine endi dep esepteledi de, odan keyin sudiyany lauazymynan bosatu turaly Preziydentke úsynys jiberiledi. Sosyn Memleket basshysynyng jarlyghymen lauazymynan bosatylady. Jogharghy sot kenesine túraqty on adam mýshe. Odan bólek Bas prokuror, Joghary Sottyng Tóraghasy, Ádilet ministri de jalpy otyrystargha qatysady, olar da dauys beru qúqyghyna iye. Al Sot juriyine birneshe sudiya, advokattar men qogham belsendiledi qatysady. Olar Kýzdeubaev bosatylsyn degen sheshimge keldi. Búnday jaghdaydan keyin sudiyalardyng ornynda qaluy ekitalay», - dep týsindirgen QR Joghary sot kenesining baspasóz hatshysy Asan Ahmetjan.

PS: Abai.kz erkin aqparat alany. Spiykerding maqalasy redaksiya ústanymyn bildirmeydi. Ekinshi taraptyng da oiyn tyndap, ony basyp shygharugha dayynbyz! 

Abai.kz